Aposel 5:31 - Takia

³¹ Anut iŋaneg giraŋen won ak lo imado da. Agod dabai ipanig, idsad gurman, idsad patun pasek tamol dam imado da. Anut saen ipanad dan lo, id Isrel tamolpein naod Jesus tupanip ilod ibileksap, an lo idaned aupasek ipare idu panad a.

Aposel 5:31 Referans Kwoze

Luk 24:47

Iŋ yaŋan lo Anut tamolpein ilod ibilisa dop, iŋaned muruan ipasi pidinai an san ru, Jerusalem na fun igane gup, panu panu lo yau a.

Aposel 2:33

Anut Jesus iŋaneg yaŋan tubun geig anda giraŋen won ak lo imado da. Anut gubak mi iŋanen Awan Urgun Jesus ipani wo promis ru ipani a. Aria, gamu promis an nuŋon ilasag Urgun iŋane ya. Ago dugo Jesus sen Urgun an maŋ tinima fo iwali idu ya, ago dugo aŋ mel en ale dugo kududom iloŋ a.

Aposel 11:18

Saen ru an duloŋ man, iŋ ru taidam ad tia ya, tia, Anut yaŋan diabisa dugo dubol, “An rumok tap, Anut ilon yen man tamolpein Juda tia yan ilod ibileksap, kumaen pempem yen san diŋane wan san dal iŋ o dam ikasap yen da.”

Luk 2:11

Tidom nek en lo Dawid san panu lo aŋsam patu pasek tamol ilasa ya. Iŋ man Kristus, aŋanem Tubun a.

Revelesen 1:5

Nek ago mi, Jesus Kristus dam, ilon ipanaŋ dop ilo maror amado san ka ipanaŋ a. Iŋ Anut san ru itaot geig ibol ilasa da. Iŋ mi tamol malan te geig mutou lo imasa ya. Agod iŋ dam kiŋ adi e tan na dumado den sad Tubun a. Iŋ id niŋed o tubun mi imat da, agod iŋanen dar lo idsad aupasek fidian mi isasi panad an lo, muruan tiag kawan tumado da.

1 Jon 4:14

Agod id malad lo Anut iŋanen Nanun idinig tan en san tamolpein patud ipasi wo ipalu yan tile ya, agod an niŋen o tamolpein aenkadi tabol duloŋ da.

Hibru 2:10

Nek uyan ak Anut iŋ mel fidian idirig ago dien diau dan, Jesus madai isini an lo iŋ iganeg itaot mok ilasa ya. Nek an lo iŋ nanuk wei mi iŋal ipalup iŋsan girager an lo iŋ da sisem dumado wa. Man ata wo? Jesus sen iŋ patun pasek san fun.

Hibru 12:2

Id fidian malad yaup Jesus tile, iŋ mi idsad ilo rumok fun a, agod murnap iŋ mi idsad ilo rumok an iganep itaot mok ilasa wa. Iŋ aigim an san muruan ileg an patun ta ipani na ya. Tia, iŋ murnap Anut ilo uyan tubun mi ipani wan niŋen o aigim san miai an man mel kabelan igo woŋ ile ya. Ago yak niŋen o gamu iŋ Anut banin won ak ate yaŋak tubun ak iŋaneg imado da.

Aposel 3:15

Aŋ tamol a id kumaed tumado san fun amaiak afunig imat a. Ak gug Anut mateŋ an lo ifufunig, afon kumaen imasa da ya. Agog kulob an maŋ malama nam mile ya.

Matyu 28:18

Agog Jesus iŋ sumeik mi ipalug igo irupidai, “Anut dabai fidian mi, kumaen panu san, agod tan en san dam, lo melmel fidian ŋitirnai o ipanag a.

Jud 1:25

Anut kisaek en mi patud ipasi san, Jesus Kristus idsad Tubun ak lo yaŋan tabisa wa. Iŋ Kiŋ girager aman da, imug imado ya. Agod dabai tubun ak aman da ya. Iŋ melmel fidian sad gurman imado da. Iŋ gubak mi imado ipalug, gamu dam mi imado da. Saen murna dop, ago mi imado yau a. Rumok.

2 Pita 1:11

Ago dop saen aŋ idsad Tubun en Jesus Kristus idsad patu pasek tamol san kagin panek aben an lo aladu wo dop man, malam dupare uyanan a.

Aposel 2:38

Agog Pita awad yabig ibol, “Fidian aŋanem aupasek anen anen patum apanip, apalup Jesus Kristus yaŋan lo suguek aŋane wa. Ago tap Anut aŋanem aupasek fidian ipare idup Awan Urgun ipanaŋ a. Urgun man iŋsan lou panek, an kawan naon an tia aŋane wa.

Matyu 1:21

Iŋ nanuk tamol ak igansi wa, ago dop oŋ yaŋan Jesus ubol a, fun dugo, iŋ iŋsan tamolpein iŋaned aupasek san ai wadan an lo patud ipasi wa.”

2 Pita 1:1

Ŋai Saimon Pita, Jesus Kristus san urat tamol agod ŋai iŋsan aposel. Tamolpein a iŋsad ilo rumok siŋaokan, nek maŋsama ago mi amaiak, iŋsad na girek en ŋigane ipalu da. Ilo rumok e ŋai niŋen o ŋabol den man Tubun en Jesus Kristus, idsad binawek, an iŋsan na diŋane ya. Iŋ itaot mok an niŋen o ilo rumok an ipidinai a.

1 Pita 3:22

Iŋ kumaen panu na isidag Anut giraŋen won ak lo imado dugo eŋel adi, ur sensen sad gurman adi, agod mel dugon dabai amad da atna dumado dan, an fidian paen na dumado da.

Kolosi 1:14

Nanun an lo idad iŋiliad go, idsad aupasek fidian isuas panad a.

Filipai 3:20

Gug id man kumaen panu san tamolpein mok a. Ante patud ipasi san Tubun ak Jesus Kristus imul ipalu o malan tigane da.

Efesus 1:7

Kristus id da tutumani kisaek an niŋen o, iŋanen dar lo iŋ idad iŋiliad dugo idaned aupasek fidian ipare idu ya. An iŋsan ilo panek tubun geig ak iri pani a.

2 Korint 2:10

Talpein a iŋsan aupasek apare idu yan, ŋai dam iŋsan muruan ŋupare idu wa. Agod muruan ta ŋupare idu na yak tap man, an Kristus naon na aŋ ŋibinawaŋ san o ago ŋigane ya.

Aposel 13:23

“Wagam mi mok Anut idsad tubud baged promis ipidinai ak iŋaned malad kubuladi lo patu pasek tamol ta ilasa wa. An lo gamu iŋanen promis ru an nuŋon ilasa ya, Anut Jesus idinig Isrel sad patu pasek tamol ilasa wo ipalu ya.

Aposel 4:11

Jesus nek amaiak niŋen o Anut ru igo ibol, ‘Pat nek a ab bek tamol adi dumoi dan, nek amaiak ab tinin fidian yabi sakar da.’

Aposel 3:26

Saen Anut iŋanen urat tamol tan en lo igane ilasa man, imug mi aŋsam na igane ipalu ya. Iŋ bar ipanaŋ o ipalu ya, ago dugo bar an igo ya, iŋ idiraŋ pe aŋ anen anen sem adaŋsap aŋanem kagin saiak saiak patum apani wa.”

Aposel 3:19

Ago yak niŋen o aŋanem kagin saiak saiak patum apanip, ilom ibileksap, Anut naom apani. Ago tap aŋanem aupasek fidian ipare idu wa, an lo dop ilo maror agod yaes bilabal san saen Tubun en iganep aŋ o ilasa wa.

Aposel 2:36

“Ago yak niŋen o tamolpein fidian Isrel ilon lo yak kuai tem ŋurupaiaŋ da, ru rumok e ŋurupaiaŋ den aŋ ilom lo rumok o yan amoi san fun man tia ya. Jesus nek a afunig aigim fo abali an, Anut ipilianig iŋ Kristus agod Tubun ak dam igane ilasa ya.”

Mak 4:12

An lo man, ‘Iŋ bo malad pempem yau a, ak man ilod ta itarpasi na wa, agod kududod nam duloŋ bo man, fun mok ta duloŋ na wa. Tia dop, nag iŋ ilod ibilisa dop sed itilianaip Anut iŋsad aupasek isuas yau a.’”

Mak 2:10

Ak gug kulob e ŋiganep an lo ŋai, Tamol Nanun, tan en lo Anut wagen lo aupasek ka ŋupasi yau amaiak aloŋ o ...” ago ibol go tamol a ŋien banin tubabun aman irupei,

2 Pita 3:18

Gug aŋ idsad Tubun ak Jesus Kristus idsad patu pasek an san ilo panek, iŋ aloŋ uyan san aŋ da atabulsi wa. Id iŋ yaŋan tabisa dan lo gamu girager anda imado da, ago mi yen yaup kumaen pempem san nal ilasa wa. Rumok.

2 Pita 2:20

Man dugo, iŋ imug Jesus Kristus idsad Tubun en, agod idsad binawek an duloŋ a, maŋau an lo tan en san nun kagin san na dusol diau la ya. Ak man iŋ afon dumul kagin saian ak lo diladug isubanai tap, iŋsad wadan gamu en san man saian mok, agod iŋsad naon gubak mi an san iriŋani geig a.

Taitus 2:13

Ago dugo mel uyanan a ilasa wan niŋen o mala nouk tumado da, mel an man Tubud Jesus Kristus idsad Tubun, agod idsad Patu Pasek tamol, an iŋanen girager aman da tan en lo ilasa wa.

Taitus 2:10

Iŋaned tamadi an san mel ta digam na wa. Tia, mel fidian lo iŋ awa yabek kagin mi digane da. An lo iŋsad kagin naok naok a digane na yan lo Anut idsad binawek an san piteŋanek bala dupani wa.

Taitus 1:4

O Taitus, oŋ ŋaisag nanug mok igo ya, oŋsa ilo rumok maŋsama da naon kisaek a. Bai Anut iŋ Jesus Kristus idsad binawek an da iŋsad ilo panek, maror da dupanop oŋ da amado wa.

Jon 4:42

Iŋ fidian mi pein an durupei, “Gamu en maŋ oŋsa ru mi maloŋ ak o iloma lo ta rumok na ya. Tia, maŋsema Jesus sen awan lo ru maloŋ ak o iloma lo rumok geig a. Agod maŋ maloŋ ak, nek tamol emaiak, rumok nuŋon mi, iŋ tan en san tamolpein fidian sad patu pasek tamol.”