Aposel 28:4 - Takia

⁴ Nui an san tamolpein Pol banin te mot iyuk dugo dileg, sed nug durupei, “Tag tamol en tamol ifu dumat da. Iŋ beig lo ta imat na gug, naon panek san tubud gamu naon ipani da.”

Aposel 28:4 Referans Kwoze

Luk 13:4

Dugo, tamolpein 18 Siloam na ab lak na geig an yau idug ifu dumat an, ilom lo iŋsad kagin saiak an Jerusalem tamolpein aenta sad kagin saiak an iriŋani abol di?

Luk 13:2

Ago tag Jesus isumianai, “Ak dugo, iŋ dal an lo dumat an niŋen o aŋ ilom lo abol, iŋsad kagin saiak Galili tamolpein aenta sad kagin saiak iriŋani ak ago abol di?

Aposel 28:5

Gug Pol mot an ikupari yaug yai lo idu ya. Mot an Pol tinin ta igane saian man tia ya.

Aposel 28:2

Nui an san tamolpein maŋ lo uyanan mok a. Ui idug abaŋ madid tag yai dutuni panamag, tinima isue ya.

Jon 7:24

Aŋ kankan tia yak lo bitinaek ta agane na wa, tia, aŋ ilom igire na gup, kankan itaot an lo bitinaek agane.”

Matyu 23:35

Fun an niŋen o, tamol uyadi fidian a tan en lo ager adi banid lo mateŋ dile yan, kagin amaiak san ai wadan Anut aŋsem mi ipanaŋ a. An man aŋsinam muruan mi a. An lo Abel imat ak san saen log ipalug kiŋ Joas san saen lo, Sakarias iŋ Berekaia nanun tempel san galuŋ gun ak, alta da titiŋae mi tubum bagemi dufunig imat a, kagin an san ai wadan man aŋsiganem muruan mi a.

Revelesen 21:8

Ak man, talpein a direr dugo dusuk dumul dan, talpein a iŋaned ilo rumok patud dupani dan, a kagin saian geig nun anda yak digane dan, talpein a dufu dumat dan, a jeit kagin digane dan, a nawir digane dan, a tubud sewak adi lo dugudani dugo sad ubou leil digane dan, agod tamolpein fidian ru sewak dubol dan, iŋaned aben man, yai saltek pat salfa lo ided dan ate dumado wa. En man mateŋ murnai a.”

Matyu 27:25

Agog tamolpein fidian ru naon durupeig igo dubol, “Ai wadan en man maŋsigama, agod nanum murouma dida lo, ka yen a!”

Aposel 28:3

Agog Pol ai itueg yai fo idiri wo igane dugo, mot ta yai inani guguleg ilasag Pol banin te iratig banin ipulŋani a.