Aposel 19:27 - Takia

²⁷ Agod muruan tubun ak yen da. Idsad bisnis yen yaŋak saian ak iŋane wa. Muruan an mi tia. Taidam tubud pein Atemis san tempel mel kawan dubol dop iŋsan yaŋan tubun an fon diabi idu wa. Tubud pein an Esia provins lo, agod tan titin fidian en lo tamolpein ago mi ubou an dile da.”

Aposel 19:27 Referans Kwoze

1 Timoti 6:5

Iŋsad ru bilabol an nuŋon tia yak lo, tamol a iŋ ilod iburkaruk idu dan, agod iŋ lo ru rumok ta yen na dan, nal fidian nug dupei da. Tamol amaiak ilod lo, Anut kagin diri dan lo tan en san filian diŋane san dal man nek amaiak ago dubol.

Revelesen 13:8

Tamolpein fidian tan en lo emaiak mel kasik en dugudanip ubou an dile wa. Ak man warou kisaek mi ago ta digane na wa. Warou an man, tamolpein fidian nek a, tan en gamugo ilasa dugo, Anut iŋaned yaŋadi buk lo igire idu ya. An man Sipsip Nanun dufunig imat ak iŋanen kumaen san buk nek ama ya. Aria, tamolpein nek an mi mel kasik an san ubou ta dile na wa.

Revelesen 13:3

Iŋsan kabuŋan kisaek wagai lo mateŋ san baob iŋane manoŋ a, ak gug kabuŋan an dukubuneg afon uyan isusa ya. Tamolpein fidian tan tilianek lo yan mel kasik an niŋen o durut saian geig dugo tinid ŋutud fidian mi lo ŋien aban duri na ya.

1 Jon 5:19

Id mel en dam taloŋ ak id Anut san muroun a, ak gug tamolpein a tan en san muroun mi dumado dan fidian, iŋ man Satan tuon lo dumado da.

Aposel 19:21

Murnag mel fidian ilasag itout an, Pol yaup Masedonia nap Akaia na gup Jerusalem na yau o Urgun kankan ipanig ibol, “Aben an fidian ate ŋau itout gup, Rom na dam ŋau a.”

Matyu 23:13

“Aŋ kubiaeŋ san girek maŋau, Farisi dida man, muruan tubun geig ak ale wa. Aŋ tamol awam rararu amam mi a! Man ata wo? Aŋ tamolpein naod na Anut san kagin panek aben an san dalawan afutani da. Aŋsem ta aladu na da, ago dugo tamolpein a diladu wo dan, nek amaiak aŋ sad dal afou da.

Matyu 24:14

Agod ŋaineg tamolpein bilaluŋ uyanan Anut anen kagin panek niŋen o dubol ilasap, tamolpein tan titin fidian lo yan duloŋ a. Ago dop ŋaineg ru rumok tamolpein fidian malad lo walal te ilasap yen a. Ante gup, nal wadan ilasa wa.

Aposel 19:10

Anaŋar uraru nek ago mi igane dugo, Esia distrik lo Juda tamolpein, agod a Juda tia yan dam fidian Tubun en san ru duloŋ a.

Revelesen 14:9

Eŋel sen ta eŋel uraru dupalu dugo patud fo ipalu yan, awan dabai geig iwagiŋ go ibol, “Talpein ta iŋ mel kasik en iŋsan mitilaen da sad ubou leil igane dop, agod iŋ naon fo, tia, banin te, kob iŋane tap,