Aposel 18:23 - Takia

²³ Antiok na kitek imado gug yaug Galesia ilon lo iladug, Frisia na dam ilo rumok adi fidian dabai ipidinai dugo yau oŋ se ya.

Aposel 18:23 Referans Kwoze

Aposel 14:22

Atna ilo rumok adi iŋaned ilo rumok diabi sakar o tan suek ru durupidai, agog ru en dam durupidai, “Id muruan tubun mi tisini gup, Anut san kagin panek lo tiladu wa.”

Aposel 16:6

Urgun iŋ Esia san tan fidian lo Anut san ru dubol ilasa wo man geg ipidinai a. Ago tag iŋ Frisia na, agod Galesia na mi tureŋ diabi na ya.

Aposel 15:41

Agog iŋ Siria nag Silisia na midaeŋ fidian dabai dupidinai dugo diau se ya.

Aposel 15:32

Judas iŋ Sailas da sisem sad teid taodi ru wei mi nam tan suek ru dupidinaig dabai dupidinai a. Man dugo, tamol uraru en dam Anut san profet mi a.

1 Tesalonaika 5:14

Teig muroug, saen tamol ta urat igane wo ilon isali tap, dal an saian ak ago ru kagin arupei wa. Tamol a buben irer dan dabai apani wa, agod tamol a iŋsan ilo rumok dabai amad tia yan abiai sakar a, kabelan dideg diau banau. Nug kagin apani wo ilom ta isali na wa. Maŋ kagin ago agane wo mususuŋanaŋ da.

Galesia 4:14

Agod subam a ŋai tinig lo ilasa yan muruan tubun geig aŋ ipanaŋ a. Ago bo man aŋ naom sakar go aliag saian dop abianag man tia ya. Tia, aŋ ŋai aŋiliag ak nek ibol Anut san eŋel igo woŋ a, tia, nek ibol Jesus Kristus iŋsen mi ak ago aŋiliag go kagin ag agane ya.

1 Korint 16:1

Gamu ŋai aŋ moni atumanip Anut anen tamolpein Judea na dumado dan abinawai san niŋen o ŋurupaiaŋ da. Nek ibol ŋai midaeŋ Galesia tan lo dumado dan ŋurupidai ago mi aŋ dam ago agane wo ŋurupaiaŋ da.

1 Tesalonaika 4:18

Ak niŋen o aŋ teim muroumi ru en lo ilod dabai apani a.

1 Tesalonaika 3:2

Agog maŋ id teid Timoti mi midinig aŋsam na ipalu ya. Iŋ bilaluŋ uyan ak Kristus niŋen o yan ibol ilasa san urat lo, iŋ Anut san urat kisaek a. Ago yan lo maŋ miganeg, aŋanem ilo rumok lo dabai ipanaŋ o aŋsam na ipalu ya.

Galesia 1:2

Ŋai teig muroug Kris ak dadi fidian mumado dugo, ŋai girek en aŋ tamolpein Galesia distrik san midaeŋ fidian sam na ŋiganeg ipalu da.

Aposel 16:40

Ago tag Pol iŋ Sailas da Lidia san ab lo diau a. Atna ilo rumok adi dumado dugo, tan suek ru durupidaig dubusawaig diau a.

Luk 22:43

Agog eŋel ta lak na idug Jesus dabai ipani.

Luk 22:32

Gug Saimon, ŋaisag gadiŋ lo oŋane ilo rumok ta idu geig na wak ago Bai ŋusumiani a. Saen ŋaisag na umul dop, oŋane tei iŋaned ilo rumok an dabai pani wa.”

Luk 1:3

Ŋaiseg mi melmel an fidian, fun lo dilasag ipalu yan ŋupupi ŋile ya. An niŋen o ŋaisag ilo sou lo mel en uyanan a, ŋai gamu mel en fidian tet mi ka ŋigire pano wa.

Aposel 19:1

Saen Apolos Korint na imado dugo, dal ta did fufo mi yau ak Pol irig Efesus na yau. Atna ilo rumok aenkadi dumado dugo yil tag

Galesia 1:9

Aria, maŋ ru a wagam murupaiaŋ an ŋai gamu fon ŋurupaiaŋ da. Talpein ta bilaluŋ naon sen ak ibol ilasag, bilaluŋ a aŋ aŋane la yan ida naon kisaek tia tap, Anut iŋ imisilanip Ades lo yau a.