Aposel 15:7 - Takia

⁷ Ŋiŋeŋ diganeg yaug milaen dugo Pita imasag ibol, “Teig muroug, aŋ aloŋ a. Malan malan mok Anut aŋ luluŋam lo ŋai ipilianag a. Agop tamolpein Juda tia yan ŋai awag lo Jesus san bilaluŋ uyanan an duloŋ pe, ilod dibilisap, ilod lo rumok a.

Aposel 15:7 Referans Kwoze

Aposel 15:2

Pol iŋ Barnabas da ru an niŋen o dida tubun mi nug diabi se ya. Ago tag ilo rumok adi Antiok na yan ru kagin igo durupidaig dubol, “Pol Barnabas da, aenta dam dida diaup, Jerusalem na aposel iŋ matu gurman adi dida muruan an niŋen o dukubiai a.”

Aposel 20:24

Ŋaisag ilo sou lo ŋaisiganeg madok an mel tubun tia ya, agod ŋaiseg tinig o kankan ta ŋigane na da. Tia, ŋai Jesus Tubun en urat ipanag an ŋigane itout o yaes ifunag da. Urat an man, ŋai Anut san ilo panek tubun mi tamolpein fidian niŋedi wo yen dan ŋufulale san ama ya.

Aposel 10:20

An lo udup, dida au. Ilo weiwei umoi. Man dugo, ŋaiseg ŋidinaig, oŋsa na dupalu ya.”

Filipai 2:14

Aŋsam madok ilon lo urat biabi fidian agane dop aŋsem nugnug lo aŋurŋur dop nug apei amoi.

Aposel 15:39

Ago man ilod ta kisaek na yan lo ru dabai nam nug aen dutog se ya. An lo sensen diau a. Barnabas Jon yaŋan neinta Mak iŋaneg ida wog diŋaneg Saipras nui na diau a.

Aposel 13:2

Saen Tubun en yaŋan lo anaŋ geg diganeg dugudani dugo Urgun irupidai, “Ŋai urat ta amag da yak niŋen Sol Barnabas da apilianai apanag.”

Aposel 9:15

Gug Tubun en Ananaias irupei, “Wau! Man dugo, ŋai tamol an urat ag igane wo ŋipiliani a. Iŋ tinin lo tamolpein Juda tia yan, iŋaned kiŋ dida, Isrel tamolpein dam naod na ŋai yaŋag kuai te irupidaip ru ŋai niŋeg o duloŋ a.

Aposel 4:25

Urgun lo oŋse maŋ tubum bagem Dawid oŋane urat pinein awan lo ubol dugo gamu nuŋon mile da. ‘Ata wo tan fidian sad tamolpein tiŋaed saian di? Ata wo tamolpein an palaŋ dumari gug nuŋon tia yak i?

Aposel 3:18

Anut profet adi awad lo wagam ibol, iŋanen Kristus muruan isini wo ibol. Ak niŋen o dal an lo iŋanen ru ibol ak nuŋon ilasa ya.

Aposel 1:24

Uraru an niŋedi wo gadiŋ lo Jesus igo dusumiani, “Tubun en, oŋ tamolpein fidian ilod uloŋ. Ago yak niŋen o tamol uraru en dugon Judas aben iŋanep aposel urat igane wo pilianip kubiai panama. Man dugo, Judas aben a iŋsan mok an lo yau wo iŋsan aposel urat ibisei a, agog gamu iŋsan urat an awan kawan yen da.”

Aposel 1:16

ibol, “Teig muroug, ru en aloŋ, wagam Urgun Dawid awan lo Judas niŋen o ibol ak nuŋon ilasa ya. Judas Jesus san ager iŋal go, dal ikubiai dileg dida diaug Jesus diabi a.

Jon 15:16

Aŋ imug ŋai ta apilianag na ya. Man tia. Ŋai aŋ ŋipilianaŋ go ŋaisag ak ŋabol la ya. Ago yan lo aup urat nuŋon agane ilasa san ago kob ŋupanaŋ a. Ago dop aŋanem urat an nuŋon yen yau a. An lo mel ta wo ŋai yaŋag lo Bai asumiani dop man, iŋ ka ipanaŋ a.

Jon 3:27

Agog Jon ru naon igo irupidai, “Uyan, talpein ta iŋsinan dabai lo mel ta iŋane san tia ya. Tia, iŋ binawek Anut kumaen panu lo iganeg idu an mi ka iŋane wa.

Aposel 10:19

Pita malan ŋutun amaiak kankan an iganed imado dugo Urgun irupei, “Uloŋ, tamol utol oŋ abaŋa diabi da.

Aposel 15:14

Anut imug mi Juda tia yan sad na ilasag luluŋad lo tamolpein aenta iŋal pe iŋanen yaŋan disini wo sad na yau a, an san ru Saimon irupaiad la ya.

Aposel 21:16

Sisaria na ilo rumok adi aenkadi dam dida maug, tamol ida mumado wak san ab lo diŋiliama ya. Tamol an yaŋan Nason. Iŋ Saipras tamol, agod Kris tamolpein imug mi ilod lo rumok ak luluŋad lo iŋ tamol kisaek ta.