Aposel 15:19 - Takia

¹⁹ Agog Jems fon ibol, “Ŋaisiganeg kankan lo yak ŋabol da. Id tamolpein Juda tia yan dibilisap naod Anut dupani dop muruan ta tupidinai na wa.

Aposel 15:19 Referans Kwoze

Aposel 15:28

Maŋsama ilo sou lo, agod Urgun san ilo sou lo dam, mel en mi uyanan a. Maŋ iŋ da sisem murupaiaŋ dak, aŋ muruan ta fon kubiaeŋ en subuŋan tinim fo ta migane isuda na wa. Kagin nek en mi agane wa.

1 Tesalonaika 1:9

Tia, iŋsed mi aŋsam mala parek naok dugo yak apanama yan niŋen diŋiŋeŋ ilasa da. Aŋ bui adi sad tubudi lo adaŋsag, Anut mi ilom apani a. An lo gamu Anut e rumok di kisaek o lian en paen na amado dugo, iŋsan urat tamolpein mok alasa yak, an niŋen o diŋiŋeŋ da.

Aposel 15:24

Maŋ maloŋ ak maŋsama tamol aenkadi aŋsam na diaug ru dubol an lo aŋ ilo wei dupanaŋ dugo aŋanem kankan dukubuli a. Maŋ iŋ ago digane wo ru kagin ta murupidai na ya.

Aposel 26:20

Malmalan mok Damaskus na ru ŋufulale se ya. Murnag Jerusalem nag, Judea sad gigin fidian log, Juda tia yak lo dam ŋaug, ru ŋufulale se ya. Iŋ bubed dibilisap, iŋaned saian patud dupanip, naodi Anut dupanip kagin saiak patud dupani an nuŋon kuai te digane ilasa wak san ru ŋufulale se ya.

Galesia 2:4

Gug rumok, teid sewak adi iŋ dimianuk oŋ go, maŋsama tumanek lo disadu ya. Id wagam kubiaeŋ san subanek lo tumado na ya, gug gamu patun fo tilasag tumado da. Fun man id Kristus da tutumani an lo mi a. Tamol sewak adi mianuk lo disadu yan san fun man, idsad madok foun ak lo tator dan niŋen o abaŋ dikibiani wa. Iŋsad ilobol igo ya, id afon iŋsad subanek an lo tiladu san niŋen o disadudunad a.

Aposel 15:10

Ago yak niŋen o aŋ ata wo dal en lo Anut naon akubiani wo agane dak i? Aŋ gamu ilo rumok adi Moses san kubiaeŋ burod fo agane isuda wo agane da. Gug wagam id baged muroud, agod gamu idsed dam muruan an tisini san ta idaisuda na ya.

Aposel 21:21

Gug talpein ta ru en oŋ niŋe wo durupidai dugo duloŋ a. Oŋ Juda tamolpein gigin aenkadi lo dumado dan Moses san kubiaeŋ dumoi o piteŋanai da. Ago dugo iŋaned nanuk tamol ak dam tinid suŋulon dutute dumoi o ubol da, agod Juda sad tamol kagin dam ta digane na wo ubol da.

Aposel 21:25

Gug ilo rumok tamolpein adi iŋ a Juda tia an, maŋ ru kagin igo migireg murupidai a. Iŋ anaŋ a tamolpein tubud sewak adi dupidinai dan ta diani na wa. Dar dam geg. Agod mel burod dususe yak sad dar ta ilasa na yan dam ta diani na wa. Agod jeit kagin dam ta digane na wo mabol a.”