Aposel 14:3 - Takia

³ Gug Pol iŋ Barnabas da atna saen kitek milaen mi dumado ya. Iŋ ta direr na ya, tia, Tubun en san ru iŋanen ilo panek san an dubol ilasa dugo, Tubun en iŋsen dabai a ipidinai an lo tamolpein ikubiai dileg iŋanen ru an rumok a. Man dugo, aposel uraru an iŋsan dabai nek amaiak lo kulob girager funfun digane se ya.

Aposel 14:3 Referans Kwoze

Hibru 2:4

Saen nek an lo mi Anut tamolpein a mel malad nam dile amaiak iŋsad ru an dabai ipani. Iŋ kulob girager agod urat dabai tutubun ak igane na ya, agod iŋsen ilon ibol ak lo mi Awan Urgun san dabai lo iŋ urat digane san bar funfun iwae pidinai a.

Aposel 20:32

“Gamu Anut banin lo ŋidiraŋ da. Agod iŋsan ilo muŋanek san ru aloŋ an ibunawaŋ pe, aŋanem ilo rumok dabai ipani wa. Ru an dam iganep aŋ tamolpein a Anut idiraig gun dilasa yan dida Anut san wasar an sisem mi aŋane san idaisuda geig a.

Aposel 20:24

Ŋaisag ilo sou lo ŋaisiganeg madok an mel tubun tia ya, agod ŋaiseg tinig o kankan ta ŋigane na da. Tia, ŋai Jesus Tubun en urat ipanag an ŋigane itout o yaes ifunag da. Urat an man, ŋai Anut san ilo panek tubun mi tamolpein fidian niŋedi wo yen dan ŋufulale san ama ya.

1 Tesalonaika 2:2

Inug mi Filipai na man, maŋ tinima malan dusueg ilo madai miŋane man aŋ aloŋ a. Ak man idsad Anut maŋ bubema dabai ipani an lo, maŋ dabai miŋaneg iŋsan bilaluŋ uyan an aŋsam na mufulale se ya. Maŋ ager tamol adi dida nug mabi midiri se yak man niŋedi wo ta marer se na ya.

Rom 1:16

Ŋai bilaluŋ uyanan e ŋabol ilasa den niŋen o miai ta ifunag na da. Man dugo, Anut san dabai an lo yen da, an lo tamolpein fidian ilod lo rumok dan patud ipasi wa. Malmalan Juda adi, ago gup murna gob adi wa.

Mak 16:20

Agog iŋanen megeloum adi dufurak go, gidigidad diaug iŋanen ru dubol ilasa na ya. Agod Tubun en iŋsen iŋ dida urat digane se ya, ago dugo kulob funfun kob aman da idiri dilasa yan lo tamolpein dile man, iŋanen ru man ru rumok a.

Aposel 5:32

Maŋ iŋsan mateŋ, imasa yan malama lo mile ya. Ago yak niŋen ru an tamolpein naod na mabol da. Urgun dam iŋanen urat lo melmel en fidian niŋen o ibol da. Ago dugo Anut Urgun nek an tamolpein a fidian iŋsan awan kagin dupani dan ipidinai a.”

Aposel 2:22

“O Isrel tamolpein, kudom agure! Anut aŋ naom na ikubiaig ale yak, iŋ Nasaret tamol Jesus an uyan ipani a. An dugo woŋ i? Anut sen kulob girager agod urat dababai funfun kob igo woŋ tamol an lo idiri dugo ale na ya. Melmel an aŋ luluŋam lo tamol an tuon lo dilasa dugo aŋ an fidian aloŋ a.

Aposel 13:46

Ago man Pol iŋ Barnabas da ta dusuksuk nag ru naon igo durupidai, “Anut iŋsan ru malmalan aŋ murupaiaŋ aloŋ o ru kagin irupaiama ya, gug aŋsam leil lo man aŋ ibol tamolpein kumaen pempem yen dan diŋane san ta idaisuda na yak igo woŋ a. Aŋ Anut san ru amoi an niŋen o, maŋ gamu miriŋanaŋ pe Juda tia yak sad na mau a.

Jon 4:48

Agog Jesus irupei, “Aŋ tamolpein pempem kulob ta girager aman da yak, agod kulob a urer san dam ale wo ilom ibol da. Tia dop, aŋ ilom lo ta rumok na wa.”

Aposel 4:31

Gudanek itout go ab a lo dutumani an ibuk ila iso ya. Ago dugo Urgun fidian bubed ilon awan isag, Anut san ru tamolpein naod na dubol ilasa wo tinid ta irer na ya.