Aposel 14:21 - Takia

²¹ Pol iŋ Barnabas da Derbe na Jesus san bilaluŋ uyan ak dubol ilasag, tamolpein wei mi ilod dibilisag, Jesus san megeloum dilasa ya. Agog uraru an dumul go, Listra nag, Aikoniam nag, Antiok o Pisidia na yan lo dilasa ya.

Aposel 14:21 Referans Kwoze

Aposel 14:19

Agog Juda aenkadi Antiok Pisidia provins atna yan, Aikoniam na yan dam dupalug, doup ilod diŋaneg, Pol pat nam dufuni a. Agog diraeg, taun san ar patun fo dilasag, dibal yau a, agog diau a. Ilod lo man imat ak dubol a.

Aposel 14:1

Kagin naon kisaek an ago mi Aikoniam na ilasa ya. Pol iŋ Barnabas da Juda ubou ab lo ru dufulale uyanan mok an lo Juda adi agod Juda tia yan dam wei mi ilod lo rumok a.

Aposel 13:51

Tamolpein an Anut san kagin panek ru duloŋ o dumoi an niŋen o, aposel adi ŋied fo gufgaf an dipilti idug, Aikoniam na diau a.

2 Timoti 3:11

muruan dupanag dop lo madai ŋisini da. Mel dugon Antiok na, Aikoniam na, agod Listra na, naog na ilasa yan uloŋ a, agod muruan naok dugon ante dam ŋile se yan uloŋ a. Ak man Jesus muruan fidian an lo ŋai patug ipasi a.

Aposel 14:6

Saen aposel ru an duloŋ tag, dusol go distrik Likonia na taun uraru Listra iŋ Derbe da, agod panu susumeik an lo dam diau a.

Aposel 13:14

Pega dubuseig Pisidia na taun ta yaŋan Antiok na diau a. Agog saen Sabat nal idug Juda sad ubou ab ta lo diladu ya.

Matyu 28:19

Ago yak niŋen o, aŋ gidad aup an lo tamolpein a tan fidian lo dumado dan, ŋaisag megeloum adirai dilasa wa. Ago dop aŋ Bai yaŋan lo, Nanun yaŋan lo, Awan Urgun yaŋan lo afulanai a.

Aposel 16:2

Listra iŋ Aikoniam da sad ilo rumok adi fidian Timoti dupitiani da.

Aposel 15:36

Murnag Pol Barnabas irupei, “Id taup, teid taod Kris a panu panu imug taug Tubun en san ru turupidai se yan ate tau a. Iŋ dugo dumado dan teil a.”

Aposel 14:8

Listra na tamol ta imado. Iŋ tinan tiŋaen lo mi ŋien imat, agod itor san tia ya.

Aposel 2:47

Anut yaŋan diabisa dugo tamolpein ilo rumok adi sad kagin dileg yaŋad diabisa se ya. Agog Tubun en nal pempem tamolpein a patu pasek ipidinai dan ilo rumok adi luad te idirai se ya.

Aposel 14:7

Ante Jesus san bilaluŋ uyan an san fun dufulale se ya.

Aposel 14:15

“Aŋ ata wo igo agane dak i? Maŋ dam tamol nek aŋ igo mi a. Maŋ bilaluŋ uyan ak ta Jesus niŋen o misini mupalu da. Maŋsama ru an aloŋ dop kagin sewak agane dan patum apanip, Anut kumaen imado dan mi ubou an ale wa. Iŋ keit, tan, beig igane ya. Agod melmel fidian tan fo na, agod beig ilon lo yan fidian idiri a.

Aposel 14:26

Murnag wog diŋaneg Antiok a provins Siria lo yan ante dumul diau a. Aben ante gubak mi Anut san urat banid lo digane dugo iŋsan ilo panek paen na urat digane wo idiraig dutor nag, gamu wadan dufutani a.