Aposel 13:10 - Takia

¹⁰ “Oŋ Satan san nanun, agod melmel dugon uyanan ak sad ager! Oŋ tini man ru sewak agod sewak kagin naon fidian iŋanefute ya. Oŋ pempem Tubun en san ru rumok an bilisap sewak oŋ gane da.

Aposel 13:10 Referans Kwoze

Jon 8:44

Aŋanem tamam Satan, aŋ iŋanen nanun muroun mok a. An lo aŋ ilom man, iŋanen ilobol mi aganuri wa. Fun mok lo ipalug gamu en, iŋanen kulob mok man, iŋ tamol ifu dumat na ya. Iŋ tinin lo ru rumok ta yen na ya, ago tag ru rumok ak ta yabig iri na da. Saen iŋ ru sewak ibol dan, iŋanen muroun ru ibol da. Man dugo, iŋ sewak tinan, agod iŋ sewak fidian an sad tamad mok imado da.

Galesia 1:7

Bilaluŋ naon sen ak taida mi ak i? Tia geig a. Ak gug aenta e dumado den maeg diganep aŋ ilom muruan dupanaŋ a. Kristus iŋanen bilaluŋ uyanan en naon sensen iŋ dubulisa dibilila wo ilod ibol da.

2 Korint 11:3

Ŋai ilog irer da, kabelan supalek ru lo wagam mi geig mot Ewe irawi igo woŋ, ru sewak ta aŋ ilo burau ipanaŋ banau. Man dugo, kabelan tamol tata aŋ ilom diŋane dop lo aŋ ikok kagin agod rumok kagin dam a Kristus lo yen dan abiseip, ilo sou kawan ak ari apani wo man ŋai ŋamoi geig da.

Matyu 13:38

Abi man, tan en naon iŋane ya. Ai patun uyan man, tamolpein ensauta a Anut san kagin panek paen na dumado dan naod iŋane ya. Agod ud saian an man, tamolpein ensauta a Satan nanun muroun amaiak naod iŋane ya.

1 Jon 3:8

Talpein enti aupasek igane oŋ dop man, iŋ Satan san muroun mi a. Man dugo, Satan iŋ fun lo mok go ipalu yan au ipas na ya. Ak man Anut Nanun kuai isi an fun man, Satan san banin aban isubari idu wo ipalu ya.

Luk 11:52

“O kubiaeŋ san girek maŋau, muruan tubun geig ale wa! Aŋ tamolpein maŋau diŋane san ki an banid lo apasi yau a. Aŋ tamolpein a maŋau san ab lo diladu wo ilod ibol dan sad dal afutani da, agod aŋsem ta aladu na ya.”

2 Pita 2:15

Iŋ dal itaot ak dubiseig sen diau geig a, agod iŋ Beor nanun Balaam gubak mi yau ago diau da. Iŋ kagin saiak saiak iganep naon moni iŋane wo mi imat da.

Aposel 20:30

Agod aŋ luluŋam lo tamol aenkadi dilasap siganed ru sewak lo ru rumok an dukubuli dop senamo geig ilasa wa, an lo dop ilo rumok adi dirawai dop ŋied abad diri wa.

Matyu 23:13

“Aŋ kubiaeŋ san girek maŋau, Farisi dida man, muruan tubun geig ak ale wa. Aŋ tamol awam rararu amam mi a! Man ata wo? Aŋ tamolpein naod na Anut san kagin panek aben an san dalawan afutani da. Aŋsem ta aladu na da, ago dugo tamolpein a diladu wo dan, nek amaiak aŋ sad dal afou da.

Matyu 15:19

Man ata wo? Kagin naok naok igo yan tamolpein sad ŋutud lo ilasa da: ilo sou saian ak san kagin, tamol ifuni imat dak, turan iwon ida dien dak, jeit kagin, gumagam kagin, supalek ru agod uf ru dam mi a.

Matyu 3:7

Ak gug saen iŋ tamol wei mi Farisi agod Sadyusi ago iŋ isuguai o naon na dupalug dilasa dugo yil a, agog ru dabai ipidinaig ibol, “Aŋ mot nanun moroun! Enti Anut san tiŋae saian mitep ilasa wan niŋen o ru kagin ipanaŋ dugo asol dak i?

Jon 1:23

Ago gug Jon profet Aisaia awan aban iŋaneg igo ibol, “Ŋai man tamol ta aben kawan ak ate iwagiŋ emaiak san awan ŋisiaig ŋuwagiŋ da, ‘Tubun en iŋanen dal akubune apani!’”

Luk 11:39

Ago tag Tubun en Farisi an irupei, “Aŋ Farisi man gab daeg da tinid patud fo yak mi afulanai da. Gug ilom lo man mala sek, agod kagin saiak saiak mi awan isa ya.

Efesus 4:14

Wagam id nanuk oŋ tumado na ya, id wog igo woŋ beig san bururuk gidigidad iriad ila iso se ya. Gug id Kristus oŋ tilasa wo dop, id afon nanuk oŋ ta tumado na wa. Man dugo, imug mi kagin en id Kris tamolpein luluŋad lo yen a. Tamol ta supalek ru nam piteŋanek foun foun ak dupanad a. Piteŋanek an Kris tamolpein iduduwai dugo ilo sou uyan ak san dal ifutani da. Tamol an dal funfun lo dirawai dugo dal saian ak lo didirai diau da. Teig taog, id fon ago ta tilasa na wa.