2 Timoti 2:24 - Takia

²⁴ Tubun ak san urat tamol man tamolpein aenta dida nug ta dupei na da. Tia, iŋ tamolpein fidian ilon ipidinai da, tamolpein aenta ipiteŋanai san iloŋ uyanan ak, agod a muruan dupani dan dam ta yabianai na wa.

2 Timoti 2:24 Referans Kwoze

Taitus 3:2

Iŋ talpein ta patun fo uf ta digane na wak, dida nug ta dupei na wak, aenta niŋedi wo ilo sou digane wak, agod dam fidian malad lo iŋsad kagin mos an digane ilasa dop dile wa.

Taitus 1:7

Man dugo, midaeŋ san kagin panek tamol man sad tureŋ lo tamolpein iŋ lo muruan ta dile na da. Man ata wo, iŋ Anut san urat tamol. Fun an niŋen o iŋ kabuŋan ta sakar na wak, tiŋaen ta saian kisaek oŋ na wak, iŋ you sakar ak ta iluk na wak, agod wagai gidigidad ta igane na wa. Iŋ dal saiak saiak lo filian iŋane wo ago ta igane na wa.

1 Tesalonaika 2:7

Ak man saen maŋ aŋ da tumado se yan, maŋ kagin mos anda migane se ya, nek ibol pein iŋanen nanuk kagin ipani dak igo woŋ a.

1 Timoti 6:11

Ago gug, oŋ man Anut san tamol mok a. An lo dop kagin an fidian oŋ patu pani wa. Kagin itaot, Anut kagin, ilo rumok, ilo panek, utur sakar san kagin, agod mos san kagin, kagin naok an man oŋsa bube san kob uyanan a.

Kolosi 3:13

Nug ale saian amoi dop, muruan dugo yak aŋ nugnug lo yen dan, aŋ anen anen apare idu dop, nek ibol Tubun en aŋanem aupasek isuas panaŋ ak igo woŋ, aŋ dam nug san aupasek asuas a.

Filipai 2:14

Aŋsam madok ilon lo urat biabi fidian agane dop aŋsem nugnug lo aŋurŋur dop nug apei amoi.

Filipai 2:3

Aŋ yaŋak tubun ak aŋane wo ŋai-ŋai kagin ta agane na wa, agod taida mi, aŋ kulob fun tia yak lo sem yaŋam ta abisa na wa. Mel ta agane wo dan san fun, sesunoi kagin an lo ilasa wo dan gidad amoi. Tia, aŋ sem ibiaŋ adup aenta aŋ diriŋanaŋ ak ago eil a.

Efesus 4:2

Aŋ sem ibiaŋ adu dop tamolpein maror amami ak igo woŋ amado wa. Saen aŋ ilo muruan dupanaŋ dop niŋedi wo aŋ ilom wananan amoi. Aŋ anen anen nug ilon apani wa, ago dop muruan a nugnug lo akubiani dan, gidad asini wa.

1 Pita 3:8

Ŋaineg ru kagin wadan igo ya. Aŋ fidian kankan kisaek, agod nug ilon imuŋani wa. Nug tein taon igo woŋ nug niŋen o amat a. Nug niŋen o bubem apasi wak, sem ibiaŋ adu dop aenta diriŋanaŋ ak ago ilom isou wa.

Jems 3:17

Ak man kankan milaen a lak na yak idu yan man igo ya: iŋsan ilo isou fidian man ikok, iŋ tamol maror igansi san, iŋ tamol mos an, iŋ ilon dabai an tia ya, ilo muŋanek tinan, iŋsan kagin nuŋon uyan uyan ak mi, iŋ kagin kisaek ak mi iwae dak, agod ru rumok san a.

Taitus 1:9

Iŋ ru uyanan a gubak mi dupiteŋanad go ilod tupani dan mi yabituani wa. An lo piteŋanek a uyanan an san maŋau ka ipiteŋanai siŋaokan a, agod tamolpein a iŋsan awan lo dipirgini dan iŋsan piteŋanek uyanan an lo awad yafutani wa.

2 Korint 10:1

Tamol aenta ŋai ai dupanag go ago dubol, “Saen Pol id da tumado yan iŋsen yabi idu ya, gug saen id ibisawad go asau mi imado yan iŋ ru dabai nam irupaiad da.” Ak gug ŋai Pol, ŋai nek ibol Kristus iŋsen yabi idug mos nam kulob igane ago woŋ, ŋai aŋ ru e mos nam ŋurupaiaŋ den aloŋ uyan o ŋusumianaŋ da.

Aposel 7:26

Nal tinin te man, Isrel tamol uraru nug dufuni dugo yil tag, maror igansi wo yaug irupidai, ‘Aloŋ, aŋ nug tein taon, en ata wo nug tinin malan asue wo agane dak i?’

Matyu 12:19

Iŋ maeg iganep lo ru ta ikubiai dop iwagiŋ na wa. Taun san dal lo iŋanen awan iwagiŋ den ta duloŋ na wa.

Jems 4:2

Aŋ melmel niŋedi wo malam isi dak ta aŋane na da. Aŋ tamol afu dumat agod iŋsad melmel apasi asini wo ilom tubun mok imasa da, gug ta aŋane na da. Ago agane dan fun dugo aŋ Anut ta asumiani na da.

Jems 1:1

Ŋai Jems, Anut iŋanen urat tamol, agod Tubun en Jesus Kristus san dam mi a. Ilo uyan Anut san gugoi 12 tan gidigidad lo dumado den sad na girek en ŋigane yau da.

Jud 1:3

Ŋai turag muroug, patu pasek e aŋ maŋ da sisem tabig tumado den san fun ŋigire wo ŋai yaes isofutanag da. Gug ŋai ilog isoug gamu ru senamo ŋigire wo da. Ilo rumok e id gun adi tabi den, Anut iŋsen saen kisaek o lian id banid lo igane yan man id ta tibileksa na wa. Fun amaiak niŋen o, idsad ilo rumok abalgirani san niŋen wagai agane wo ru kagin ŋupanaŋ da.

Aposel 23:9

Agog nug tubun mi dububuŋani dugo kubiaeŋ san girek maŋau aenkadi Farisi patud fo dutur dan dumasag, ru dabai anda dubol, “Id tamol en mel igane saian ak ta fun tile san tia ya. Nag ur uyan ak boi, tia eŋel ta boi, awan lo iloŋ go ago iŋiŋeŋ da!”

Taitus 1:1

Ŋai Pol, Anut san urat tamol ipilianag go Jesus Kristus san aposel ŋilasa ya. Iŋsan pilianek tamolpein sad ilo rumok an ilasa wak, agod maŋau a ru rumok san an lo id Anut san kagin turi tupanip tator o ipilianag a.

Galesia 5:22

Ak man Awan Urgun san nuŋon man, ilo panek, yousai, maror, mos ganek, ilo muŋanek, kagin uyanan ak gane dak, oŋane ru ganuri dak,

2 Korint 10:4

Man ata wo? Maŋ yu dumui nam wagai migane dan tan en san tia ya. Tia, maŋsama yu san biouŋ man Anut lo mi dabai geig a, ago dop lo maŋ ka ager sad abed dabai dabai ak murube wa.

Aposel 15:2

Pol iŋ Barnabas da ru an niŋen o dida tubun mi nug diabi se ya. Ago tag ilo rumok adi Antiok na yan ru kagin igo durupidaig dubol, “Pol Barnabas da, aenta dam dida diaup, Jerusalem na aposel iŋ matu gurman adi dida muruan an niŋen o dukubiai a.”

Jon 6:52

Ago tag Juda adi iŋsed nug dupei dugo dubol, “En dugo woŋ pe tamol en iŋsen tinin ipanad pe tani wak i?”

2 Korint 6:4

Tia, maŋ Anut san urat tamol mok an mi dal funfun en igo mukubiaig dile ya. Muruan lo iloma ta isali na yan lo, madai lo, tinima san melmel niŋen katuk ama yan lo, iloma irer dan lo, bu dupanama dan lo,