2 Timoti 2:22 - Takia

²² Amaiak niŋen o pinein damag ak sad ilo masa yan fidian patu pani wa. En man oŋane kob nao na yen da: kagin itaot, ilo rumok, ilo panek, agod maror mi uri wa. Oŋ Kris aenta a ilod ikok dop lo Anut dugudani dan, dida atumani dop, aŋ sisem kagin an mi ari wa.

2 Timoti 2:22 Referans Kwoze

1 Pita 2:11

O turag muroug, aŋ man ibol tamolpein panu sen ak san apalug tan en lo tamol gol ak oŋ amado da. Amaiak niŋen o, ŋai ŋususuŋanaŋ pe tinim san ilo masa ari apani wo amoi a. Man dugo, kagin saiak an ŋutum san ager imado da.

1 Pita 3:11

Kagin saiak patun ipanip kagin uyan ak mi igane wa. Maror san dal o abaŋ yabi dop an ile wo yaes isofutani wa.

1 Korint 6:18

Fun an niŋen o jeit kagin amoip asol au a. Ata wo? Aupasek naok aenta fidian a talpein igane dan man talpein an tinin patun fo dien da, an lo aupasek an iŋanen tinin ta isue na da. Ak man iŋ a jeit igane dan iŋanen tinin malan isue da.

1 Timoti 6:11

Ago gug, oŋ man Anut san tamol mok a. An lo dop kagin an fidian oŋ patu pani wa. Kagin itaot, Anut kagin, ilo rumok, ilo panek, utur sakar san kagin, agod mos san kagin, kagin naok an man oŋsa bube san kob uyanan a.

Hibru 12:14

Aŋ tamolpein fidian dadi ilom kisaek san maror lo mi amado ator, an niŋen o dabai agane wa. Agod gun alasa wo an dam yaes ifunaŋ a. Talpein enti ago ta igane na tap, Tubun en ile san tia wa.

1 Timoti 4:12

Oŋ pinein damag ak niŋen o, oŋ talpein ta ule funi dop ta ibio udu na wa. Tia, ru lo, oŋsa tureŋ lo, ilo panek lo, ilo rumok lo, agod kagin ikok ak lo dam oŋ iŋaned tinanou igo woŋ mado wa.

1 Korint 10:14

Ŋai turag muroug, fun an niŋen o aŋ tubud ai pat mitilaedi ubou ad ale amoi.

1 Timoti 1:5

Kubiaeŋ ru an san fun man aŋ ilom imasap ilo panek aŋ lo ilasap yen a. Ilo panek a bube ikok lo, ilo sou muruan an tia yan lo, agod ilo rumok nuŋon ak lo ilasa dan niŋen o ŋabol da.

3 Jon 1:11

Turag uyanan, kagin saian ak ta tutuŋani na wa, tia, kagin uyan ak mi uri wa. Talpein a kagin uyan ak igane dan iŋ Anut san, ago gug talpein a kagin saian ak igane dan Anut ta ile na ya.

1 Korint 1:10

Ŋai teig taog, idsad Tubun en Jesus Kristus yaŋan lo ŋusumianaŋ da, aŋ fidian mi ilom kisaek dop aŋ luluŋam lo biatitek ta yen na wa. Ŋai ilog ibol dak, aŋ fidian mi ilom atumani, agod aŋanem ilo sou dam kisaek a.

Rom 14:19

Amaiak niŋen o, id maror san kagin tigane ilasap, agod id nug dabai tupanip, kagin an mi turip tator a.

1 Korint 14:1

Aŋ ilo panek san dal mi ari apani wa. Ak man aŋ dam urat wagai agane dop Awan Urgun san dabai lo binawek sensen ipanaŋ an aŋane wa. Ak man mel malan te man aŋ Anut asumiani dop, profet ru abol ilasa san dabai ka ipanaŋ a.

Rom 14:17

Man dugo, saen Anut iŋsen mi idsad Tubun ak imado man, tani taluk san niŋen o mi tia ya. Tia, id Urgun lo kagin itaot, ilo maror, uyasusai amad da tator a. Kagin nek an mi malan te ya.

Aposel 9:14

Gamu pris gurman adi awok dubol go ete Damaskus na ipalug, talpein enti oŋ yaŋa lo ubou dile dan ibiap iŋal diau o ipalu ya.”

1 Timoti 2:8

Amaiak niŋen o ubou leil san saen lo tamol a aben fidian lo dumado dan dumosiai o ilog ibol da. Iŋ nug lo tiŋae saiak tia wak, agod nug paek dam ta digane na wa. Kagin naok an digane itout gup, iŋ Anut naon na banid gun ak diabisap dumosiai o ago digane wa.

1 Timoti 1:14

Ago dugo idsad Tubun ak Jesus Kristus iŋsan ilo muŋanek ŋai ipanag a. Aria, ilo rumok agod ilo panek a Jesus Kristus iŋsen ilon lo yen dan ipanag go ŋai idaisuda geig a.

Aposel 7:59

Pat nam dufuni dugo, Stiven Tubun en igudani, “O Tubun en Jesus, ŋaineg ŋutug ŋane!”