2 Timoti 2:11 - Takia

¹¹ Ŋiŋeŋ en uyanan a, agod ka tinid tigane wa. “Id iŋ da tamat tap, id dam iŋ da tumado wa.

2 Timoti 2:11 Referans Kwoze

Rom 6:8

Aria, id Kristus da tamat tap, id ilod lo rumok pe iŋ da sisem kumaen tumado wa.

1 Timoti 1:15

Ŋiŋeŋ en rumok a, an lo tiŋane dop ilod lo rumok a. Jesus Kristus aupasek tamolpein patud ipasi wo tan en lo idu ya. Ŋaiseg man fidian ŋiriŋanaig saiag geig a.

Rom 6:5

Man dugo, iŋsan mateŋ naon kisaek an lo id iŋ da tutumani tap, iŋsan kumaen naok a foun iŋane yan lo id iŋ da tutumani mok a.

2 Korint 4:10

Maŋ saen fidian Jesus san mateŋ an tinima lo misini mator da, ago dop man iŋsan kumaen an maŋ tinima lo tamolpein kuai tem dile wa.

Jon 14:19

Saen kitekan mip, tan en san tamolpein fon ŋai ta diliag na wa. Gug aŋ ŋai aliag a. Ŋai kumaen ŋumado dak niŋen o, aŋ dam kumaen amado wa.

Taitus 3:8

Ru an ru rumok a. Agod ŋaisag ilo sou lo ru an dabai nam ubol ilasa dop, tamolpein a Anut o ilod rumok an kagin diganep mel uyan uyan digane san o tinid dupani wa. Kagin naok ago yan uyanan a, agod an mi tamolpein fidian ilod lo nuŋon iganep ilasa wa.

1 Tesalonaika 5:10

Gubak mi iŋ imat go ate id ibinawad san. Ago yak niŋen o id kumaen tumado boi, tia tamat la tap, id iŋ da kumaen tumado wa.

1 Tesalonaika 4:17

Saen an lo id iŋsan tamolpein kumaen tumado dan, Tubun en iŋiliad pe keit lo tamolpein imug dumat la yan dida tusudap, lak na Tubun en da timtaen titiŋaem tutumani wa. An lo id Tubun en da pempem tumado wa.

2 Korint 13:4

Rumok, wagam iŋ dabai aman tia an lo iŋ aigim fo dubali a, ago gug iŋ mateŋ lo imasag gamu Anut san dabai lo mi kumaen imado da. Nek ago mi maŋ Kristus da tinima tan en san an dabai amam tia ya, ago gug man Anut san dabai lo maŋ iŋ da sisem dabai amama da ya, an lo maŋ iŋ da mumado dop aŋ mibinawaŋ a.

1 Timoti 3:1

Ru e dubol den rumok a. Ta iŋ midaeŋ gurman urat niŋen o yaes ifuni tap, iŋ urat uyanan ak mi igane wo imat da.