2 Timoti 1:10 - Takia

¹⁰ Ak gug gamu idsad patu pasek Jesus Kristus iŋ kuai isi an lo ilo panek an ikubiai panad a. Iŋsen amaiak mateŋ ipitiŋinig igane itout a. An lo bilaluŋ ru lo kumaen a yen oŋ dugo ta imat na dan walal te igane ilasa dugo tile ya.

2 Timoti 1:10 Referans Kwoze

1 Jon 1:2

Kumaen an iŋsen mi kuai tem ikubiai panama dugo mile ya. Rumok, kumaen pempem san an imug mi Bai da dumado na yan kuai isi a. Kumaen an maŋ malama nam mile tag gamu en maŋ an niŋen o mi mabol dop aloŋ a.

Rom 16:26

Agod gamu profet adi sad girek lo ru en kuai isi a. Ago dop an lo tan titin fidian san tamolpein ru e duloŋ en Anut sen ago digane wo iŋ ru kagin ibol ilasa ya. Anut, kumaen pempem imado dan, ago ibol ilasa an lo tamolpein ilo rumok san dal turi tupani dan, iŋsan awa yabek tamolpein tilasa wa.

2 Pita 3:18

Gug aŋ idsad Tubun ak Jesus Kristus idsad patu pasek an san ilo panek, iŋ aloŋ uyan san aŋ da atabulsi wa. Id iŋ yaŋan tabisa dan lo gamu girager anda imado da, ago mi yen yaup kumaen pempem san nal ilasa wa. Rumok.

Taitus 2:11

Oŋ ago piteŋanai a, man dugo, Anut san ilo panek kuai tem tamolpein fidian malad lo igane ilasag dile ya. Iŋsan ilo panek an lo idsad aupasek naon tisini wan lo ipasad iŋiliad a.

1 Korint 15:26

Ager wadan Anut yabi idu man mateŋ.

Rom 2:7

Tamolpein aenta iŋaned kagin naok naok uyan ak digane yau dan lo, girager tubun ak, yaŋak tubun ak, agod mateŋ dile san tia yan diŋane wo abaŋ dile da. Anut tamol naok ago yak kumaen pempem yen yau san an ipidinai a.

2 Timoti 1:1

Ŋai Pol, Anut san ilobol lo Jesus Kristus san aposel ŋilasa ya. Anut iŋ ru dabai anda ibol panad an man, kumaen a Jesus Kristus banin lo yen dan ipanad a. Agod kumaen an san ru iŋanen bilaluŋ tamol igo ipilianag a.

Efesus 1:9

Mel an wagam mi Anut san ilo sou lo mi yen a. Ak man milaen mok iŋanen ilo sou an imianuk yen a. Aria, gamu gug iŋanen ilo sou imianuk an kuai tem igane ilasag id ilod isafulale ya. Kristus lo gup urat an yen a.

Jon 14:6

Jesus awan yabig ibol, “Ŋai mi dal, ŋai mi ru rumok san fun, agod ŋai mi kumaen san fun. Dal sen ta lo Bai san na au san tia ya. Nek ŋai lo mi a.

Revelesen 22:17

Awan Ur iŋ Sipsip Nanun san pein da Jesus durupeig ago dubol, “Oŋ palu.” Agod talpein enti buk en lo ru iloŋ dan iŋ dam ka ibol, “Oŋ palu.” Talpein enti kulagun igos pe iluk o imat dop, iŋ ka ipalup you kumaen san an naon tia kawan iŋane wa.

Revelesen 22:14

“Tamolpein iŋaned kulos dufulani la yan, iŋ uyasusai digane wa. Iŋ ai kumaen ipidinai san an ate anaŋ ka diŋane wa. Agod iŋ taun san dalawan lo ka diladu wa.

Revelesen 18:1

Murnag ŋai eŋel sen ta kumaen panu ibiseig idu dugo ŋile ya. Iŋsan dabai man dabai geig a, agod ilalaŋ a iŋsan nag irafule ilasa dan, tan ilalaŋ ipani siŋaokan a.

Revelesen 2:7

Aria, talpein enti kududon da dop man, iŋ gidad Awan Ur ru e Kris midaeŋ irupidai den iloŋ uyanan a. Talpein enti yu igane itout dop, ŋai dabai ŋupanip an lo, kumaen san ai ate anaŋ iŋanep yani wa. Ai an Anut san abi yaŋan Paradais dubol dan, ante isa da.

2 Pita 3:2

Kankan en igo ya. Ru a profet gun adi wagam mi dubol na yan, agod ru kubiaeŋ a aŋsam aposel adi awad lo aŋsam bunawek Tubun en ibol panaŋ an dam ilom isou wa.

2 Pita 2:20

Man dugo, iŋ imug Jesus Kristus idsad Tubun en, agod idsad binawek an duloŋ a, maŋau an lo tan en san nun kagin san na dusol diau la ya. Ak man iŋ afon dumul kagin saian ak lo diladug isubanai tap, iŋsad wadan gamu en san man saian mok, agod iŋsad naon gubak mi an san iriŋani geig a.

2 Pita 1:11

Ago dop saen aŋ idsad Tubun en Jesus Kristus idsad patu pasek tamol san kagin panek aben an lo aladu wo dop man, malam dupare uyanan a.

2 Pita 1:3

Id iŋ taloŋ amaiak niŋen o, Anut san dabai tubun ak Kristus lo yen dan niŋen o, id an lo ibinawad go mel fidian kumaed san, agod id Anut san kagin tiri san dam ipanad a. Iŋsinanen yaŋak tubun ak lo agod kagin uyanan ak lo melmel an tiŋane san niŋen o igiad a.

Hibru 10:32

Aŋ saen gubak mi lilaman aŋaneg, an lo atur sakar dugo muruan funfun tinim fo ipalu dugo asini na yan, aŋ ilom isou uyanan a.

Taitus 3:4

Ak man saen Anut idsad binawek iŋsan ilo panek agod ilo muŋanek tan en lo kuai tem ilasa yan,

Taitus 2:13

Ago dugo mel uyanan a ilasa wan niŋen o mala nouk tumado da, mel an man Tubud Jesus Kristus idsad Tubun, agod idsad Patu Pasek tamol, an iŋanen girager aman da tan en lo ilasa wa.

2 Tesalonaika 2:8

Saen an lo mi kubiaeŋ riŋanek tamol an walal te ilasa wa. Ak gug, Tubun ak Jesus iŋsan Awan Ur nam tamol an mitep ibili idu wa, kumaen panu lo imul ipalu san lilaman girager an nam, daoŋ ipani wa.

Efesus 1:18

Ŋaisag gadiŋ lo Anut ŋusumianip aŋ lilaman ipanaŋ dop ilom isafulale wa. Agod melmel a aŋane wo igiaŋ go mala nouk amado dan san fun mok aloŋ uyan a. Agod Kristus san filian a girager aman da yan iŋsan tamolpein gun ak ipidinai o promis ru ibol an dam aloŋ uyan a.

Galesia 5:4

Oŋ enti Kubiaeŋ lo itaotan lasa wo maeg gane dan, oŋ Kristus san na se ipaso ya. Agod oŋ Anut san ilo panek bisei pasik a.

2 Korint 5:4

Saen maŋ tan en san tinik lo mi mumado dop man, maŋ tinaŋ migane dop iloma isasau a. Ata wo maŋ ago migane di? Dugo, maŋ mamat pe ur tinin aman tia yak igo woŋ milasa wo iloma ibol di? Tia. Maŋ maŋsama tinik foun ak mitabug o iloma ibol da. Ago dop tan san tinik e imat san en itout yau dop lo, tinik a kumaen pempem san an, tan san en, aben iŋane wa.

1 Korint 4:5

Amaiak niŋen o, saen gamugo dop aŋ imug mel ta bitinaek lo ta agane na wa. Tia, Tubun en imul ipalu san saen ilasa wan niŋen o atitiani gup a. Iŋ melmel a gamu mianuk lo dien dugo tidom tubun ituanai dan, iŋanep idiraip kuai te ilalaŋ lo dilasa wa, agod tamolpein sad ilo sou sed ilod lo dimianig yen dan dam iŋanep walal te igane wa. Saen an lo man, Anut mi tamol fidian anen anen iŋsad urat dugo digane na yak atem ipitianai a.

Rom 6:6

Agod id en dam taloŋ a. Saen Kristus aigim fo iyuk an idsad bunud wagam an aigim fo da dutumanig dubali a. Dal an lo idsad tinid aupasek aman da yan ipitiŋinig, an lo aupasek san urat pinein tumado yau san tia ya.

Rom 3:31

Ago man id ilo rumok san dal an mi turi wo tabol da. An fun man dugo? Moses san kubiaeŋ tabianip nuŋon tia ilasa wak ago tabol di? Man tia geig a! Tia, idsad ŋiŋeŋ en lo kubiaeŋ an tibalsiŋani da.

Aposel 13:23

“Wagam mi mok Anut idsad tubud baged promis ipidinai ak iŋaned malad kubuladi lo patu pasek tamol ta ilasa wa. An lo gamu iŋanen promis ru an nuŋon ilasa ya, Anut Jesus idinig Isrel sad patu pasek tamol ilasa wo ipalu ya.

Aposel 5:31

Anut iŋaneg giraŋen won ak lo imado da. Agod dabai ipanig, idsad gurman, idsad patun pasek tamol dam imado da. Anut saen ipanad dan lo, id Isrel tamolpein naod Jesus tupanip ilod ibileksap, an lo idaned aupasek ipare idu panad a.

Jon 20:31

Ago gug girek e yen la yen aŋ ale dop, an lo Jesus iŋ Kristus, Anut Nanun, an mi aŋ ilom lo rumok o ŋigire ya. Agop aŋ iŋ o ilom rumok an lo, iŋ yaŋan lo kumaen pempem yen san aŋane wa.

Jon 5:40

Ago bo man, aŋ ŋaisag na apalup, kumaen an aŋane wo man amoi da.

Jon 4:42

Iŋ fidian mi pein an durupei, “Gamu en maŋ oŋsa ru mi maloŋ ak o iloma lo ta rumok na ya. Tia, maŋsema Jesus sen awan lo ru maloŋ ak o iloma lo rumok geig a. Agod maŋ maloŋ ak, nek tamol emaiak, rumok nuŋon mi, iŋ tan en san tamolpein fidian sad patu pasek tamol.”

Jon 1:9

Lilaman a lilaman mok an, tan na idup tamolpein fidian lilaman ipidinai o ipalu ya.

Luk 13:7

iŋsan abi titianek tamol irupei, ‘Ŋai anaŋar utol gurab an patun ta ŋile man tia ya. Ak niŋen o tare. Etna itur dop, tan bulbal iŋanep itout banau.’

Luk 11:36

Amaiak niŋen o aŋanem tinim fidian an ilalaŋ dugo gigin ta lo tidom tubun ta yen na tap, aria, lilaman a aŋ lo yen dan awan isa wa, nek ibol lam ided dan oŋ tini fidian ilalaŋ da.”

Luk 2:11

Tidom nek en lo Dawid san panu lo aŋsam patu pasek tamol ilasa ya. Iŋ man Kristus, aŋanem Tubun a.

1 Jon 4:14

Agod id malad lo Anut iŋanen Nanun idinig tan en san tamolpein patud ipasi wo ipalu yan tile ya, agod an niŋen o tamolpein aenkadi tabol duloŋ da.

2 Pita 1:1

Ŋai Saimon Pita, Jesus Kristus san urat tamol agod ŋai iŋsan aposel. Tamolpein a iŋsad ilo rumok siŋaokan, nek maŋsama ago mi amaiak, iŋsad na girek en ŋigane ipalu da. Ilo rumok e ŋai niŋen o ŋabol den man Tubun en Jesus Kristus, idsad binawek, an iŋsan na diŋane ya. Iŋ itaot mok an niŋen o ilo rumok an ipidinai a.

Revelesen 20:14

Agog Mateŋ Ades da yai saltek an lo diabibol dudu ya. Yai saltek an man mateŋ murnai a.

2 Timoti 1:8

Amaiak niŋen o, idsad Tubun ak san ru ubol ilasa wo miai ta ifuno na wa. Ŋai niŋeg o dam miai ta ifuno na wa, man dugo, ŋai subanek ab lo iŋsan subanek tamol oŋ ŋumado da. Gug oŋ luag usap bilaluŋ ru san madai an tisini wa, an Anut san dabai lo ago tigane wa.

2 Timoti 4:1

O Timoti, Anut iŋ Jesus Kristus da naod na, ŋai gamu ru dabai ak ŋupano da. Jesus Kristus man, iŋ tamolpein kumaen dumado dak, agod dumat la yan da kubianek lo idirai a, agod tan en lo idsad Kiŋ igo woŋ imul ipalu wa. An niŋen o ŋai itaot ŋurupaio da,

2 Timoti 4:8

Amaiak niŋen o, kagin itaot an san naon Anut ikubuneg yen da, agod bitinaek san nal lo Tubun a bitinaek tamol itaot an naon ipanag a. Ŋai niŋeg o mi ago ta igane na da. Tia, tamolpein fidian Kristus kuai isi wo dumat dan anek anek atem naon kisaek ago mi ipidinai a.