2 Pita 2:1 - Takia

¹ Wagam na profet sewak wei mi Isrel tamolpein luluŋad lo dilasa ya. Nek ago mi girek maŋau sewak ak wei mi aŋ luluŋam lo dilasa wa. Iŋ piteŋanek sewak a imianuk an mi diŋanep midaeŋ luluŋam lo diladup dupanaŋ a, an lo aŋsam ilo rumok an dukubuli wa. Agod Tubun en iŋsen girek maŋau sewak adi an idad iŋiliai a, ago bo man iŋ patud dupani wa. Kagin an lo iŋ milaen tiap daoŋ diŋane dop diau dudu wa.

2 Pita 2:1 Referans Kwoze

Matyu 7:15

“Profet sewak an niŋedi wo kagin agane wa. Iŋ tinidi sipsip suŋulon nam dubuluwi dop lo mos nam aŋsam na dupalu wa, ak man tinidi ilon lo man iŋ nek ibol goun kasik yai ided geig ak igo woŋ a.

Jud 1:4

Man dugo, tamol aenta mianuk lo mi aŋ Kris adi luluŋam lo disadu ya. Tamol amaiak Anut wagam mok, iŋanen girek lo, daoŋ panek diŋane san o ipilianai a. Iŋ Anut san kagin ta diri dupani na dan, Anut san ilo muŋanek dibilisag mel naon senamo geig ilasa ya. Iŋanen ilo muŋanek ipanad dan san fun man, tinid san ilo masa mi ka turi tupani wak ago dubol da. Ak niŋen o iŋ jeit kagin digane dan Anut uyan ipidinai ak ago dubol da. Agod Jesus Kristus, Tubun en iŋsen Kiŋ an iŋ dumoi da.

2 Pita 2:3

Tamol naok an iŋsad ilo sou moni niŋen o man tubun kasik a, an lo ru sewak nam ŋudum dusue dop aŋanem moni diŋane wa. Anut iŋsad naok naok an wagam mi ile ya, agog iŋaned muruan an ikubune pidinai la ya. Muruan an dal na ipalu da, ago dugo iŋsad daoŋ an dam sumeikan mi yen da.

2 Timoti 4:3

Man dugo, saen iparsikawad dan lo, tamolpein piteŋanek itaot an duloŋ man dumoi a. Gug iŋaned tinid san kagin an duri dupani dop lo, girek maŋau dutumanaip ŋiŋeŋ e duloŋ o kududod bulbal den durupidai a.

Matyu 24:11

Ago dop profet sewak adi dumasap tamolpein wei mi dirawai a.

Galesia 2:4

Gug rumok, teid sewak adi iŋ dimianuk oŋ go, maŋsama tumanek lo disadu ya. Id wagam kubiaeŋ san subanek lo tumado na ya, gug gamu patun fo tilasag tumado da. Fun man id Kristus da tutumani an lo mi a. Tamol sewak adi mianuk lo disadu yan san fun man, idsad madok foun ak lo tator dan niŋen o abaŋ dikibiani wa. Iŋsad ilobol igo ya, id afon iŋsad subanek an lo tiladu san niŋen o disadudunad a.

1 Korint 11:19

Mel en ŋai niŋen o ta ilog uraru na ya, pempem Anut san midaeŋ luluŋad lo gilek aenta dilasap yen a. Man dugo, kagin naok en lo kuai tem tile wak, enti aŋ luluŋam lo Anut ipitianai da, agod enti dam niŋen o ilon saian da.

1 Jon 4:1

Turag muroug, aŋ ur fidian sad ru ilom lo ta rumok na wa. Tia, ur an sad ru abitinae ale gup a, kabelan ur an Anut san boi, tia, Satan san boi, aŋ an ale aloŋ uyan a. Man dugo, profet sewak wei mi aben fidian lo dufufurak go diau a.

Kolosi 2:8

Kagin agane, kabelan talpein ta tamol sad maŋau lo iŋiŋeŋ, ago dop ru bulbal iŋiŋeŋ dan lo, ilom iŋane dop ru sewak an san subanek tamol alasa banau. Talpein kulob ago digane dan, iŋ tubud baged sad na kagin dugo diŋane yan, agod tan en san tan tubud adi sad kagin digam an diri na ya. Ilo sou naok ago yan Kristus san tia ya.

Taitus 3:10

Talpein ta midaeŋ luluŋad lo gilek gidigidad igane tap, kudon wabi. Gug iŋ nek ago mi igane yau tap, fon kududon wabi da wa. Aria, iŋ imoi go kagin saian an mi igane yau tap, patu pani.

Taitus 1:11

Tamol naok ago yak oŋ awad wafutani wo uyanan a. Man dugo, iŋsad ŋiŋeo lo piteŋanek saian ak tamolpein dukubiai pidinai dop lo filian diŋane wo ago digane da. An lo iŋ tamolpein sad samun dukubulai da.

Filipai 3:19

Iŋaned wadan man daoŋ mi a. Iŋaned tubud man tiŋaed mi a. Kagin a niŋen sed yaŋad diabisa san nek an iŋaned miai mi a. Iŋaned kankan lo tan en san melmel niŋen o mi ilo sou digane da.

1 Korint 6:20

Anut nanun san mateŋ lo idad iŋiliaŋ an naon tubun mok a, an niŋen o aŋ tinimi san kagin naok naok atem, Anut yaŋan abisap lak na geig asini wa.

Mak 13:22

Man dugo, kristus sewak ak iŋ profet sewak adi dida dilasa wa, ago dop iŋ kulob girager ak, agod mel naon senamo geig ak tamolpein malad lo dukubiaip dile wa. An lo dop idaisuda tap, iŋ tamolpein a Anut ipilianai la yan dirawaip lo diau dudu wo ago maeg digane wa.

Revelesen 5:9

Iŋ bar foun ak ta igo diabi da, “Oŋ buk ŋanep kendel san gureŋ ate buk dufutanig dufou yan fidian oŋ pasi san uloŋ a. Oŋ ago gane san man idaisuda geig a. Ata wo, iŋ oŋ dufuno umat dugo, oŋane dar lo tamolpein Anut tuon lo dirai san udad a. Tamolpein aenta man, warou fidian lo yak, muroun ru fidian lo yak, tinik naon sensen lo yak, agod tan titin fidian lo yan oŋ udad uŋal a.

Revelesen 2:9

Ŋai aŋsam na muruan di, madai dam ilasa yan ŋaloŋ a. Agod ŋai ŋaloŋ ak man, aŋ filiam tiag amado da. Ago bo man aŋ filiam amam da geig a. Taida mi, tamol aenta dam aŋ niŋem o uf ru dubol dan ŋaloŋ a. Tamol an iŋ Juda sadi ak ago dubol da, ak gug iŋ Juda sad tia geig a. Iŋ Satan san midaeŋ mi a.

Hibru 10:29

Amaiak niŋen o dugo, talpein Anut Nanun yaŋan ipare idu dop, kontrak san dar a iganeg gun ilasa yan mel kawan ago ile dop, ilo panek san Ur an awan nam saian ipani a, ago tap, muruan tubun geig ak sapta taida Anut ipani wak i?

Kolosi 2:18

Talpein enti sewak kagin lo sen yabi idu dugo, eŋel adi sad ubou leil igane dan niŋen o kagin agane wa. Talpein naok an patum apani wa, kabelan aŋanem naon uyanan an iriŋanaŋ banau. Iŋ ŋioŋamin lo maŋau senamo geig ak iŋane dak ago ibol da, an niŋen o sen ipitiani da. Iŋ aŋ naom iguri wo ru dabai anda ru kagin irupaiaŋ da, ak man ŋiŋeŋ an fun an tia ya. Man dugo, iŋsan se pitianoi kagin an lo mi iŋiŋeŋ da, agod iŋanen kankan an tan en san tamolpein dugo ilod isou dak ago mi iri da.

Efesus 4:14

Wagam id nanuk oŋ tumado na ya, id wog igo woŋ beig san bururuk gidigidad iriad ila iso se ya. Gug id Kristus oŋ tilasa wo dop, id afon nanuk oŋ ta tumado na wa. Man dugo, imug mi kagin en id Kris tamolpein luluŋad lo yen a. Tamol ta supalek ru nam piteŋanek foun foun ak dupanad a. Piteŋanek an Kris tamolpein iduduwai dugo ilo sou uyan ak san dal ifutani da. Tamol an dal funfun lo dirawai dugo dal saian ak lo didirai diau da. Teig taog, id fon ago ta tilasa na wa.

Matyu 24:24

Man dugo, kristus sewak, iŋ profet sewak adi dida dilasa wa, ago dop iŋ kulob girager tubun ak, agod mel naon senamo geig ak tamolpein malad lo dukubiaip dile wa. An lo dop iŋ tamolpein a Anut ipilianai la yan dam dirawaip lo diau dudu wo ago maeg digane wa. Ago bo man dirawai san ta idaisuda na wa.

Matyu 10:33

Ak man talpein ta tamol naod na iŋ ŋaisag tia yak ago ibol tap, ŋai dam Tamag kumaen panu na yan naon na iŋ ŋaisag tia yak ago ŋabol a.

Revelesen 13:14

Anut mel kasik emaiak ilefunig kulob girager naon sensen ak, mel kasik a imug ilasa yan malan lo igane se ya. An lo man mel kasik en iŋ tamolpein tan na dumado den irawai pasik a, an niŋen o man tamolpein mel kasik a gubak mi sabiri nam dufuni an san mitilaen ditutuŋanip duguni wo isodudunai a.

Revelesen 2:13

Ŋai aben a aŋ amado dan ŋaloŋ uyanan a. Satan san kalik ante yen da. Ak gug aŋ ŋaisag yaŋag abi dabai da, agod aŋ ŋai niŋeg o ilom lo rumok a, aŋsam ilo rumok an tamolpein naod na ta atot na ya. Tamol Antipas amaiak ŋaisag a, aŋsam panu nek a Satan imado dak ate iŋanen ilo rumok ŋai o ibol ilasag niŋen o dufunig imat a. Ak gug saen an lo dam aŋ ŋai patum ta apanag na ya.

Jud 1:18

Iŋ ago dubol dugo aloŋ a, “Saen wadan lo dop, tamol dilasap kukok amam digane wa. Tamol naok an iŋsad ilo masai Anut san kagin ta iri pani na da. Iŋsinaned ilo masai an mi duri da.”

1 Jon 2:26

Tamol dirawaŋ o digane dak niŋen o girek en ŋigire panaŋ da.

1 Pita 1:8

Aŋ iŋ ta ale na ya, gug iŋ niŋen o amat da. Gamu dam aŋ iŋ ale san tia bo man, iŋ o ilom lo rumok a. Agod aŋ yousai anda mi aŋanefute da, an lo dop aŋanem ilo uyan an tubun kasik an lo ŋiŋeŋ ta aŋiŋeŋ san tia ya.

Efesus 1:7

Kristus id da tutumani kisaek an niŋen o, iŋanen dar lo iŋ idad iŋiliad dugo idaned aupasek fidian ipare idu ya. An iŋsan ilo panek tubun geig ak iri pani a.

Galesia 5:20

oŋ tubud ai pat sad mitilaed ubou ad ule dak, nawir ganek, siai, nug funek, turak susai, tiŋae saiak, oŋse mi wo ilo sou gane dak, ilo kisaek kagin umoi, ru rumok oŋsa doup lo mi yen dugo aenta sad na tia ubol dak,

Galesia 4:17

Teid sewak adi a wagam niŋedi wo ŋurupaiaŋ an iŋ aŋ tubun mi dipitianaŋ na ya. Ak gug iŋ ilo sou uyan ak lo ago digane man tia ya. Tia, iŋ maŋsama na aŋ naom diabiani wo ilod ibol da. Iŋ ilod igo igire ya, aŋ iŋaned ar lo asadu dop lo aŋ iŋ mi apitianai a.

Rom 16:18

Man dugo, tamolpein naok an man Kristus Tubun en san urat ta dubinawi na da, tia, iŋ iŋsed tinid dufutuwi san urat tamol dumado da. Iŋsinad ru sewak, ru bulbal an lo tamolpein ta duloŋ uyan na yan dirawai da.

Luk 21:8

Iŋ ru naon irupidaig ibol, “Aŋ kagin agane. Iŋ aŋ dirawaŋ banau. Man dugo, mitep tamol wei mok ŋai yaŋag lo dupalup dubol, ‘Ŋai tamol nek ama ya,’ ago dop dam dubol, ‘Saen a ate ipalu wan sumeik ipanad da.’ Ago dop iŋsad sewak an ta ari na wa.

Luk 6:26

Aŋ a tamolpein yaŋam diabisa dan kagin agane wa. Man dugo, iŋ tubud baged wagam profet sewak adi niŋedi wo ago mok digane na ya.”

Matyu 24:5

Tamol wei mi dupalup ŋai yaŋag dupatep dubol a, ‘Ŋaiseg Kristus.’ Ago dop tamolpein wei kasik dirawai a.

Galesia 3:13

Id fidian kubiaeŋ san misilanek paen na tumado dan, Kristus iŋiliad go misilanek an patun fo tilasa ya. Dugo woŋ i? Iŋsen man id niŋed o misilanek paen na idug imado ya. Man dugo, ru e kubiaeŋ ilon lo yen den igo ibol a. “Talpein a ai fo iyuk dan Anut san misilanek paen na imado da.”

1 Korint 7:23

Anut aŋ idad iŋiliaŋ a, an naon man lak na geig a. An lo aŋ Kristus san mi a, an niŋen o kabelan tamol sen ak san bigabeg igo alasa banau.

Revelesen 3:8

Ŋai kulob fidian a aŋ agane dan ŋaloŋ la ya. An niŋen o ale, dalawan ta aŋ naom na ŋai ŋupasig ikasap go yen da, amaiak tamol ta ifutani san tia ya. Ak man ŋai ŋaloŋ ak igo ya. Aŋanem dabai man tusan a, ago bo man aŋ ŋaisag ru ari apani na ya, agod aŋ tamolpein naod na ŋai yaŋag ta atot na ya.

Luk 12:9

Ak man talpein ta tamol naod na iŋ ŋaisag tia yak ago ibol tap, ŋai dam Anut san eŋel naod na iŋ ŋaisag tia yak ago ŋabol a.

1 Timoti 5:8

Gug enti a iŋ muroun kagin ta ipidinai na dan, iŋ ilo rumok san dal ibisei a. Talpein naok an man saian mok a. Iŋsan kagin man gob adi sad kagin saian an iriŋani geig a.

Revelesen 6:10

Tamolpein ŋutudi an awad tubun mi igo duwagiŋ se ya, “O Tubun en, oŋ Dababai a, oŋ gun di rumok a. Saen sapta yau dop man, oŋ tamolpein tan na dumado den kubianaip iŋaned ai wadan niŋen o ilo sou gane wak i? Maŋ iloma igo yen da, iŋ dufunama mamat san naon oŋ ririan ka pidinai a.”