2 Korint 9:13 - Takia

¹³ Aŋsam binawek urat Kris adi Jerusalem na dumado dan niŋedi wo agane dan lo, tamolpein aŋ dukubianaŋ diliaŋ a, agop iŋ malad ipalup aŋsam kagin itaot an kuai te ilasa dop dile wa. An lo iŋ duloŋ ak aŋ bilaluŋ a Kristus niŋen ibol dan aŋane mok a, an lo iŋsan ru an aganuri da. Aŋsam binawek tubun mi iŋ lo agod tamolpein sen ak lo agane yau dan lo iŋ Anut yaŋan diabisa wa.

2 Korint 9:13 Referans Kwoze

Hibru 13:16

Aŋ kulob uyan uyan a agane dan, agod tamolpein aenta abinawai o ilom ta iŋaoŋ na wa. Man ata wo, yai ganek naok ago yak Anut niŋen o imat mok da.

Matyu 5:16

Nek dal kisaek an lo na agane dop tamolpein ilod lo aŋsam midiad an dile wa, an lo tamolpein aŋsam kagin uyan uyan an kuai tem dile wa. Ago dop iŋ aŋanem Tamam kumaen panu lo imado dan per dupani wa.

Galesia 1:24

Fun an niŋen o iŋ ŋai niŋeg o Anut yaŋan diabisa ya.

2 Korint 2:12

Saen ŋai Troas na Kristus san bilaluŋ ŋufulale wo ŋupalu yan, atna Tubun ak iŋsan bilaluŋ ifurak pe yau san niŋen dalawan ipasi panag dugo ŋile ya.

1 Pita 4:11

Ta iŋ ru ifulale san maŋau aman da tap, nek ibol Anut san ru mok mi ifulale dan igo ru ifulale wa. Ta iŋ binawek urat igane tap, dabai a Anut ipani dan lo urat an igane wa. Ago dop urat fidian lo tamolpein ka Anut per dupani wa, an man Jesus Kristus lo mi a.

1 Pita 2:9

Gug aŋ man Anut san tamolpein iŋsen ipilianaŋ a. Aŋ man Kiŋ san pris adi, tamolpein gun ak sad midaeŋ, agod Anut iŋ muroun a. Aŋsam urat man, iŋ a aŋ igiaŋ go tidom tubun an abiseig, iŋsan lilaman siŋaokan ak lo aladu yan lo, iŋanen bunun uyanan an niŋen abol ilasa wo ago igane ya.

Hibru 10:23

Id Anut iŋiliad pe kumaen panu lo, iŋ da tumado wak san ilo rumok an niŋen tamolpein turupidai duloŋ dan ta tabip ila iso na wa, tia, tabi sakar pe itaot yen a. Man dugo, Enti a ru ibol panad an, iŋanen promis ru nuŋon igane ilasa wa.

Hibru 5:9

Agod saen iŋ awa yabek kagin a lo itaot mok ilasa yan, iŋ tamolpein ensauta awan kagin dupani dan niŋedi wo patun pasek pempem san fun mok ilasa ya.

Hibru 4:14

Id pris malan te tutubun ak amad da ya, an niŋen o iŋ lak na yaug, id Anut san na tau san dal yabirubeg iladu ya, an man nek Jesus, Anut iŋanen Nanun. Amaiak niŋen o id ilo rumok san ru tabol ilasa san tabip sakar a.

Hibru 3:1

An niŋen o aŋ ŋaineg teig taog gun ak, aŋ maŋ da Anut san wagiŋ an lo itumanad go tumado dan, aŋ Jesus niŋen o mi ilom isou a. Iŋ aposel agod iŋ pris malan te yak an niŋen o tabol ilasa da.

1 Timoti 6:12

Idsad ilo rumok san wagai uyan ak gane wo uyanan. Oŋ kumaen pempem san ŋane wo Anut igio ya, agod saen ilo rumok adi wei mi naod na oŋsa ilo rumok an ubol ilasa dugo duloŋ an san saen lo, oŋ kumaen an ŋane ya. Aria, kumaen an wabi sakar a.

2 Korint 10:5

Maŋ tamolpein sad ilo sou mibilai dudu da. Ilo sou a sed ibiaisa dop lak na isuda yau dan lo tamolpein Anut duloŋ san dal dufou dan fidian murube da. Agod maŋ tamolpein sad ilo sou fidian mufutanig Kristus mi awan paen na midirai diau a.

2 Korint 8:4

Saen wei mi maŋ dalawan mupasi pidinai dop lo, iŋ Jerusalem san Kris tamolpein dibinawai san urat awan ka digane wo, ilo panek lo maŋ sumiaek dupanama ya.

Rom 16:26

Agod gamu profet adi sad girek lo ru en kuai isi a. Ago dop an lo tan titin fidian san tamolpein ru e duloŋ en Anut sen ago digane wo iŋ ru kagin ibol ilasa ya. Anut, kumaen pempem imado dan, ago ibol ilasa an lo tamolpein ilo rumok san dal turi tupani dan, iŋsan awa yabek tamolpein tilasa wa.

Aposel 11:18

Saen ru an duloŋ man, iŋ ru taidam ad tia ya, tia, Anut yaŋan diabisa dugo dubol, “An rumok tap, Anut ilon yen man tamolpein Juda tia yan ilod ibileksap, kumaen pempem yen san diŋane wan san dal iŋ o dam ikasap yen da.”

Aposel 4:21

Tamol ŋien imat gug Pita Jon da dukubune yan iŋsan anaŋar 40 iriŋani tag tamolpein fidian melmel ilasa yan niŋen Anut yaŋan diabisa se ya. An lo Juda sad kaunsil dal ta dilep lo bu dupidinai san tia ya. Ago tag ru kagin dabai geig mi dupidinaig, dubusawaig diau a.

Jon 15:8

Aria, aŋ nuŋom wei mi afu yak man, aŋsem ibilaŋ kuai tem alasag ŋaisag megeloum mok amado da, nek an lo Bai yaŋan tubun geig ilasa wa.

Luk 6:46

“Aŋ ata wo ŋai niŋeg o ‘O Tubun en, O Tubun en’ abol dugug ŋai awag ta abi na di?

Matyu 9:8

Aria, saen tamolpein a Jesus dubuluwi an kulob ago dile man, dirut saian go Anut yaŋan diabisa ya, man dugo, iŋsan dabai naok ago yan tamol ta ipanig, an lo tamol ŋien banin ikikai ak ikubune ya.

Rom 10:16

Gug Isrel aenta Kristus san bilaluŋ uyan an ta duri dupani na ya. Aisaia ago ibol, “O Tubun en, enti ru e murupeig iloŋ en ilon lo rumok ak i?”

Rom 12:8

Ta iŋ ru kagin ibol ilasa san urat ipani tap, iŋ nek ago mi igane wa. Ta iŋ tamolpein aenta ibalsiŋanai san dabai iŋane tap, ilon kisaek mi urat an igane wa. Ta iŋ urat ititiani san tap, maeg igane wa. Ta iŋ ilo muŋanek san iŋane tap, iŋ ilo uyan lo ago igane wa.

Rom 15:31

Juda ilod lo rumok tia yak a Judea na dumado dan iŋ ŋai dufunag o digane da. An niŋen o Anut asumiani dop ŋai iŋ banid lo ipasag iŋiliag a. Ŋai iŋanen tamolpein Jerusalem na yan luluŋad lo urat ŋigane wan dam niŋen asumiani dop urat an niŋen ilo uyan ipidinai a.

2 Korint 9:14

An niŋen iŋ ilod bubed fidian aŋ dupanaŋ dop aŋ niŋemi wo Anut dugudani wa. Man dugo, iŋ duloŋ ak Anut san ilo panek senamo geig ak aŋ ilom lo awan isa ya.

1 Timoti 6:13

Anut a mel fidian kumaen ipidinai dan naon na, agod Jesus Kristus a Pontius Pailat naon na itur dugo iŋsen niŋen o ru rumok ibol ilasa yan naon na dam,