2 Korint 6:5 - Takia

⁵ subanek lo, abaŋ daoŋ digane san saen lo dufutanamag dububuŋanama yan lo, urat wagai lo, tawaŋ miganeg mumado yan lo, anaŋ o geg migane yan lo,

2 Korint 6:5 Referans Kwoze

2 Korint 11:27

Ŋai urat naok funfun lo wagai mok ŋigane se ya. Ŋai saen wei mi tidom urat ŋigane se yan malag ŋioŋ tia ya. Ŋai tiŋaeg anaŋ tia you o ŋamat dop anaŋ ta ŋiŋane uyan se na ya. Ŋai dog madid ate ŋadu dop yamel kulos ta lo tinig ŋutuani san dam tia ya.

Aposel 17:5

Ak man Juda aenkadi Pol san urat dileg, turak dususa se ya. Ago tag tamol saiadi a taun san tumanek aben lo kawan dumado dan diŋal go dutumanai a. Agog iŋ tamolpein taun a lo dumado dan fidian bubed diabisag, Jeson san ab digileg, Pol iŋ Sailas da abaŋad diabi se ya. Iŋsad ilo sou lo man diliaip duburoup, tamolpein malan tubun an sad na diŋal diau o digane.

Revelesen 2:10

Saen kitekan dap aŋ muruan asini wa, ak gug an niŋen o aŋ gidad ilom ta irer na wa. Ŋai ŋurupaiaŋ da, Satan ago igane dop, iŋ tamol aenta aŋ luluŋam lo subanek lo idirai a, ago dop an lo aŋ ikubianaŋ a. Saen an lo dop aŋ nal 10 muruan iŋ madai da asini wa. Gidad oŋ dufuno umat a, oŋane ilo rumok ŋai lo yan wabi dabai dop yaup umat a. Ago dop man, kumaen pempem mi mado san kob ŋupano wa.

Hibru 13:23

Id teid Timoti subanek lo dupasi amaiak da aloŋ o ŋabol da. An niŋen o iŋ ipalu kisaek dop man ŋiŋanep da mupalup miliaŋ a.

Hibru 13:17

Aŋanem gurman awad paen na amado dop iŋ dubol ago agane. Iŋ aŋ ŋutumi kagin dupani da, ago dop murnap Anut iŋ urat dugon digane an naon sumiaek lo idiraip nuŋon ile iloŋ a. Aŋ iŋ awad paen na amado tap man, iŋ yousai lo mi urat digane wa. Kabelan aŋ muruan apidinai banau, man dugo, an ta ibinawaŋ na wa.

Hibru 11:36

Aenta kukok ad digane dugo, aenta dusukutai dugo, aenta sein nam banidi dususeg diriai subanek ab lo diau a.

2 Timoti 4:5

Gug oŋ, mel dugo ilasa bo man ule dop tamol mok igo woŋ utur sakar dop ta usuk umul na wa. Tutol urat gane dop, Anut urat a ipano yan fidian gane itout a.

2 Timoti 2:9

Nek fun an niŋen o gamu ŋai sein nam tamol saiag ak igo dusubanag a. Rumok, ŋai sein nam dusubanag a, gug Anut san ru sein nam dusubani san tia ya.

2 Timoti 1:8

Amaiak niŋen o, idsad Tubun ak san ru ubol ilasa wo miai ta ifuno na wa. Ŋai niŋeg o dam miai ta ifuno na wa, man dugo, ŋai subanek ab lo iŋsan subanek tamol oŋ ŋumado da. Gug oŋ luag usap bilaluŋ ru san madai an tisini wa, an Anut san dabai lo ago tigane wa.

1 Timoti 4:10

Id Anut tinid tigane pani dan lo tau tisasau a. Iŋ man tamolpein fidian sad patun pasek a. Agod ensauta a ilod lo rumok nek an mi a. Kagin nek an niŋen o urat wagai mok tigane dan man fun nek a.

1 Tesalonaika 2:9

Teig muroug, saen maŋ Anut san bilaluŋ uyan ak aŋ luluŋam lo mufulale se man, maŋ urat dabai mok migane yan aŋ ilom isou. Tidom ad urat migane se yan lo maŋ muruan ta kisaek mupanaŋ man tia ya. Man dugo, tamol ta maŋ kagin ipanama san urat mupani san niŋen o iloma ta ibol na ya.

Filipai 1:13

Rumok, iŋ ŋai subanek lo diginiag a, gug kagin an lo tamolpein fidian Rom na dumado dan iŋ duloŋ ak ŋai Kristus san urat ŋigane damaiak naon ŋisini da. Agod tamol adi Kaisa san ab dititiani dan, an dam fidian duloŋ a.

Efesus 3:1

Fun an niŋen o, ŋai Pol, aŋ tamolpein a Juda tia yan niŋemi wo Kristus san subanek tamol ŋumado da. Aria, Anut ŋugudani wo da, ak gug ru ta ŋurupaiaŋ o da.

1 Korint 15:10

Ak man Anut san ilo muŋanek log gamu ŋai iŋsan urat tamol mok ŋumado da. Agod taida mi, iŋsan ilo muŋanek ŋai ipanag an nuŋon ifu a, man dugo, ŋai urat wagai geig ŋigane se ya, an niŋen o ŋaisag urat wagai ŋigane dan aposel aenta fidian sad urat iriŋani a. Ak man ŋai seg kisaek urat ta ŋigane se na ya, tia, Anut iŋ ŋai da ya, iŋanen ilo panek an ŋai urat ŋigane wo dabai ipanag se ya.

1 Korint 7:5

Oŋ iwo da aen o ta umoi na wa. Ak man saen oŋ gudanek gane san saen ta piliani tap, an uyan ak oŋ iwo da awam kisaek gup ago agane wa, ak man an saen katukan mi wa. Aria, saen isuda dop man fon atumani da wa. Man dugo, kabelan oŋane tini masak itirno dop lo Satan dal gane panip oŋ ilo iŋanep jeit gane banau.

1 Korint 4:11

Maŋsama madok fun lo mumadog ipalug gamu mumado den man igo ya. Maŋ anaŋ o mamat dak, you o dam mamat da, agod maŋsama biouŋ dam imasisire yau a. Maŋ panu panu mator dugo saian dupanamag tinima dam dusue ditare na ya, agod aben ta ate yaes mabal san sasau ta yen man tia ya.

Aposel 28:30

Anaŋar uraru Pol sen ab ta idad go lo imado se ya. Ab an lo imado dugo tamolpein fidian dile wo dupalu se yan ilo uyan lo iŋal dugo imado se ya.

Aposel 26:29

Agog Pol ru naon irupei, “Nal katukan boi, tia, milaen mi boi, oŋ agod aenta gamu ru aloŋ dan aŋ fidian Jesus ilom lo rumok o ŋugudani da. Aŋ ŋai igo ŋumado dan igo woŋ aŋ dam amado wo ilog ibol da. Gug mel kisaek sein nam ŋai dusubanag pe aŋ lo yen man ŋamoi.”

Aposel 26:10

Ŋai Jerusalem na ago ŋigane se ya. Ŋai pris gurman adi awok dupanag go Tubun en san tamolpein wei kasik subanek ab lo ŋidirai se ya. Dufu dumat o dubol dop, ŋai dam awok ŋupidinai se ya.

Aposel 24:27

Anaŋar uraru itout gug Pokias Festus, Filiks aben iŋane ya. Filiks Juda tamolpein ilod uyan san niŋen o Pol ipasi an imoig, subanek lo mi imado se ya.

Aposel 23:35

“Saen tamol oŋ kot a digane yan dupalup dilasa dop, oŋsa kot ŋaloŋ a.” Agog Pol gabman Herod san ab san galuŋ lo bitinaek diganed amaiak lo imado dop tawaŋ an dumado wo Filiks ibol a.

Aposel 23:10

Ŋiŋeŋ yaug dabai dugo Rom san gurman tubun an ago ileg ilon idu ya. Kabelan Pol daoŋ dupani banau. Ago tag iŋsan yu tamol idinaig, doup luluŋad lo dudug, afon Pol diŋane diaug iŋsad ŋioŋ ab lo digane iladu ya.

Aposel 20:31

Ago yak niŋen o kagin agane dop ilom isou. Anaŋar utol malag turon anda tidom ad aŋ kagin agane san ru kagin ŋurupaiaŋ na ya.

Aposel 14:23

Midaeŋ kisaek kisaek lo, tamol a Tubun en niŋen o ilodi rumok dan luluŋad lo Pol iŋ Barnabas da matu aenkadi dipilianai pidinai a. Agog niŋed dugudani wo anaŋ geg diganeg, dugudanig, Tubun en banin lo didirai diau a.

Aposel 14:19

Agog Juda aenkadi Antiok Pisidia provins atna yan, Aikoniam na yan dam dupalug, doup ilod diŋaneg, Pol pat nam dufuni a. Agog diraeg, taun san ar patun fo dilasag, dibal yau a, agog diau a. Ilod lo man imat ak dubol a.

Aposel 13:3

Anaŋ geg diganeg dugudani na yan itout gug Barnabas iŋ Sol da gurmad fo banid diganeg bilaluŋ urat banid lo digane gug didinaig diau a.

Aposel 5:18

An lo iŋ aposel adi duburoug, subanek ab lo didirai a.

Matyu 14:10

Ago tag iŋsan yu tamol diaug subanek ab lo Jon buron dutute ya.

Matyu 14:3

Imug Herod iŋ Herodias iwon igo iŋane ya, ak man pein an iŋsiganen tein Filip san iwon a. Ak niŋen o Jon suguek san an niŋen o Herod irupeig ibol, “Oŋ Herodias iwo igo woŋ ŋane amaiak niŋen o kubiaeŋ pilali a.” Fun an lo Herod iŋanen ai katuk irupidaig Jon diabig, dusubanig, subanek ab lo digane yau a.

Matyu 9:15

Agog Jesus irupidaig ibol, “Tamol ta iwon da sad nug ŋanek san saen an ilom isou a. Ak dugo, saen tamol an iŋanen turan muroun dida dumado dan, waliŋ diganep lo ilo muruan amad da dumado wo ago digane wak i? Tia geig. Gug nal ta ipalu dan te man, nug ŋanek san tamol an naon atna tia wa, nal an lo gup waliŋ digane dop ilo muruan lo ditata wa.