2 Korint 6:4 - Takia

⁴ Tia, maŋ Anut san urat tamol mok an mi dal funfun en igo mukubiaig dile ya. Muruan lo iloma ta isali na yan lo, madai lo, tinima san melmel niŋen katuk ama yan lo, iloma irer dan lo, bu dupanama dan lo,

2 Korint 6:4 Referans Kwoze

2 Korint 12:10

Amaiak niŋen o ŋai Kristus wagen lo man, gidad ŋai dabai amag tia yak, dububaŋanag se yak, muruan dupanag ak, tinig dipitiŋini ak, saian funfun lo ŋisida yak ago tap, ŋai ilo uyan lo mi ŋumado wa. Man dugo, saen ŋai tinig dabai an tia dop, ante ŋaisag dabai tubun kasik ilasa da.

2 Korint 4:8

Muruan naok sensen dupanama da, gug ta duparfufarama na da. Mel saian wei mi marer san mile da, gug iloma ta idu na da.

2 Korint 11:27

Ŋai urat naok funfun lo wagai mok ŋigane se ya. Ŋai saen wei mi tidom urat ŋigane se yan malag ŋioŋ tia ya. Ŋai tiŋaeg anaŋ tia you o ŋamat dop anaŋ ta ŋiŋane uyan se na ya. Ŋai dog madid ate ŋadu dop yamel kulos ta lo tinig ŋutuani san dam tia ya.

2 Korint 12:12

Ata mel ŋai aŋ luluŋam lo ŋumado dugo ŋigane na yan, iŋ itaot ŋai aposel rumok an ikubiai ale ya. Ŋai muruan fidian lo ŋatur sakar dugo ŋaisag urat an lo kulob girager funfun, urat dabai dabai ak aŋ luluŋam lo ŋigane ilasa na ya. An mi ŋai Anut san urat mok ŋigane dan ibol ilasa ya.

2 Korint 3:6

Iŋsen maŋ ipilianama go iŋsan urat tamol igo milasag, kontrak foun amaiak san urat migane da. Kontrak wagam an pepa roun fo digire ya. Ak gug kontrak foun an pepa roun fo ta digire idu na ya. Tia, an man Urgun san urat a. Kubiaeŋ a digire yan man iŋ tamolpein ifu dumat da. Gug Urgun man iŋ tamolpein kumaen ipidinai da.

1 Korint 3:5

Aŋ dugo ilom isou di? Apolos iŋ yaŋak anda yak i? Tia, ŋai Pol yaŋag anda yak i? Maŋ Anut san urat tamol mi a. Iŋ maŋ anen anen maŋanema urat ipanama ya, agod urat a migane yan lo aŋ Kristus o ilom rumok a.

Revelesen 3:10

Gubak mi ŋai ru en ŋurupaiaŋ a, aŋ muruan fidian lo atur dabai a. Aŋ ru an ari apani na ya, an niŋen o ŋai aŋ ŋubargiranaŋ a. Kubianek saian geig ak ipalu da, an lo tamolpein aben titin fidian lo yan ikubianai wo ilasa wa. Ak gug saen an lo ŋai kagin ŋupanaŋ dop muruan an iriŋanaŋ a.

Revelesen 1:9

Ŋai Jon, ŋai aŋanem teimi, ŋai aŋ da Jesus san warou lo tumado da, agod ŋai aŋ da tutumanig id sisem muruan da madai da tisini da. Ŋai aŋ da Kristus san kagin panek lo tumado da, agod id fidian mi tatur dabai dugo muruan tisini na ya. Ŋai Anut san ru, agod ru rumok a Jesus ikubiai panad an dam ŋabol ilasa na ya. An niŋen o ŋai dukudag go subanek tamol oŋ ŋaug, nui ta yaŋan Patmos dubol dan te ŋumado se ya.

1 Korint 4:1

Amaiak niŋen o aŋ maŋ igo aliama wa. Maŋ Kristus san urat tamol mi a, agod ru a gubak mi an Anut ilon lo imianuk a, gug gamu kuai te ilasa amaiak tamolpein murupidai duloŋ san urat maŋ banima lo iganeg, kaginan migane da.

Hibru 12:1

Fun an niŋen o ilo rumok tamolpein adi dumat la yan nek ibol doup malan tubun ak ta dilasap kukok dile dak ago id ditilianad dulubanad go dutur da. An lo id iŋsad kagin dutur sakar san an tagam a. Fun an niŋen o id muruan iŋ aupasek da tinid lo ibiagatad go yen dan fidian tabi yau a. Ago dop id ilod kisaek sed dabai ipanad pe dal an fo Anut tom idiri panad an lo mi tumaspalup taup tom wadan an fo tisida wa.

2 Timoti 4:5

Gug oŋ, mel dugo ilasa bo man ule dop tamol mok igo woŋ utur sakar dop ta usuk umul na wa. Tutol urat gane dop, Anut urat a ipano yan fidian gane itout a.

2 Timoti 2:24

Tubun ak san urat tamol man tamolpein aenta dida nug ta dupei na da. Tia, iŋ tamolpein fidian ilon ipidinai da, tamolpein aenta ipiteŋanai san iloŋ uyanan ak, agod a muruan dupani dan dam ta yabianai na wa.

2 Timoti 1:8

Amaiak niŋen o, idsad Tubun ak san ru ubol ilasa wo miai ta ifuno na wa. Ŋai niŋeg o dam miai ta ifuno na wa, man dugo, ŋai subanek ab lo iŋsan subanek tamol oŋ ŋumado da. Gug oŋ luag usap bilaluŋ ru san madai an tisini wa, an Anut san dabai lo ago tigane wa.

1 Timoti 6:11

Ago gug, oŋ man Anut san tamol mok a. An lo dop kagin an fidian oŋ patu pani wa. Kagin itaot, Anut kagin, ilo rumok, ilo panek, utur sakar san kagin, agod mos san kagin, kagin naok an man oŋsa bube san kob uyanan a.

1 Timoti 4:6

Ak niŋen o oŋ mel an tei tao fidian naod na kubunep fulale dop man, oŋ Jesus Kristus san urat tamol uyanan a. Amaiak lo ilo rumok san ru, agod piteŋanek uyan a uri pani dan lo, nek ibol anaŋ uyan ak igo woŋ oŋse ŋutu futuwi da.

1 Timoti 2:15

Gug pein iŋ Jesus Kristus niŋen o ilon lo rumok nuŋon dop, nal fidian ilo panek lo, madok gun ak lo, agod kagin uyan ak lo imado tap, iŋsan nigiŋ lo Anut ibinawi wa.

1 Tesalonaika 5:14

Teig muroug, saen tamol ta urat igane wo ilon isali tap, dal an saian ak ago ru kagin arupei wa. Tamol a buben irer dan dabai apani wa, agod tamol a iŋsan ilo rumok dabai amad tia yan abiai sakar a, kabelan dideg diau banau. Nug kagin apani wo ilom ta isali na wa. Maŋ kagin ago agane wo mususuŋanaŋ da.

1 Tesalonaika 3:7

Fun an lo, teig muroug, gidad maŋ muruan naok wei mi misini dan bo, saen aŋsam ilo rumok niŋen o ru maloŋ man, bubema imasa, agog iloma maror anda mumado ya.

Kolosi 1:24

Ŋai madai, agod muruan a aŋ niŋemi wo ŋisini se yan niŋen o uyag isusa da, agod ŋai tinig madai dupani dan lo, Kristus tinin madai dupani amaiak san wadan ŋigane itout a. Kristus tinin man iŋanen midaeŋ, agod midaeŋ an ŋibinawai wo, ilo uyan lo muruan an fidian ŋisini da.

Kolosi 1:11

Anut san dabai tubun geig a, an niŋen o maŋ dam, iŋ mugudani dop iŋsan dabai tubun an fidian ipanaŋ a, ago dop, an lo aŋ dabai mok a. An lo dop muruan dugo yak fidian aŋ lo dilasa bo man, aŋ atur dabai pe, yaes ta ifunaŋ na wa, agod yousai amam da, ilo uyan ru idaned Tamad apani wa.

2 Korint 11:23

Iŋ Kristus san urat tamol i? Aria, ŋaisag binawek urat iŋsad iriŋani a. (An lo, rumok, ŋai tamol burau oŋ ŋiŋiŋeŋ da.) Saen wei mi ŋai subanek ab lo dibilag ŋiladug dufunag malag dusue se ya. Saen wei kasik dufunag se yan mateŋ sumeik ŋupani se ya. Ŋaisag muruan a ŋisini se yan aposel sewak adi sad muruan naon dugo yak fidian lo ŋiriŋanai a.

2 Korint 11:9

Saen ŋai melmel tiag aŋ luluŋam lo tumado yan, ŋai talpein ta aŋ luluŋam lo muruan ta ŋupani man tia ya. Man dugo, ŋai teig taog Masedonia dubuseig Korint na dupalu yan iŋ ŋai mel dugon lo katuk amag an lo dibinawag uyan a. Ata wo? Ŋai muruan ŋupanaŋ o ilog ta yen na ya. Gamu ŋaisag ilo sou an naon kisaek en mi, murnap dam nek ago mi wa.

2 Korint 7:11

Man dugo, aŋ ale uyanan a, ilo papao e Anut aŋ lo igane ilasa yen man kagin naok dugo yak aŋanem madok lo iganeg ilasa ya. Aŋ kagin uyanan lo atur ak, aŋ yaŋami akubune wo ilom yen dan, ru dabai lo aŋ “ago tia yak” abol dan, ilo urer ipanaŋ dan, maŋ o yaes isofutanaŋ dan, kagin uyan ak dabai lo agane dan, aŋ aŋsem bu ipanaŋ da. Aŋ dal fidian lo maŋ akubiai panama yan lo man, kagin naok naok a agane yan man uyanan mi a.

2 Korint 4:17

Man dugo, muruan e saen katukan mi yen san ak misini den man, girager tubun kasik bageu san ikubune panama da. Girager an pempem mi yen a, agod iŋanen tubun an tou mupani san maŋ ta idaisuda na wa. An niŋen o muruan gamu misini den an mel kawan mok a.

2 Korint 4:2

Maŋ kagin naok naok miai san an fidian gigin na midiri a. Maŋ raek kagin lo ta mator na da. Anut san ru dam mukubuli wo mamoi da. Tia, maŋ Anut malan lo tamolpein naod na ru rumok ak mi mabol ilasa da. Ago dop lo tamolpein fidian iŋ maŋ tamol naok dugo yak niŋema wo ilo sou digane dop an lo dilep Kristus san urat an itaot mi migane da.

1 Korint 9:11

Maŋ aŋ luluŋam lo kumaen panu san ai patun wei mok mupae se ya, an rumok tap, dugo, aŋ kulob an naon, tan en san melmel lo abinawama wo malama migane dan niŋen muruan ifunaŋ di?

Rom 16:10

Apeles ilo uyan apani, iŋsan urat uyanan an Kristus ileg ilon uyan a. Ilo uyan ilo rumok adi Aristobulas san samun lo yan apidinai.

Rom 14:18

Fun an niŋen tamol enti kagin naok an lo Kristus san urat igane dan Anut ilo uyan ipani a. Agod tamolpein sad leil lo tamol an uyanan a.

Rom 5:8

Ak man Anut anen ilo panek tubun ak dal en lo ikubiai tile da. Saen id aupasek san dal turi dugo Kristus id niŋed o mateŋ ile ya.

Aposel 20:34

Aŋ fidian aloŋ ak, ŋaiseg banig en nam urat ŋigane dugo, mel lo ŋai turag dida katuk amama yak sema ibunawama se ya.

Aposel 9:16

Agod iŋ ŋai yaŋag o muruan tubun mi isini wan ŋai ŋukubiai pani wa.”

Aposel 2:22

“O Isrel tamolpein, kudom agure! Anut aŋ naom na ikubiaig ale yak, iŋ Nasaret tamol Jesus an uyan ipani a. An dugo woŋ i? Anut sen kulob girager agod urat dababai funfun kob igo woŋ tamol an lo idiri dugo ale na ya. Melmel an aŋ luluŋam lo tamol an tuon lo dilasa dugo aŋ an fidian aloŋ a.

Luk 21:19

Tia, aŋ atur dabai dop muruan fidian asini dan lo mi, kumaen pempem yen yau san aŋane wa.”

2 Korint 2:17

Maŋ man tamol aenta Anut san ru dufulale dop lo moni diŋane wo digane dan ago tia ya. Ilo sou mianuk ago yak maŋ lo tia ya. Tia, maŋ tamol nuŋon igo woŋ, Anut malan lo iŋsan ru mabol ilasa da. Urat an Kristus lo migane wo Anut ipilianama ya.

Jon 16:33

Aŋ ŋai lo amado dop, ŋaisag ilo maror aŋ da amado san niŋen o ru an ŋurupaiaŋ a. Tan en san tamolpein aŋ muruan dupanaŋ ak gug, aŋ ta arut arer na wa. Tia, aŋ ilom abisa, man dugo, ŋai yu ŋigane itout go, an lo tan en san tamolpein fidian sad dabai ŋabi idu la ya.”

Rom 3:5

An niŋen o idsad kagin a ta itaot na yan lo, Anut iŋanen kagin itaot ak kuai te igane ilasa da. An lo dop, id dugo tabol ak i? Dugo, Anut iŋanen tiŋae mumarek id tinid fo igane dan ta itaot na i? (Ru e ŋabol den niŋen o, tan en san tamol adi sad ilo sou ŋirig sumiaek ago ŋigane da.)