2 Korint 6:16 - Takia

¹⁶ En dugo woŋ pe Anut san ubou ab iŋ ai pat sad mitilaedi da sisem ka dutumani wak i? Man dugo, id man Anut a kumaen imado dan san ubou ab. Anut sen igo ibol, “Ŋai iŋ dadi mumado wak, iŋ luluŋad lo ŋator a. Ŋai man iŋsad Anut, agod iŋ man ŋaisag tamolpein.”

2 Korint 6:16 Referans Kwoze

Revelesen 21:3

Ago dugo kiŋ san kalik fo na talpein ta awan dabai geig ak, igo iwagiŋ dugo ŋaloŋ a. “Aloŋ ak, gamu Anut iŋanen tamolpein luluŋad lo imado da. Iŋ dida sisem tureŋ diabi wa. Tamolpein en man Anut san warou mok a. Anut iŋsen mi dida dumado wa.

Hibru 8:10

Saen an ilasa dop, kontrak en ŋai Isrel tamolpein lo ŋigane wa. Ŋaisag kubiaeŋ an kabuŋad lo ŋidiri wak, agod bubedi lo dam ŋigire wa. Ŋai man iŋaned Anut, agod iŋ ŋaineg tamolpein a.

1 Korint 6:19

Aŋanem tinimi an man Awan Urgun san aben gun a, an ta aloŋ na yak i? Anut iŋanen Ur iganeg ipalug aŋ ilom lo imado da, an niŋen o aŋ tinimi an aŋsam tia ya.

Rom 8:11

Agod enti iŋ Jesus mutou lo ifufunig imasa yan san Ur oŋ lo yen tap, iŋsan Ur oŋ lo imado dan lo oŋ tini mateŋ san mi an dam iŋ kumaen ipani wa.

Revelesen 21:7

Talpein enti yu igane itout dop mel en fidian iŋsad tamad imado wa. Ŋai man iŋanen Anut, agod iŋ dam ŋaineg nanug mok a.

1 Jon 4:15

Talpein a Jesus iŋ Anut Nanun mok ibol ilasa dan, Anut iŋ da dumado da, agod iŋ dam Anut da dumado da.

Efesus 3:17

Ago dop Kristus sen aŋanem ilo rumok an lo ŋutumi ilon lo ka imado wa. Ŋai igo dam ŋugudani da, ilo panek kagin an man aŋanem kagin naok naok fidian san fun mok a.

Jon 6:56

Talpein iŋ ŋai tinig yani dugo, dar ag dam iluk dan, iŋ ŋai lo imado dugo, ŋai iŋ lo ŋumado da.

Hibru 3:6

Ak man Kristus iŋ Anut Nanun mok imado ya, an lo iŋ Anut san ab lo tamolpein kagin ipidinai a. Id dabai amad da Anut anen ru tabol dan, id ilo uyan amad da mel a Anut ipanad ak niŋen o ilod yen dan tabi sakar tap, id Anut san ab mok a.

1 Pita 2:5

aŋ dam pat kumaen yen san ago mi Anut itumanaŋ dop iŋsan ŋutun san ab oŋ isuse da. An lo aŋ pris adi gun ak oŋ alasa ya. Nek ibol pris wagam ak Anut yai dutuni pani na yak igo woŋ, aŋ dam yai atuni pani da. Gug kulob an man tan en san yai tunek tia, tia, an ŋutum san yai tunek mi a, agod Kristus lo Anut iŋ uyan ipanaŋ da.

2 Timoti 1:14

Awan Urgun id ilod lo imado dan san dabai lo, mel a oŋ ilo lo igane yan kagin pani uyanan a.

1 Jon 4:12

Tamol ta iŋ Anut ile man tia ya. Gug id nug niŋen o tamat tap, Anut id da tumado wa, an lo dop iŋsan ilo panek id lo yan italbusip nuŋon ifu wa.

Rom 9:26

Agod fon ru girek lo, “Anut tamolpein ta igo irupidai ‘aŋ ŋaisag tamolpein tia ya,’ ago gug aben kisaek nek atna mi fon irupidai ‘aŋ Anut kumaen imado damaiak nanun muroun a’ iŋ awan ago duloŋ a. Mitep mel an ago ilasa wa.”

Rom 8:9

Ak man Anut san Ur oŋ tini ilon lo imado mok tap, oŋane bunu wagam ak ta ititiano na da, tia, Ur mi ititiano da. Agod talpein ta iŋ Kristus san Ur aman tia tap, iŋ Kristus san tia ya.

Efesus 2:20

Aŋ Anut iŋanen ab igo woŋ isuse da. Maŋ aposel, profet dida man, Anut ab an san bag igo woŋ igunama ya. Jesus Kristus iŋsen man ab an san bag tamol.

Matyu 6:24

“Tamol ta gurman uraru mi nal kisaek lo mi awad yabi san tia ya. Iŋ ago igane wo igane tap, iŋ kisaek o lian niŋen o imat dop, turan ile sisaian a. Tia dop, kisaek o lian ilon ipani dop, turan patun ipani wa. Nek ago mi oŋ Anut moni da sisem uri san tia ya.

Revelesen 2:1

“Oŋ ru ta girep taun Efesus na Kris midaeŋ sad eŋel malan te yan san na yau a. Ru man igo ya. Tamol enti patui seven banin won ak ate yabig, lam gol seven luluŋad lo tureŋ yabi dan, ru en aŋsam na iganeg ipalu da.

Matyu 16:16

Agog Saimon Pita iŋsan ru naon irupei, “Oŋ Kristus, oŋ Anut ipiliano ama ya, oŋ Anut a kumaen imado dan Nanun mok a.”

Jon 14:23

Jesus ru naon irupei, “Talpein a ŋai niŋeg o imat dan, ŋaisag piteŋanek fidian iri dop paed na imado wa. Ago dop Bai iŋ o imat pe, ŋai Bai da sisem iŋ giraŋen na mupalup, iŋ da nal fidian mi mumado wa.

1 Korint 10:21

Aŋ Tubun ak san gab lo, agod ur sisaiak sad gab lo dam aluk dop, muruan ta ariŋani san tia ya. Nek ago mi, aŋ Tubun ak san tebol fo, agod ur sisaiak sad tebol fo dam atutou dop, muruan ta ariŋani wak, an dam ago agane san tia ya.

Efesus 2:22

Kristus lo dam, iŋ iŋiliaŋ go aŋ ab gun an da ibateg kisaek mi aŋ ab an tinin aenta igo woŋ amado da. Amaiak niŋen o gamu Awan Urgun iŋsen Anut naon iŋaneg ab ante imado da.

1 Timoti 3:15

Ak gug ŋai ŋupalup ŋilio san nal ta ibalsini kisaek na tap, girek en lo dop oŋ id Anut anen midaeŋ ilon lo kagin dugo woŋ lo taŋal an san, oŋ uloŋ a. Midaeŋ an man iŋ Anut a kumaen imado dak san, agod ru rumok ak san bag tamol igo woŋ a.

Jems 4:5

Girek an sen kawan ago abol banau, Anut san ru rumok girek lo igo ibol, “Anut iŋ tura susai kagin lo tamol sad ur ilod lo idiri an itargiranig imado da.”

Luk 5:36

Agog Jesus ru faŋan taidam irupidaig ibol, “Tamol ta iŋ yamel kilaken foun ak ta irasirep ate kulos wagam ak san mutunuk ta iwei na da. Tamol ago igane tap, iŋ yamel kilaken foun an daoŋ ipani wa. Taida mi, yamel kilaken foun an iŋ kulos wagam an ida naod kisaek tia ya.