2 Korint 5:11 - Takia

¹¹ Amaiak niŋen o maŋ maŋsama rurek Kristus lo maloŋ uyanan an lo, tamolpein ilod miŋane da. Anut maŋ dugo yan iloŋ uyan a, agod ŋai ilog ibol dak aŋ dam bubem lo maŋ dugo yan aŋ aloŋ uyan a.

2 Korint 5:11 Referans Kwoze

Jud 1:23

Tamolpein aenta yai lo dumado dan, abinawai dop aŋal saltik oŋ a. Aenta iŋaned ilo masa lo ilodi nun anda yan, ilom imuŋanai dop abinawai a. Gug niŋedi wo arer dop, sem kagin ipanaŋ o uyanan a, kabelan iŋsad dal an lo au banau.

Hibru 10:31

Rumok, Anut kumaen pempem san banin lo tau tadu tap, an tarut tarer san mok a.

Revelesen 20:15

Tamolpein fidian yaŋad kumaen san buk ilon lo ta yen na tap, yai saltek lo diabibol dudu diau a.

2 Korint 6:1

Amaiak niŋen o, maŋ Anut da sisem urat migane dan niŋen o igo mududuwaŋ da, aŋ Anut san ilo panek an mel kawan igo woŋ ta aŋane na wa.

2 Korint 5:20

An niŋen o maŋ Kristus wagen lo iŋsan nao ŋanek tamol igo woŋ mumado da. Maŋ awama lo Anut tamolpein ilod iŋane wo ru ibol da. Amaiak niŋen o maŋ Kristus wagen lo mududuwaŋ dop, aŋ Anut da nug turan mok alasa wa.

Aposel 18:13

dubol, “Tamol en kubiaeŋ iriŋani da. Ata wo? Iŋ tamolpein dal senamo yak lo Anut niŋen o ubou digane wo ilod iŋane wo maeg igane da. Gug dal an kubiaeŋ ta iri na da.”

Luk 12:5

Ŋai tamol niŋen o arer san ŋurupaiaŋ da. Anut mi niŋen o arer a. Iŋ tamol tinin ifuni imat pe ŋutun dam ka ibal yai lo yau a. Awo, rumok ŋurupaiaŋ da, iŋ mi niŋen o arer a!”

Galesia 1:10

Ru e gamu ŋai ŋabol den lo man, tamol adi ŋai niŋeg o ilod uyan panag dak niŋen o ilod ŋiŋane di? Man tia ya, Anut mi ŋai ilo uyan ipanag o ilog ibol da. Gug aŋ dag ŋai tamolpein ilod uyan o mi urat ŋigane dan ago ilom isou di? Aloŋ uyanan. Ŋai kagin an ago mi ŋigane yau tap man, ŋai Kristus iŋanen urat tamol mok tia ya.

2 Korint 2:17

Maŋ man tamol aenta Anut san ru dufulale dop lo moni diŋane wo digane dan ago tia ya. Ilo sou mianuk ago yak maŋ lo tia ya. Tia, maŋ tamol nuŋon igo woŋ, Anut malan lo iŋsan ru mabol ilasa da. Urat an Kristus lo migane wo Anut ipilianama ya.

Aposel 28:23

Ago tag Pol dida nal diganeg tamolpein wei kasik mok saen an aben Pol imado dak ate dilasa ya. Agog Anut san kagin panek san ru tidomi fun iganeg yaug, tidom idug naod na ifulale pidinai se ya. Iŋ Moses san kubiaeŋ, agod profet sad girek lo dam ru boi sensen ak iŋal go, Jesus ilod lo rumok anen ru irupidai se ya.

Aposel 26:26

Kiŋ Agripa, iŋ mel amaiak fidian iloŋ siŋaokan ak niŋen o ŋai ŋaloŋ ak iŋ naon na seg ipiranag dop ŋiŋiŋeŋ o ta ŋarer na wa. Ŋai ilog isou ak, dugo ilasa yan fidian luluŋad lo mel ta kisaek man, kiŋ Agripa mel an niŋen o ta iŋaoŋ na ya. Man dugo, mel an fidian mianuk lo dilasa man tia ya.

Aposel 19:26

Agod gamu tamol a Pol dubol dan kulob igane dak aŋsem dam ale aloŋ a. Iŋ ibol, tubud a tamol banid nam digane yan tubud tia ya. Ru an lo Pol tamolpein wei kasik naod yabitig ilod ibilisa ya. Tamolpein fidian Efesus na, agod wei mi Esia provins ilon lo dam, ru an duloŋ la ya.

Aposel 18:4

Ago dugo Pol iŋ Sabat nal anen anen ate mi Juda sad ubou ab lo tamolpein a ate dumado dan dida diŋiŋeŋ dugo nug aen ditog se ya. An lo Juda aenkadi agod Grik tamolpein dam ilod iŋaneg Jesus o ilod rumok a.

Aposel 13:43

Agog gurman adi tamolpein tumanek dibiseip diau o dubol dugo, Juda tamolpein, iŋ a ta Juda na yak gug Juda sad ubou lo diau dan dam, Pol iŋ Barnabas da ŋied fo diau a. Ago dugo uraru an tamolpein tan suek ru durupidaig dubol, “Aŋ Anut san ilo muŋanek ipanaŋ dan lo atutou yau oŋ a.”

Luk 16:31

“Ak man Abraham irupeig ibol, ‘Iŋ Moses profet dida sad awad ta diabi na yak tap, gidad tamol ta mateŋ lo yak fon imasa dap, ilod iŋanep ilod ibilisa wo ru kagin irupidai bo man, iŋ awan ta diabi na wa.’”

Matyu 25:46

Agop tamolpein an dibiseip diaup ai wadan saian geig saen fidian yen dan lo diladup ante pempem mi dumado wa. Ak man tamolpein itaotan ak kumaen pempem san diŋanep dumado wa.”

Matyu 10:28

Agod tamolpein a oŋ tini dufuni imat gug, oŋ ŋutu dufuni imat san ta idaisuda na yan niŋedi wo ta urer na wa. Tia, gidad enti a oŋ tini ŋutu sisem Ades lo daoŋ ka ipidinai san dabai aman da yan niŋen o mi urer a.

Efesus 5:21

Aŋ anen anen nug awan paen na amado wa. Aŋ kagin ago agane san fun man, Kristus yaŋan lak na mok asini wo ago ilom yen a.

Hibru 12:29

Man dugo, idsad Anut man ibol yai balen ided pe mel fidian inantiti yau dak igo ya.