1 Timoti 6:6 - Takia

⁶ Gug id melmel a idsad madok san niŋedi wo katuk ad tia yak, agod Anut kagin an tiri tupani dak ago tap, an nuŋon uyanan ak tubun mi idsad madok lo igane ilasa wa.

1 Timoti 6:6 Referans Kwoze

Hibru 13:5

Aŋanem tureŋ lo moni niŋen o yaes ta ifunaŋ na wa. Aŋ mel dugon am da yan, nek an idaisuda yak igo ilom isou wa. Man dugo, Anut wagam ago ibol, “Oŋ tini gane panag tap, ŋai oŋ patug ta ŋupano na wa, agod oŋ ŋibisawo san tia wa.”

1 Timoti 6:8

Ak niŋen o, id anaŋ biouŋ amad da tap, man igo tabol, an id o nek idaisuda ya.

1 Timoti 4:8

Fidian taloŋ ak tinid dabai tupani san urat man mel tubun a. Gug san binawek an man tubun an tia ya. Ago gug Anut kagin niŋen o maeg gane dan man mel fidian lo ibinawo uyan geig da. An gamu tan en lo ibinawad ak, agod murnap kumaen panu lo dam mi wa.

Filipai 1:21

Man dugo, ŋaineg ilo sou lo man, ŋai kumaeg ŋumado tap, Kristus iŋ malan te ya, ak man ŋai ŋamat tap, an ŋai tan en lo kumaeg ŋumado dan iriŋani geig a.

Rom 8:28

Id taloŋ ak, tamolpein ensauta a Anut niŋen o dumat dan, ensauta a Anut yaŋad ipateg, igiaig iŋsan ilo girek san dal duri wo dan niŋedi wo gidad, mel dugo ilasa bo man, urat igane pidinai uyanan da.

Luk 3:14

Ago dugo yu tamol aenta dam dusumiani, “Maŋ dam, en dugo migane wak i?” Agog ru naon irupidaig ibol, “Aŋ tamolpein afu dan lo banid na moni ta aŋane na wa. Aŋ ru sewak lo dam iŋsad moni ta aŋane na wa. Aŋanem urat naon dupanaŋ dan mi aŋ o idaisuda wak niŋen ilom maror anda amado wa.”

2 Korint 4:17

Man dugo, muruan e saen katukan mi yen san ak misini den man, girager tubun kasik bageu san ikubune panama da. Girager an pempem mi yen a, agod iŋanen tubun an tou mupani san maŋ ta idaisuda na wa. An niŋen o muruan gamu misini den an mel kawan mok a.

Luk 12:15

Agog Jesus irupidai, “Kagin agane. Aŋ tamol sen ak san filian niŋen o malam ta isi na wa, kagin naok ago yan fidian niŋen o sen alasa wa. Man dugo, tamol san madok uyan man tan san filian lo ta yen na da.”