1 Timoti 6:2 - Takia

² Urat bigabeg adi a iŋaned gurman ilo rumok amad da yan, iŋ teid taod igo yak niŋen o awad duparsisali san tia wa. Tia, urat lak na mok digane wa. Man dugo, gurman a iŋsad urat san nuŋon diŋane dan iŋ ilo rumok adi mok a, ago dop bigabeg adi an iŋaned gurman o dumat a. Oŋ kubiaeŋ an piteŋanai dop iŋ an lo duri dupani wo duduwai a.

1 Timoti 6:2 Referans Kwoze

Kolosi 4:1

Oŋ urat bigabeg taman, aŋ kagin itaot ak lo, agod kagin uyan ak lo dam, aŋanem urat bigabeg adi kagin apidinai a. Man dugo, aŋ aloŋ ak, aŋ dam tamam am da ya, iŋ kumaen panu na imado da.

1 Timoti 4:11

Melmel an piteŋanai dop ru dabai lo kubiai pidinai.

Jud 1:8

Dal naok an lo mi, tamol an dienamin dop lo sed irawaip tinid dukubuli da, gurman a Anut ipilianai an niŋedi wo dumoi da, agod eŋel girager amad da yan patud fo uf digane da.

2 Pita 2:10

Luluŋad lo tamol a ilo masa san kagin diri dupanig lo sed nun ipidinai dugo, gurman awad paen na dumado wo dumoi na ya, tamol naok ago yak Tubun en niŋedi wo tubun geig imoi a. Tamol naok ago yak silei tinadi agod kabuŋadi dababai a. Iŋ eŋel adi kumaen panu lo dumado dan dumisilanai o ta direr na da.

1 Pita 5:1

Ŋai matu gurman aŋ luluŋam lo dumado dan, ŋai dam nek iŋ ago mi ŋumado da. Ŋai dam Kristus madai isini an seg malag mok nam ŋile ya. Taida mi ŋaiseg dam iŋsan girager murnap kuai isi wan ŋai dam an lo ŋumado da. An lo igo ŋusumianaŋ o da.

Hibru 3:14

Ilo rumok malan malan an id fun tiganeg an tabi sakar pe yaup wadan na idu tap, an lo id Kristus da sisem tutumani wa.

Hibru 3:1

An niŋen o aŋ ŋaineg teig taog gun ak, aŋ maŋ da Anut san wagiŋ an lo itumanad go tumado dan, aŋ Jesus niŋen o mi ilom isou a. Iŋ aposel agod iŋ pris malan te yak an niŋen o tabol ilasa da.

Taitus 3:8

Ru an ru rumok a. Agod ŋaisag ilo sou lo ru an dabai nam ubol ilasa dop, tamolpein a Anut o ilod rumok an kagin diganep mel uyan uyan digane san o tinid dupani wa. Kagin naok ago yan uyanan a, agod an mi tamolpein fidian ilod lo nuŋon iganep ilasa wa.

Taitus 2:15

Aria, ru an tamolpein piteŋanaip duloŋ a. Tan suek ru pidinai ak, agod kudo bek ru lo dam pidai dop satuanai a. Talpein enti oŋ tamol kawan ak ago ibol dop dabai ganep awan wafutani wa.

Taitus 2:1

Aria, Taitus, oŋ melmel uyan a piteŋanek itaot ak san dal lo uyan ipani dan mi piteŋanaip duloŋ a.

1 Timoti 5:1

Oŋ tamol a oŋsa busumak adi an ta pidai na wa, tia, iŋ oŋ tama igo woŋ dabai panek ru lo tan suek ru rupidai a. Agod tamol a oŋsa bakan ak oŋ an, oŋ tei murou igo woŋ kaginad gane wa.

2 Tesalonaika 1:3

Ŋai teig taog, maŋ pempem aŋ niŋemi wo Anut ilo uyan mupani da. Ago migane dan man uyan a, man dugo, aŋsam ilo rumok Anut lo man tubun mok ilasa da. Agog nug niŋen o amat dan dam tubun geig ilasa oŋ da.

Kolosi 1:4

Man dugo, maŋ gubak mi ru en maloŋ a, aŋ Jesus Kristus o ilom rumok da, agod iŋanen tamolpein fidian ilom apidinai da.

Efesus 3:6

Ru mianuk an man igo ya, aŋ gob adi Juda tamolpein dida sisemi Anut san bar uyan uyan ak aŋane wa. Aŋ iŋ dida atumani an lo tinim kisaek alasa ya. Agod melmel a Anut san promis lo tiŋane wo ibol an, id sisem tiŋane mok a. An bilaluŋ uyanan Anut Kristus lo ipanad an lo ilasa ya.

Efesus 1:15

Fun nek an niŋen o ŋai Anut naon na aŋ niŋemi wo ilo uyan ru ŋupani dan, ta ŋiyalis na da. An nek saen ŋai aŋ Tubun ak Jesus Kristus lo ilom rumok an ŋaloŋ ak, agod aŋanem ilo panek a Anut san tamolpein gun ak fidian lo agane dan dam niŋen o ŋaloŋ an, saen antem ŋai fun ŋigane ya. An lo ŋai pempem aŋ niŋemi wo dam ilog isou dugo Anut ŋugudani woŋ da.

Efesus 1:1

Ŋai Pol, Anut ilon yen ak lo, iŋ Jesus Kristus san aposel ago isikatag a. Ŋai aŋ Kristus san tamolpein gun a Efesus taun lo amado dugo Kristus mi awan ari apani dan, aŋsam na girek en ŋigane ipalu da.

Galesia 5:6

Man dugo, saen talpein ta iŋ Kristus da dutumani dan, gidad muluŋ lo idu boi, tia, muluŋ lo ta idu bo man an mel kawan a. Mel kisaek nek en mi iŋ tubun a, id ilo rumok amad da yan lo tamolpein aenta ilod tipidinai da.

Rom 11:17

Ai a panu san an man ru mitilaen Isrel tamolpein lo yau a, ago dugo oliv ai garaŋ san an man aŋ tamolpein Isrel tia amaiak san ru mitilaen igo ya. Anut igo igane ya. Iŋ ai oliv panu san an raed aenta ituteg yabi yau a. Ago dugo yaug garaŋ san ai oliv didilad ituteg iŋane ipalug oliv panu san raed itute yau amaiak abed lo ibate idu ya. Agog an lo ai panu san an san toub bulbal uyan ak ai garaŋ san raed an diŋane dugo disa uyanan a.

Rom 8:29

Id gamugo tilasa dugo Anut gubak mi id iloŋ go ipilianad a, an lo id bunud nek ibol iŋsan Nanun san bunun igo mi tilasa wa. Ago dop an lo iŋ tein muroun wei mi luluŋad lo iŋaned teid matu ak igo imado wa.

Matyu 25:40

“Agop Kiŋ ru naon igo irupidaip ibol, ‘Ŋai rumok ŋurupaiaŋ da, kulob dugo ŋai teig e yaŋan tia yen lo agane man, kulob ago agane yan, an ŋai lo dam ago agane ya.’

Matyu 23:8

Ak man, tamolpein aenta aŋ gurman adi dubol ak ago ta digane na wa. Tia, tamol kisaek o lian man aŋsam gurman, agod aŋ fidian man nug tein taon amado da.

Matyu 6:24

“Tamol ta gurman uraru mi nal kisaek lo mi awad yabi san tia ya. Iŋ ago igane wo igane tap, iŋ kisaek o lian niŋen o imat dop, turan ile sisaian a. Tia dop, kisaek o lian ilon ipani dop, turan patun ipani wa. Nek ago mi oŋ Anut moni da sisem uri san tia ya.

Aposel 1:15

Nal ta saen an lo ilo rumok adi dutumanig, nuŋod 120 igo woŋ dugo, Pita imasag