1 Timoti 6:19 - Takia

¹⁹ Dal an lo iŋaned filiadi bageu san fod lo dutumanig yen da. An man nek ibol saen a sumeik ipani dan san kadaŋ dimirirani san tia yak igo duguni a. Ago dop lo kumaen a kumaen nuŋon mok an ka diabi wa.

1 Timoti 6:19 Referans Kwoze

1 Timoti 6:12

Idsad ilo rumok san wagai uyan ak gane wo uyanan. Oŋ kumaen pempem san ŋane wo Anut igio ya, agod saen ilo rumok adi wei mi naod na oŋsa ilo rumok an ubol ilasa dugo duloŋ an san saen lo, oŋ kumaen an ŋane ya. Aria, kumaen an wabi sakar a.

2 Timoti 2:19

Ago bo man, Anut bag iguni an yau imul san tia ya. Agog fufo girek en igire ya, “Anut enti iŋsan an iloŋ siŋaokan a.” Agod fon, “Enti iŋ Tubun ak muroun ago ibol tap, kagin saiak saiak fidian patun ipani wa.”

1 Pita 1:4

Id nanuk foun tilasa yan lo Anut san mel uyan uyan ak lak na yen dan, iŋ ipilianad pe murna gup an fidian tiŋane wa. Melmel en ta idafur na wa, tamolpein sad aupasek iganep melmel an nun dilasa san tia ya, agod an sad leil siŋaokan an ta saian na wa. Melmel en murna san an Anut kumaen panu na aŋ niŋemi wo kagin ipani da.

Luk 16:9

Ŋai ŋurupaiaŋ da. Aŋsam moni nam tamolpein abinawai. Agop an lo iŋ aŋ turam dilasa wa. An lo dop saen aŋsam moni biabi aman tia man, kumaen panu lo aladup ante tamolpein an duyuŋanaŋ pe malam dupare wa.

Filipai 3:14

Ŋai maeg ŋiganep Anut iŋ Jesus Kristus lo igiag pe lak na ŋaup ŋaisag ilo uyan san kob an ŋiŋane wo ŋumaspalu da.

Efesus 3:17

Ago dop Kristus sen aŋanem ilo rumok an lo ŋutumi ilon lo ka imado wa. Ŋai igo dam ŋugudani da, ilo panek kagin an man aŋanem kagin naok naok fidian san fun mok a.

Luk 18:22

Jesus ru an iloŋ tag irupei, “Oŋ mel kisaek lo mi katuk ama ya. Oŋsa filia fidian udad yau dop, moni an ŋanep, bigabeg adi pidinai a. Ago tap oŋ Anut san kumaen panu lo filia ama da wa. Ago gane gup, ŋai ŋieg abag uri wa.”

Luk 12:33

Ago yak niŋen o aŋanem filiami an adad yaup, moni aŋanep, tamolpein a melmel ad tia yan abinawai. Dal an lo Anut urat naon iŋsiganen panu lo idirip, pempem yen a. Darir, gumagam tamol adi dida dusubari san tia ya.

Matyu 19:21

Jesus irupei, “Oŋ itaot mok lasa wo ilo yen tap, waup oŋsa mel an fidian didaeŋ lo ganep moni ŋane wa. Aria, moni an ŋanep tamolpein mel ad tia yan pidinai a. Ago dop oŋ kumaen panu lo filiama da wa. Ago gane gup palup ŋieg aban uri wa.”

Galesia 5:6

Man dugo, saen talpein ta iŋ Kristus da dutumani dan, gidad muluŋ lo idu boi, tia, muluŋ lo ta idu bo man an mel kawan a. Mel kisaek nek en mi iŋ tubun a, id ilo rumok amad da yan lo tamolpein aenta ilod tipidinai da.

Luk 18:2

Iŋ ibol, “Panu ta lo tulek tamol ta imado dugo Anut niŋen o ta irer na da. Tamol dam niŋedi wo ta irut na da.

Luk 16:25

“Ago tag Abraham ru naon irupei, ‘Nanug, ilo isou. Saen oŋ tan na kumae mado dugo, oŋ oŋsa mel uyan uyan ak ŋane na ya, ago dugo Lasarus mel saian saian ak mi iŋane na ya. Gug gamu iŋ ilon pasa ibol dugo oŋ madai tubun geig ak sini da.

Filipai 3:12

Ŋai mel an fidian ta ŋiŋane na ya, agod ŋai tinig bubeg da gamugo itaot ilasa da. Ago gug kagin an ŋabi sakar o dabai ŋigane se ya, man dugo, fun amaiak niŋen o Jesus Kristus ŋai ibiag sakar da.

2 Timoti 1:1

Ŋai Pol, Anut san ilobol lo Jesus Kristus san aposel ŋilasa ya. Anut iŋ ru dabai anda ibol panad an man, kumaen a Jesus Kristus banin lo yen dan ipanad a. Agod kumaen an san ru iŋanen bilaluŋ tamol igo ipilianag a.