1 Timoti 6:17 - Takia

¹⁷ Oŋ tamolpein a tan en san filian wei mi amad da yan ru kagin igo rupidai a, iŋ aenta diriŋanai ak ago dubol dan san kagin lo dumado dutor man tia wa. Iŋ tan en san filian niŋen o dam tini ganei ta digane na wak ubol a, man ata wo, iŋsad filian an pasauman mok ka dideg diau a. Tia, iŋ Anut mi tinid digane pani wak ubol. Man dugo, Anut melmel id malad lo bulbal mok an fidian ilo uyan san wei mi ipanad a, agod an id o idaisuda mi a.

1 Timoti 6:17 Referans Kwoze

Aposel 14:17

Gug iŋ pempem mel sisiŋaok igane ilasa na yan lo iŋsen fun ikubiai ale se ya. Iŋ ui iganep, keit lop idu da. Nal fom anaŋ iganep ilasa da. Anaŋ ipanaŋ dugo ilo uyan dam ipanaŋ da.”

1 Timoti 4:10

Id Anut tinid tigane pani dan lo tau tisasau a. Iŋ man tamolpein fidian sad patun pasek a. Agod ensauta a ilod lo rumok nek an mi a. Kagin nek an niŋen o urat wagai mok tigane dan man fun nek a.

Matyu 19:23

Agog Jesus iŋanen megeloum irupidaig ibol, “Ŋai rumok ŋabol da, tamol filian anda man Anut san kagin panek lo iladu san man muruan geig a.

Taitus 2:12

Iŋsan ilo panek an lo maŋau ipiteŋanad a, an lo kagin fidian a Anut kagin igo tia yan patud tupani da, agod tan san mala bulbal an fidian “tamoi ak” ago tabol a. Agod dam an iduduwad pe idsiŋaned ulum ad tabi uyan dop, idsad madok tan en lo tiganep itaot ilasa dop, Anut san kagin turi tupanip ago tator a.

Kolosi 3:16

Ru a Kristus niŋen o aloŋ an aŋanep bubem ilon lo aganep idaisuda wa. Aŋ bubem lo ru an urat isini wa. Kankan milaen ak nam nug apiteŋani dop nug ru kagin arupei wa. Isrel kanam bar an abi, kanam bar aenta dam abi, Awan Urgun bar ikubiai panaŋ an dam abi; ilom bubem tinim fidian lo Anut niŋen bar abi wa. Aŋ ago agane dop Anut ilo uyan apani wa.

Luk 19:2

takis ŋilaŋal tamol gurman ta filian anda yak ante imado. Iŋ yaŋan Sakias.

Rom 11:20

Awo, an rumok a. Gug iŋ ilod lo ta rumok na yan niŋen o ai raen an isalsuni a. Agod aŋ ilom lo rumok an lo mi dabai am da atur da. Fun an niŋen o aŋ sesunoi kagin ta agane na wa, tia, Anut niŋen o arer dop amado wa.

2 Timoti 4:10

Man dugo, Dimas iŋ tan en san mala bulbal buben ipanig lo ŋai ibisawag go Tesalonaika na yau a. Go Kresens Tubun ak san urat igane wo Galesia distrik lo yau, ago dugo Taitus dam iŋ Dalmatia distrik na yau a.

1 Timoti 6:13

Anut a mel fidian kumaen ipidinai dan naon na, agod Jesus Kristus a Pontius Pailat naon na itur dugo iŋsen niŋen o ru rumok ibol ilasa yan naon na dam,

1 Timoti 1:3

Saen ŋai Masedonia na ŋau o ilog yen an, ŋai oŋ ŋurupaiog Efesus na mado wo ilog yan a. Man dugo, tamolpein aenta piteŋanek sewak digane dan ru dabai nam padau dop dumoi a.

1 Tesalonaika 1:9

Tia, iŋsed mi aŋsam mala parek naok dugo yak apanama yan niŋen diŋiŋeŋ ilasa da. Aŋ bui adi sad tubudi lo adaŋsag, Anut mi ilom apani a. An lo gamu Anut e rumok di kisaek o lian en paen na amado dugo, iŋsan urat tamolpein mok alasa yak, an niŋen o diŋiŋeŋ da.

Efesus 5:5

Aŋ mel en aloŋ uyan ak i? Tamolpein ensauta a jeit kagin digane dan, kagin naok naok nun anda yak digane dan, agod tan en san melmel niŋedi wo yaes ifug ditor dan dam, Anut iŋ Kristus da sad kumaen panu lo ta mok diladu na wa. (Talpein a tan en san melmel niŋedi wo yaes ifuni dan, iŋ talpein a tubud sewak sad ubou ad ile dan da naon kisaek mi a.)

Aposel 17:25

Agod iŋ mel o katukan dop tamol banid nam ta dibinawi na da. Man dugo, iŋsen amaiak tamolpein fidian kumaen di ur, agod mel fidian dam ipidinai da.

Aposel 14:27

Antiok na dilasag ilo rumok adi dutumanaig, Anut urat iŋ lo igane na yan san ru durupidaig duloŋ a. Agog Anut tamolpein Juda tia yan ilod lo rumok san dal ipasi an dam dubol duloŋ a.

Mak 10:24

Iŋanen megeloum adi ru an duloŋ go durut saian a. Ak gug Jesus fon ibol, “O nanug muroug, talpein Anut san kagin panek aben lo isadu san man muruan geig a!

Matyu 27:57

Ad idiau o sumeik dugo, taun Arimatea san moni tamol ta yaŋan Josef ipalu ya. Iŋ dam Jesus san megeloum mi a.

Matyu 6:32

Man dugo, gob adi mel an fidian abaŋan diabi dutor da. Agod aŋanem Tamami lak na imado dan mel dugo niŋedi wo amat dan iŋ fidian iloŋ pasik a.

Taitus 3:6

Iŋ Jesus Kristus idsad binawek an lo Awan Urgun tubun mok id lo iwatik idu ya.

1 Timoti 5:21

Uloŋ, Anut, Jesus Kristus, agod eŋel pilianek adi naod na ŋai kubiaeŋ en oŋ ŋupano da. Oŋ kubiaeŋ an fidian uri pani wa. Saen oŋ kubiaeŋ an uri dop, talpein enti niŋen ilo ta isou na wa, tia, kagin kisaek mi tamolpein fidian pidinai a.

1 Timoti 3:15

Ak gug ŋai ŋupalup ŋilio san nal ta ibalsini kisaek na tap, girek en lo dop oŋ id Anut anen midaeŋ ilon lo kagin dugo woŋ lo taŋal an san, oŋ uloŋ a. Midaeŋ an man iŋ Anut a kumaen imado dak san, agod ru rumok ak san bag tamol igo woŋ a.

Matyu 12:32

An niŋen o talpein ta iŋ Tamol Nanun niŋen o ru saiak ibol dan, Anut aupasek an ka isuas yau a. Ak gug talpein ta iŋ Awan Urgun niŋen o ru saiak ibol dan, saen e gamu yen den lo, agod saen foun ak a murnap ilasa wan lo dam, Anut talpein an san muruan ta isuas yau na wa.

Luk 3:11

Agog ru naon irupidaig ibol, “Ta iŋ kulos uraru tap, neinta kulos aman tia yan ipani wa. Nek ago mi, ta iŋ anaŋ anda tap, iŋ dam ago mi igane wa.”

1 Timoti 6:9

Ak man talpein tan en san filian diŋane wo ilod ibol dan, ilo ŋanek san kagin, dob igo woŋ, lo disidag diau dudu da. Iŋ ilod imasap kagin burau wei mi an digane da, an lo iŋsed tini madai sensen ak dupani da. Kagin an lo iŋsed malad dusuep daoŋ panek lo diau dudu wa.

2 Pita 1:11

Ago dop saen aŋ idsad Tubun en Jesus Kristus idsad patu pasek tamol san kagin panek aben an lo aladu wo dop man, malam dupare uyanan a.

Matyu 25:16

Iŋ yau dugo, tamol 5,000 kina iŋane yan yau kisaek oŋ go, moni subuŋan taida an fufo igane wo didaeŋ urat igane se ya. Agog 5,000 kina subuŋan taidam iŋane ya.