1 Timoti 6:14 - Takia

¹⁴ ŋai ru dabai nam oŋ kubiaeŋ an kagin pani uyan mok o ŋabol a. Kabelan mel ta nun anda yak ilasap an lo tamolpein malad lo kubiaeŋ an saian dubol banau. Oŋ ago ganep yau dop idsad Tubun ak Jesus Kristus imul ipalu wa.

1 Timoti 6:14 Referans Kwoze

2 Pita 3:14

Ŋai turag muroug, fun an niŋen o saen Tubun en ipalu wo mala nouk amado dan, aŋ baob amam tia, nun amam tia yak, agod nugnug lo ilo maror amado dan lo dam, iŋ ago iliaŋ san niŋen o urat wagai agane wa.

1 Pita 1:7

man dugo, muruan asini dan lo fidian dile wak aŋanem ilo rumok Jesus Kristus lo yan rumok a. Anut malan lo aŋanem ilo rumok an siŋaokan mok a, agod an gol san naon iriŋani da. Rumok, gol san naon an tubun kasik bo man, dibitinae san niŋen yai lo diganep dumari dop, siŋsak dupasip an lo iŋanen naon yaup lak na mok a. Ago bo man, murnap gol iŋ tan en da itout yau a. Nek ago mi, Anut aŋanem ilo rumok ibitinae o iliaŋ funaŋ dugo muruan ale ya, bitinaek an lo Jesus Kristus kuai isi san saen lo aŋ per, girager, agod yaŋak tubun ak aŋane wa.

1 Tesalonaika 5:23

Anut sen mi iŋ maror san fun. Iŋsen mi iganep aŋ ka gun alasa pasik a. Agod iŋ ka aŋsam ur, ŋutumi agod tinimi tan en san kagin ipidinai a. An lo saen Tubun en Jesus Kristus imul ipalu wak aŋ uyanan geig amado wak tinim aupasek an tia ya.

Jud 1:24

Anut aŋ ititianaŋ siŋaokan dop, au adu san tia ya. Iŋ ka aŋ iŋiliaŋ pe aup youm isa dop, muruan tiap iŋsen naon na girager an lo atur a.

Hibru 9:28

Nek ago mi, Kristus dam nal kisaek dufuni imat a, an lo tamolpein wei mi sad aupasek isini a. Iŋ ago igane dugup afon imul ipalu da wa. Aupasek isuas yau san ta imul ipalu da, tia, tamolpein a iŋ o mala nouk dumado dan patud ipasi ipidinai o imul ipalu da wa.

Taitus 2:13

Ago dugo mel uyanan a ilasa wan niŋen o mala nouk tumado da, mel an man Tubud Jesus Kristus idsad Tubun, agod idsad Patu Pasek tamol, an iŋanen girager aman da tan en lo ilasa wa.

Revelesen 1:7

Ale. Iŋ keit lo timtaen titiŋaem imado dugo ipalu da! Ago dop tamolpein fidian mi iŋsed malad lo dile wa. Tamolpein a gubak mi yu nam iŋ dusue yan dam dile wa. Gugoi fidian a tan titin fidian lo dumado dan, Kristus ipalu dop dilep, an lo ilod tubun mi saian pe tinaŋ tubun mi geig digane wa. Nek a, rumok!

Hibru 9:14

Kristus san dar sapta taida mip dabai ak i? Ur pempem san dabai lo, Kristus iŋsen iŋanen tinin a muruan aman tia yan dufuni imat pe mel mudan yai lo digane yak igo woŋ Anut ipani a. Kulob an lo iŋsen mi idsad ŋutud ibinawig ikok tilasa ya, an lo idsad ŋutud lo kagin a sad nuŋon a lo mateŋ tile dan ipasi yau a, an lo id Anut kumaen imado dak mi ubou an tile wa.

2 Timoti 4:1

O Timoti, Anut iŋ Jesus Kristus da naod na, ŋai gamu ru dabai ak ŋupano da. Jesus Kristus man, iŋ tamolpein kumaen dumado dak, agod dumat la yan da kubianek lo idirai a, agod tan en lo idsad Kiŋ igo woŋ imul ipalu wa. An niŋen o ŋai itaot ŋurupaio da,

2 Tesalonaika 2:8

Saen an lo mi kubiaeŋ riŋanek tamol an walal te ilasa wa. Ak gug, Tubun ak Jesus iŋsan Awan Ur nam tamol an mitep ibili idu wa, kumaen panu lo imul ipalu san lilaman girager an nam, daoŋ ipani wa.

Kolosi 4:17

Akipas arupei, “Tubun ak iŋanen urat gane wo dipiliano yan urat wagai ganep, gane yau itout a.”

Kolosi 1:22

Ak man Kristus tinin tan en san an imat a. An lo gamu Anut aŋ naom yabig iŋsan turan mok alasa ya. An lo dop iŋ iŋiliaŋ pe iŋ naon na igunaŋ dop, aŋ iŋ malan lo gun ak, nun amam tia yak, agod talpein kot ipanaŋ san tia yak, ago atur a.

Filipai 1:10

An lo aŋ kagin naok naok a Anut malan lo uyanan mok an niŋedi wo ilom itarpasi san aŋ idaisuda geig a. An mi tia, aŋ bubem itaot, aenta aŋ niŋemi wo ru tia, ago amado yaup Kristus san nal ilasa wa.

1 Korint 1:8

Iŋ aŋ dabai ipanaŋ pe atur sakar yaup saen wadan idu wa, an lo idsad Tubun ak Jesus Kristus san nal idu wan lo iŋ aŋ mel ta niŋen o ru ta ipanaŋ na wa.

1 Jon 3:2

O turag muroug! Id gamu Anut nanun muroun tumado da. Gug id mitep dugo tilasa wan ta taloŋ uyan na da. Gug id mel en taloŋ ak, saen Kristus kuai isi dan, id tilasap iŋ ago mi wa. Man dugo, iŋ naon tinin tile ago mi tile wa.

1 Pita 1:19

Tia, Kristus man ibol sipsip nanun nun aman tia, agod baob aman dam tia yak igo woŋ, iŋsan dar naon lak na geig ak lo ipasaŋ go iŋiliaŋ a.

1 Timoti 6:20

O Timoti, mel a gubak mi oŋ bani lo ŋigane yan kagin pani. Ŋiŋeŋ a Anut kagin san ager imado dan, agod ilo sou a piteŋanek itaot ak niŋen o ipirgini dan man, yaŋan “maŋau” ago dubol dan niŋen o oŋ sen lasa wa, man dugo, iŋsad ru an sewak mi a.

2 Tesalonaika 2:1

Teig taog, idsad Tubun ak Jesus Kristus imul ipalu san, agod id iŋ da sisem tutumani san dam niŋen o kudodom agure wa. Aenkadi Tubun ak san Nal ilasa la yan niŋen ago dubol da. Profet ru ta boi, tia, maŋsama girek ta boi, tia, ru tim maŋ awama lo ilasa ago dubol boi, gidad, ru naok ago yan aloŋ tap, ilom lo ta rumok na wa. Gidad, maŋ ru dabai ak lo igo murupaiaŋ den aloŋ a, ririan arut dop aŋanem kankan ta yau imul na wa.

1 Tesalonaika 3:13

Ŋai Anut ŋusumiani da, aŋ bubem ŋutum ka dabai iŋane wa. An lo dop, saen idsad Tubun ak Jesus, iŋanen gun adi dida dumul dupalup, aŋ idsad Bai Anut naon na atur an, aŋ gun amado dop iŋ aŋ niŋemi wo ru aman tia wa. Mel an fidian Bai ŋugudani dak iganep dilasa panaŋ a.

Filipai 2:15

Ago agane tap man aenta aŋanem kagin dile yan lo iŋ ru amad tia wa, agod aŋ ilom lo suŋuŋek tia, ago ka amado wa. Aŋ Anut nanun muroun teb amam tia yak igo, tamolpein a iŋsad tureŋ gidigidad dutor dugo sad ilod ikubili an luluŋad lo atur da. Aŋ man ibol patui igo tan en lo abaŋ asapudade dak igo woŋ amado da,

Filipai 1:6

Agod ŋai mel en ŋaloŋ uyan ak, Enti a aŋ lo urat uyanan mok fun igane yan, urat an igane yaup nal a Jesus Kristus imul ipalu wan te gup itout a.

Efesus 5:27

Iŋ ago igane yan lo dop iŋanen tamolpein siŋiren na girager amad da dupalup naon na dutur a. Girager an tinin tubulak tia yak, mel ta saian nek ago tia yak dam ago mi wa. Tamolpein an man gun ak, agod nun tia yak nek ago mi dumado wa.

2 Pita 2:21

Iŋ kagin itaot an san dal kitek ta duloŋ na yak man, an uyan a. Man dugo, iŋ iŋsad Tubun en awan lo kubiaeŋ gun ak ibol duloŋ dugo diŋane, ago gug an patud dupanip dal an dibisei tap, an saian geig a.

2 Pita 3:2

Kankan en igo ya. Ru a profet gun adi wagam mi dubol na yan, agod ru kubiaeŋ a aŋsam aposel adi awad lo aŋsam bunawek Tubun en ibol panaŋ an dam ilom isou wa.