1 Timoti 3:3 - Takia

³ Iŋ you sakar ak niŋen o tubun mi ta imat na wak, iŋ banin wagai an tia wak, iŋ mos kagin mi igane wak, iŋ tamol maror, agod moni o yaes ta ifuni na wa.

1 Timoti 3:3 Referans Kwoze

Taitus 1:7

Man dugo, midaeŋ san kagin panek tamol man sad tureŋ lo tamolpein iŋ lo muruan ta dile na da. Man ata wo, iŋ Anut san urat tamol. Fun an niŋen o iŋ kabuŋan ta sakar na wak, tiŋaen ta saian kisaek oŋ na wak, iŋ you sakar ak ta iluk na wak, agod wagai gidigidad ta igane na wa. Iŋ dal saiak saiak lo filian iŋane wo ago ta igane na wa.

Taitus 3:2

Iŋ talpein ta patun fo uf ta digane na wak, dida nug ta dupei na wak, aenta niŋedi wo ilo sou digane wak, agod dam fidian malad lo iŋsad kagin mos an digane ilasa dop dile wa.

Efesus 5:18

Agod aŋ tubun mi aluk dop, aburaurau banau, man dugo, kagin naon nek an aŋ muruan ipanaŋ a. Tia, Awan Urgun an mi aŋ tinimi ilon lo awan isa wa.

1 Timoti 3:8

Tamol a ubou san binawek digane dan niŋedi wo dikon tabol dan man, tamol nuŋon ak mi wa, awad ta raru na wak, lukluk tubun mi ta digane na wak, agod moni niŋen o tubun mi ta dumat na wa.

Jems 4:1

Fun ata mel niŋen o aŋ luluŋam lo wagai agane dugo nug apei adiri di? Bube imasa san kagin aŋ kisaek kisaek ilom lo yen da, agog aŋ tinim ilon fidian lo wagai igane dugo mel ta niŋen o amat den dam aŋane wo da.

1 Pita 5:2

Aŋ Anut san sipsip atirnai o ipanaŋ an atitianai a. Gurman mok oŋ kagin apidinai a, aŋ talpein a dusou dudunaŋ dan niŋen o ago ta agane na wa, tia, an nek aŋanem ilobol lo mi a, nek ibol Anut aŋ o ilon yen dak ago mi a. Aŋ moni aŋane san o malam ta isi na da, ak man urat an agane wo bubem yen da.

Hibru 13:5

Aŋanem tureŋ lo moni niŋen o yaes ta ifunaŋ na wa. Aŋ mel dugon am da yan, nek an idaisuda yak igo ilom isou wa. Man dugo, Anut wagam ago ibol, “Oŋ tini gane panag tap, ŋai oŋ patug ta ŋupano na wa, agod oŋ ŋibisawo san tia wa.”

Taitus 2:3

Nek ago mi pein busumak rupidai dop Anut naon na dumado dak igo woŋ kagin uyan ak lo mi dumado dutor a. Iŋ uf ru ta dubol na wak, agod you sakar an ulum ad ta yabi na wa. Iŋ kagin uyan an mi tamolpein dupiteŋanai a.

Revelesen 1:9

Ŋai Jon, ŋai aŋanem teimi, ŋai aŋ da Jesus san warou lo tumado da, agod ŋai aŋ da tutumanig id sisem muruan da madai da tisini da. Ŋai aŋ da Kristus san kagin panek lo tumado da, agod id fidian mi tatur dabai dugo muruan tisini na ya. Ŋai Anut san ru, agod ru rumok a Jesus ikubiai panad an dam ŋabol ilasa na ya. An niŋen o ŋai dukudag go subanek tamol oŋ ŋaug, nui ta yaŋan Patmos dubol dan te ŋumado se ya.

Jud 1:11

Iŋ kagin digane wa! Man dugo, iŋ man Kein san ŋien aban duri da, moni diŋane san man Balaam san aupasek lo diladu ya, agod nek ibol Kora wagam Anut awan lo ipirgini tag daoŋ tubun ak ipani a, nek ago mi tamol an dam daoŋ naon kisaek an mi diŋane wa.

2 Pita 2:3

Tamol naok an iŋsad ilo sou moni niŋen o man tubun kasik a, an lo ru sewak nam ŋudum dusue dop aŋanem moni diŋane wa. Anut iŋsad naok naok an wagam mi ile ya, agog iŋaned muruan an ikubune pidinai la ya. Muruan an dal na ipalu da, ago dugo iŋsad daoŋ an dam sumeikan mi yen da.

Taitus 1:11

Tamol naok ago yak oŋ awad wafutani wo uyanan a. Man dugo, iŋsad ŋiŋeo lo piteŋanek saian ak tamolpein dukubiai pidinai dop lo filian diŋane wo ago digane da. An lo iŋ tamolpein sad samun dukubulai da.

1 Tesalonaika 5:14

Teig muroug, saen tamol ta urat igane wo ilon isali tap, dal an saian ak ago ru kagin arupei wa. Tamol a buben irer dan dabai apani wa, agod tamol a iŋsan ilo rumok dabai amad tia yan abiai sakar a, kabelan dideg diau banau. Nug kagin apani wo ilom ta isali na wa. Maŋ kagin ago agane wo mususuŋanaŋ da.

Rom 16:18

Man dugo, tamolpein naok an man Kristus Tubun en san urat ta dubinawi na da, tia, iŋ iŋsed tinid dufutuwi san urat tamol dumado da. Iŋsinad ru sewak, ru bulbal an lo tamolpein ta duloŋ uyan na yan dirawai da.

Aposel 20:33

Ŋai talpein ta san silva boi, tia gol boi, tia tinin san biouŋ boi, banin na ŋiŋane wo malag ta isi na ya.

Matyu 21:13

Iŋ igo ipidai, “Anut san buk lo ru en digire ya, ‘Ŋaineg ab man gudanek san ago dubol a,’ ak man aŋ agane ilasag ‘gumagam adi sad mianuk ab’ igo agane da.”

2 Timoti 3:2

Tamolpein sed niŋedi wo, agod moni o dam dumat dan, sed ipitianai dan, sed yaŋad mi disini dan, aenta dimisilanai dan, tinad tamad awad ta diri na dan, aenta sad binawek lo ilo uyan ta dupidinai na dan, gun tia yan,