1 Timoti 3:15 - Takia

¹⁵ Ak gug ŋai ŋupalup ŋilio san nal ta ibalsini kisaek na tap, girek en lo dop oŋ id Anut anen midaeŋ ilon lo kagin dugo woŋ lo taŋal an san, oŋ uloŋ a. Midaeŋ an man iŋ Anut a kumaen imado dak san, agod ru rumok ak san bag tamol igo woŋ a.

1 Timoti 3:15 Referans Kwoze

1 Pita 2:5

aŋ dam pat kumaen yen san ago mi Anut itumanaŋ dop iŋsan ŋutun san ab oŋ isuse da. An lo aŋ pris adi gun ak oŋ alasa ya. Nek ibol pris wagam ak Anut yai dutuni pani na yak igo woŋ, aŋ dam yai atuni pani da. Gug kulob an man tan en san yai tunek tia, tia, an ŋutum san yai tunek mi a, agod Kristus lo Anut iŋ uyan ipanaŋ da.

1 Tesalonaika 1:9

Tia, iŋsed mi aŋsam mala parek naok dugo yak apanama yan niŋen diŋiŋeŋ ilasa da. Aŋ bui adi sad tubudi lo adaŋsag, Anut mi ilom apani a. An lo gamu Anut e rumok di kisaek o lian en paen na amado dugo, iŋsan urat tamolpein mok alasa yak, an niŋen o diŋiŋeŋ da.

Galesia 2:9

Aria, saen Jems, Pita, Jon da ŋai awag duloŋ an, ilod isafulale man Anut ŋai lo iŋsan ilo panek iganeg iŋsan urat ŋigane wo ipanag a. (Tamolpein aenta tamol utol an “midaeŋ san bag tamol” igo dubol da.) An niŋen o ŋai Barnabas da iŋ banid won ak duwate dugo banid mabi a. Iŋ maŋ da nug tein taon igo woŋ diŋiliama ya, maŋ iŋ dida iloma kisaek go awama mutumanig igo mabol, maŋ uraru gob luluŋad lo bilaluŋ urat migane wa. Gug iŋ man Juda tamolpein luluŋad lo bilaluŋ urat digane wak ago dubol a.

Rom 3:2

Awo, iŋ Juda dilasa yan lo man iŋsad binawek wei mi a. Mel malan malan man igo ya, Anut iŋanen awan aban an kagin dupani uyan o banid lo igane ya.

Matyu 16:16

Agog Saimon Pita iŋsan ru naon irupei, “Oŋ Kristus, oŋ Anut ipiliano ama ya, oŋ Anut a kumaen imado dan Nanun mok a.”

Rom 9:26

Agod fon ru girek lo, “Anut tamolpein ta igo irupidai ‘aŋ ŋaisag tamolpein tia ya,’ ago gug aben kisaek nek atna mi fon irupidai ‘aŋ Anut kumaen imado damaiak nanun muroun a’ iŋ awan ago duloŋ a. Mitep mel an ago ilasa wa.”

Aposel 1:2

saen ibisawamag Anut giraŋen na yau an san ŋiŋeŋ itout a. Gamugo imat dugo Urgun san dabai lo aposel ipilianai an ru kagin irupidaig duloŋ a.

Jon 14:6

Jesus awan yabig ibol, “Ŋai mi dal, ŋai mi ru rumok san fun, agod ŋai mi kumaen san fun. Dal sen ta lo Bai san na au san tia ya. Nek ŋai lo mi a.

Matyu 18:18

“Ŋai ru rumok ŋurupaiaŋ da, aŋ mel ta tan na yak afutani tap, kumaen panu na dam itau a, agod mel ta tan en lo apasi tap, kumaen panu na dam ipasi panaŋ a.

Revelesen 7:2

Ago man ad ilasa san baŋen lo eŋel ta ilasag ipalu dugo ŋile ya. Iŋ banin lo tuod ta kiŋ san kob aman da yak yabi se ya, an lo mel kob igane san man, Anut a pempem kumaen imado dan iŋsan mi a. Eŋel iwoiwo yan gubak mi Anut dabai ipidinaig, an lo murnap iŋ tan beig da ka dupitiŋinai a. Aria, eŋel a imug ŋile yan awan tubun mi lo eŋel iwoiwo yan igiai a.

Hibru 12:22

Gug aŋ did Saion fo na apalu ya, Anut kumaen imado dan san panu Jerusalem o keit lak na yen dan lo apalu ya, agod aben an lo man eŋel malan tubun pempem yousai lo mi dumado da.

Hibru 3:12

An niŋen ŋai teig taog, kagin agane wa. Kabelan aŋ luluŋam lo ta iŋ buben ilo sou saian aman dap, ilon lo rumok tiap, Anut kumaen pempem san an patun ipani banau.

1 Timoti 6:16

Iŋsen mi ta imat na wa, lilaman a siŋiren na id tau san tia yan lo imado da, agod tamol ta iŋ ile man tia ya, ta iŋ ile san dam tia ya. Awo, yaŋak tubun ak iŋ tupanip, tuon dabai ak pempem san dam iŋ lo imado wa. Rumok

1 Timoti 4:10

Id Anut tinid tigane pani dan lo tau tisasau a. Iŋ man tamolpein fidian sad patun pasek a. Agod ensauta a ilod lo rumok nek an mi a. Kagin nek an niŋen o urat wagai mok tigane dan man fun nek a.

1 Timoti 3:16

Id mel en niŋen o ilod kisaek ak, idsad ilo rumok ilon lo mel tubun ak pasauman taloŋ san tia yak yen da: Iŋ tamol mok igo ilasag, Urgun iŋsen mi walal te tamol itaot ak ibol ilasag, eŋel adi dile duloŋ go, tan titin fidian lo dubol go yau, tan tilianek lo iŋ o ilod lo rumok go, Anut iŋaneg iŋ girager anda isida yau a.

1 Timoti 3:2

Midaeŋ gurman man iŋ tamol naok igo ya: aenta iŋ niŋen o ru dubol san tia ya, iŋ iwon kisaek mi wak, iŋ lukluk san tamol tia wak, iŋsan kankan milaen mi wak, iŋsan urat lo mel fidian ikubune wak, iŋ kagin panek san tamol, agod girek maŋau uyanan a.

Kolosi 1:5

Aŋanem ilo rumok san naon, Anut ikibine la ya, agog kumaen panu lo iganeg yen da. Aŋ naon an aŋane wo mala nouk amado da. Mala nouk an lo, aŋ tinim ilon lo aŋanem ilo rumok, agod tamolpein fidian niŋedi wo amat san kagin dilasag tubun a. Gubak mi ru rumok ak aŋsam na ipalug aloŋ a. Ru rumok en man bilaluŋ uyan ak a Anut san tamolpein dufulale da. Bilaluŋ uyan an lo, ru mel uyan uyan ak a aŋ o kumaen panu lo yen dan niŋen o aloŋ a.

Efesus 4:21

Aŋ dag Jesus niŋen o dupiteŋanaŋ dugo ru an kagin ta apani na ya. Taida mi, Jesus ilon lo mi ru rumok yen da. Aria, an rumok tap, ŋai gamu ŋurupaiaŋ da,

Galesia 3:1

O Galesia, bururau ami enti ŋiŋeo ipanaŋ ak i? Maŋ Jesus Kristus nek mukubiai panaŋ la ya. Aŋsem malam mok lo aigim fo iyuk dugo ale yak igo woŋ a. Enti iganeg aŋ ilom ibilisa yak i?

2 Korint 6:16

En dugo woŋ pe Anut san ubou ab iŋ ai pat sad mitilaedi da sisem ka dutumani wak i? Man dugo, id man Anut a kumaen imado dan san ubou ab. Anut sen igo ibol, “Ŋai iŋ dadi mumado wak, iŋ luluŋad lo ŋator a. Ŋai man iŋsad Anut, agod iŋ man ŋaisag tamolpein.”

Aposel 14:15

“Aŋ ata wo igo agane dak i? Maŋ dam tamol nek aŋ igo mi a. Maŋ bilaluŋ uyan ak ta Jesus niŋen o misini mupalu da. Maŋsama ru an aloŋ dop kagin sewak agane dan patum apanip, Anut kumaen imado dan mi ubou an ale wa. Iŋ keit, tan, beig igane ya. Agod melmel fidian tan fo na, agod beig ilon lo yan fidian idiri a.

Jon 6:69

Maŋ maloŋ uyan go iloma lo rumok ak, oŋ mi Anut anen Tamol Gun a.”

Jon 1:17

Man dugo, Anut id Moses banin lo kubiaeŋ ipanad a, gug ilo panek iŋ ru rumok da man, Jesus Kristus lo mi ipanad a.

Hibru 9:14

Kristus san dar sapta taida mip dabai ak i? Ur pempem san dabai lo, Kristus iŋsen iŋanen tinin a muruan aman tia yan dufuni imat pe mel mudan yai lo digane yak igo woŋ Anut ipani a. Kulob an lo iŋsen mi idsad ŋutud ibinawig ikok tilasa ya, an lo idsad ŋutud lo kagin a sad nuŋon a lo mateŋ tile dan ipasi yau a, an lo id Anut kumaen imado dak mi ubou an tile wa.

2 Timoti 2:20

Tamol tubun ak san ab ilon lo, bod naon sensen ak daeg dida dien da. Aenta siŋaokan geig a, gol silva da nam digane ya; gug aenta ta siŋaok adi na ya, tan katik agod ai lapan nam digane ya. Siŋaokan an tamolpein ate urat tubun ak digane wa. Aenta ta siŋaokan na yan man metmet disini san mi a.

1 Timoti 3:5

Man dugo, tamol a iŋanen samun iŋal pe itirnai uyanan an ta iloŋ na tap, iŋ Anut san midaeŋ dugo kagin ipani wak i?

2 Korint 6:7

ru rumok ak lo, Anut san dabai lo, kagin itaotan ibol wagai san mel banima won ak lo, ŋas ak lo dam, maŋ Anut san urat tamol mok an kuai tem mukubiaig dile se ya.

2 Korint 3:3

Aria, aŋanem kagin naok naok an tamolpein ikubiai dile ya, aŋ Kristus san girek igane ipalu yak igo ya. An gau nam igire yak igo tia ya, tia, an Anut a kumaen imado dan san Awan Urgun nam igire ya. Pat fo na ta igire na ya, tia, an aŋ ilom lo igire idu ya.

Jon 18:37

Ago tag Pailat irupei, “Dugo, oŋse oŋ kiŋ ta ago ubol di?” Jesus ru naon irupei, “Oŋse nek a ubol da. Ŋai kiŋ ta, ŋai tan en lo ru rumok ak ŋabol ilasa wo ŋupalu ya. An lo ta iŋ ru rumok san man, iŋ ŋaisag ru iloŋ dop ru an iganuri wa.”

1 Korint 3:16

Aŋ aŋanem tinim man Anut san tempel, agod iŋanen Ur ilom lo imado dan, aŋ ta aloŋ na yak i?

1 Korint 10:32

Gidad tamolpein ta iŋ Juda boi, tia, Juda tia boi, tia, Anut anen midaeŋ, oŋ mel ta ganep an lo iŋ luluŋad lo talpein kisaek ta yau idu na wa.

1 Timoti 3:14

Ŋai oŋsa na kitek an tap ŋupalu wo ilog isou dugo girek en ŋigire da.

2 Timoti 2:19

Ago bo man, Anut bag iguni an yau imul san tia ya. Agog fufo girek en igire ya, “Anut enti iŋsan an iloŋ siŋaokan a.” Agod fon, “Enti iŋ Tubun ak muroun ago ibol tap, kagin saiak saiak fidian patun ipani wa.”

Hibru 10:21

Agod id pris tubun malan te yak amad da ya, iŋ Anut anen tamolpein an fidian kagin ipidinai da.

1 Pita 4:17

Anut bitinaek igane san saen ipalu la ya. Agod fun iganeg, ilo rumok tamolpein adi malan malan ibitiniai da. Aria, id lo fun igane tap, tamolpein a Anut san bilaluŋ uyan ak ta diri na dan sad wadan an dugo woŋ ilasa wak i?