1 Pita 5:8 - Takia

⁸ Malam ipuk pe tawaŋ agane dop, sem ulum am abi uyanan a. Man dugo, aŋanem ager Satan ibol laion imatigen ak ibob dugo tamol ta yani itout o abaŋ isueg itor dak igo woŋ a.

1 Pita 5:8 Referans Kwoze

Efesus 6:11

Biouŋ a yu tigane san an fidian Anut id ipanad la ya. An mi aŋ tinim lo asisi isap Satan san rawek kagin fidian abiani dop wagai aganep atur sakar a.

Jems 4:7

Ago yak niŋen o Anut paen na au a. Ago dop Satan patum apani wa. Ago tap iŋ aŋ ibisawaŋ pe isol yau a.

Efesus 4:27

Agod aŋ dal ta Satan ilom iŋane wo ta apani na wa.

1 Pita 1:13

Ago yak niŋen o kabuŋam akubune uyanan pe urat niŋen o tawaŋ agane dop, sem ulum am abi uyanan dop, ilo panek san binawek a saen Jesus Kristus kuai isip aŋsam na ipalu wan mi tinim agane pani wa.

1 Pita 4:7

Mel fidian itout yau san saen sumeik ipanad da. Ago yak niŋen aŋ kabuŋam ipasti dop sem ulum am abi o uyanan a. Ago dop man ka agudani uyan a.

Luk 21:36

Ago yak niŋen o aŋ pempem nal an atitiani dop abaŋ ale wo uyanan a. Ago dop aŋ pempem Anut agudani dop lo, muruan a fidian dilasa wan niŋen o ka asol aup, Tamol Nanun naon na atur a.”

Luk 22:31

Agog Jesus Pita irupei, “O Saimon, Satan aŋ fidian ikibianaŋ ile wo Anut isumiani la ya, agod Anut awok ipani a. Satan ilon man nek ibol wit dufufarig lo dukubiani uyanan dak igo aŋ fidian naom ikubiani ile wo ibol.

Taitus 2:12

Iŋsan ilo panek an lo maŋau ipiteŋanad a, an lo kagin fidian a Anut kagin igo tia yan patud tupani da, agod tan san mala bulbal an fidian “tamoi ak” ago tabol a. Agod dam an iduduwad pe idsiŋaned ulum ad tabi uyan dop, idsad madok tan en lo tiganep itaot ilasa dop, Anut san kagin turi tupanip ago tator a.

Revelesen 12:12

Amaiak niŋen o aŋ kumaen panu adi, aŋ warou fidian mi kumaen panu na amado dan, uyasusai agane wa. Ak man aŋ a tan na agod beig lo amado dan, kagin agane wa. Muruan tubun ak aŋsam na ilasa wo da. Satan aŋsam na idu la ya. Iŋ ilon tubun mi imumari da, man dugo, iŋ iloŋ uyanan ak man, iŋanen saen katukan mi a.”

Jon 8:44

Aŋanem tamam Satan, aŋ iŋanen nanun muroun mok a. An lo aŋ ilom man, iŋanen ilobol mi aganuri wa. Fun mok lo ipalug gamu en, iŋanen kulob mok man, iŋ tamol ifu dumat na ya. Iŋ tinin lo ru rumok ta yen na ya, ago tag ru rumok ak ta yabig iri na da. Saen iŋ ru sewak ibol dan, iŋanen muroun ru ibol da. Man dugo, iŋ sewak tinan, agod iŋ sewak fidian an sad tamad mok imado da.

Matyu 13:39

Ager tamol enti ud ipae man Satan iŋsen, agod anaŋ tumanek san saen man, saen gamu lo tumadog ilag san wadan lo amaiak naon iŋane ya. Agod urat tamol enti anaŋ dutumani an man, eŋel adi naod iŋane ya.

Revelesen 12:9

An lo man Maikel iŋanen eŋel dida mot emaiak san dabai kumaen panu lo yan diganeg itout a. Mot en man, iŋ gubak mi yaŋan Uf Ru San Ur, yaŋan turan Satan dubol dak, ama ya. Iŋ tamolpein tan titin fidian lo yan irawai na ya. Aria, iŋ Satan diŋaneg, iŋanen eŋel adi dida sisem dubilai tan na dudu ya.

Matyu 24:42

Amaiak niŋen o malam ipuk pe amado wa. Aŋ ta aloŋ na dak, nal dugomaiak lo aŋanem Tubun ak ipalu wa.

Revelesen 20:10

Agog Satan gubak mi rawek igane se yan diabip, yai saltek a pat salfa ided dan ilon lo dibili idu wa. Ante man mel kasik ak iŋ profet sewak da gubak mi diabibol dudu la ya. Ago dop nuŋod utol an ad tidom pempem mi madai dam muruan dam disini wa.

Luk 21:34

“Ago yak niŋen o kagin agane! Tamol Nanun ipalu wak san nal ta aloŋ na ya. Ak niŋen o soubul san kankan tubun mi agane amoi. You sakar ak tubun mi aluk amoi. Agod tan en san mala bulbal lo mi amado amoi. Kabelan aŋaoŋ dop nal an idu kisaek oŋ banau.

Taitus 1:8

Tia, iŋ kagin uyan ak mi igane wo imat ak, tamol asau ipalu dop kagin ipani uyanan a. Iŋ tamol kankan uyanan anda wak, iŋ tamol itaot ak, iŋ tamol gun ak, agod iŋsen ulum an yabi dop sen tinin kagin ipani uyanan an iloŋ a.

2 Timoti 4:17

Gug, Tubun en iŋsen ŋai patug fo itur dugo dabai ipanag a. An lo ŋai awag lo iŋsan ru kuai te ŋabol ilasa pasik a, an lo gob adi fidian iŋanen ru ka duloŋ a. Agod iŋ ŋai patug ipasig mateŋ ta ŋile na ya.

Taitus 2:6

Nek ago mi tamol murna yak dam sed tinid kagin dupani uyan ak niŋen o ru kagin pidinai a.

Taitus 2:2

Tamol busumak rupidai duloŋ dop kagin uyan ak mi digane dop tamol mok oŋ dumado wa. Iŋsed ulum ad diabi uyan ak, iŋ ilod lo rumok pe itaot ak, ilo panek amad da dumado wak, agod dam muruan funfun lo dutur sakar a.

1 Timoti 2:15

Gug pein iŋ Jesus Kristus niŋen o ilon lo rumok nuŋon dop, nal fidian ilo panek lo, madok gun ak lo, agod kagin uyan ak lo imado tap, iŋsan nigiŋ lo Anut ibinawi wa.

Revelesen 20:2

Eŋel en tan na ilasa dugo mot tubun en yabi a. Mot en man wagam geig ak san, yaŋan Satan dubol da, yaŋan taidam Uf Ru San Ur ago dubol da. Aria, eŋel en yabig sein nam isubanig, subanek lo anaŋar 1,000 ago imado wa.

Taitus 2:4

Ago dop pein kubakan ŋied murna an dile dop iŋaned tamol niŋedi wo dumat ak, iŋaned nanuk dam niŋedi wo dumat a.

1 Timoti 3:11

Binawek pein adi iŋ dam pein nuŋon ak mi wa, agod uf ta digane na wa. Iŋsad kankan muruan aman tiap itaot mi wa, agod mel fidian lo rawek kagin ta digane na wa.

1 Timoti 2:9

Aria, ŋai igo ŋabol da, pein man biouŋ nuŋon mok ak mi didiri wa. Biouŋ mala sek san ta didiri na wa. Damag a se pitianoi san, kululoi, ariy, biouŋ naod lak tinan an fidian iŋaned ilo sou lo an mel tubun ak ago dubol a.

Matyu 4:1

Aria, Jon Jesus isugui itout man, Urgun iŋ Jesus iduduwig tan kawan ak lo yaup an lo Satan iŋ bitinaek lo igane wa.

1 Timoti 3:2

Midaeŋ gurman man iŋ tamol naok igo ya: aenta iŋ niŋen o ru dubol san tia ya, iŋ iwon kisaek mi wak, iŋ lukluk san tamol tia wak, iŋsan kankan milaen mi wak, iŋsan urat lo mel fidian ikubune wak, iŋ kagin panek san tamol, agod girek maŋau uyanan a.

Matyu 25:41

“Agop iŋ aenta tuon ŋas ak ate dumado dan igo irupidai, ‘Aŋ tamolpein Anut san misilanek am da ya, abisawag sen alasap, yai o ta imat na dan lo au a. Yai an man Satan iŋanen eŋel adi dida lo idiraip diau o Anut ikubune pidinai lag yen da.

Matyu 4:11

Ago ibol dugo Satan ibiseig yau a. Agog eŋel dudug kagin dupani a.

Mak 4:15

Tamolpein aenkadi man ai patun dal te yak ago ya. Ate Anut san ru dipae da. Saen ru an duloŋ ibol ak, Satan ipalup silei nam ru an ilod lo ipasi iŋane yau da.

2 Korint 2:11

Ago dop lo ŋai Satan naon dal ŋufou wa, kabelan iŋ dal ta kuai ipanip lo id irawad dop talpein an tipitiŋini banau. Man dugo, id iŋsan ilo sou saiak mianuk an taloŋ fufei a.

Revelesen 12:10

Agog kumaen panu lo tamol ta awan dabai geig igo iwagiŋ dugo ŋaloŋ a. “Gamu maŋsama Anut iŋsan patu pasek, agod iŋsan tuon dababai ak di kagin panek dam walal isi a, agod Kristus san dabai dam ilasag kuai te yen da. Man dugo, mot emaiak ad tidom Anut naon na itur dugo maŋ teim taom uf ru lo idirai na ya, ak gug gamu tan na dubilig idu ya.