1 Pita 4:6 - Takia

⁶ Nek fun amaiak niŋen o Kristus iŋ tamolpein dumat la yan sad na yaug bilaluŋ uyan ak san ru ifulale dugo duloŋ a. An lo gidad, iŋ tinidi tan en san lo tamol sad bitinaek dile ya, ago bo man iŋ ŋutud lo kumaen a Anut da yan, iŋ dam kumaen an lo ka dumado wa.

1 Pita 4:6 Referans Kwoze

Rom 8:2

Man dugo, id tamolpein Jesus Kristus da tumado den kubiaeŋ foun en paen na tumado da. Kubiaeŋ en man kumaen san Ur igane ya. Aria, kubiaeŋ en id aupasek mateŋ da sad kubiaeŋ lo isubanad an kuai fo idirad tilasa ya.

1 Pita 3:19

Ago dugo ŋutun yaug wagam san tamolpein a ŋutudi subanek lo dumado se yan naod na ru ifulale ya.

Galesia 5:25

Teig taog, id Awan Urgun lo tator tap man, iŋanen ilobol mi tiganuri wa.

Matyu 24:9

“Saen an lo gup aŋ diŋiliaŋ pe aŋanem ager sad tuod lo didiraŋ dop madai tubun kasik dupanaŋ a, agod dam dufunaŋ amat a. Tamolpein tan titin fidian lo dumado dan aŋ lo siai digane wa. En ata wo? Ŋai yaŋag man aŋsam na yen la ya.

Galesia 2:19

Man dugo, kubiaeŋ an ifunag ŋamat a, an lo na ŋai afon kubiaeŋ paen na ta ŋumado na wa. Tia, gamu kubiaeŋ an san ar patun fo ŋilasa yan niŋen o, ŋai Anut mi paen na ŋumado da.

Revelesen 14:18

Agog eŋel sen ta alta ibiseig kuai te ilasa ya. Iŋ man alta san yai itirni san dabai aman da ya. Iŋ awan dabai geig eŋel bubarek luon ak yabi dan iwagig ibol, “Oŋane bubarek ŋanep, wain patun abi a tan na yak lo yan tutep tumani wa. Man dugo, wain patun fidian duluboŋ la ya.”

1 Pita 1:12

Gug iŋ mel a diŋiŋeŋ ilasa dan sed ibinawai san o ta diŋiŋeŋ da, tia, aŋ o dubol ilasa dan Anut ikubiai pidinai a. Melmel an san ŋiŋeŋ an aloŋ la ya. Dugo woŋ ak i? Bilaluŋ tamol an Urgun kumaen panu na Anut igane idu yan san dabai lo iŋsan ru uyanan an dufulale aŋsam na ilasa ya. Eŋel adi dam maladi lo melmel an san fun dile wo dumat geig da.

1 Pita 3:18

Man dugo rumok, Kristus iŋsen saen kisaek o lian aupasek niŋen o mateŋ ile ya. Iŋ man tamol itaot ak igo woŋ aŋ tamolpein ta itaot na yan aŋsam abem iŋane ya, an lo aŋ iŋiliaŋ pe Anut san na au a. Tinin tan san en lo dufuni imat a, gug ŋutun lo Anut iganeg kumaen ilasa ya.