1 Pita 2:13 - Takia

¹³ Tubun en yaŋan o tan en san gurman fidian paed na amado. Rom san kiŋ iŋ malan te yak ago abol a, agod paen na amado wa.

1 Pita 2:13 Referans Kwoze

Taitus 3:1

Oŋ tamolpein kankan igo pidinai a. Iŋ gabman san tamol gurman agod tamol yaŋad anda yak sad awad paen na dumado wa. Iŋ awa yabek tamolpein ago mi dumado dop, kagin naok naok uyanan mi digane wan san tawaŋ diganep dumado wa.

Luk 20:25

Agog iŋ dubol, “Kaisa san.” An niŋen o irupidai, “Mago tap, mel a Kaisa san an Kaisa apani. Agod mel a Anut san an Anut apani.”

Mak 12:17

Ago tag Jesus ibol irupidai, “An niŋen o aŋ mel ta Kaisa san tap, Kaisa apani wa, agod mel ta Anut san tap, Anut apani wa.” Ru an duloŋ go durut saian geig a.

Matyu 22:21

Agog iŋ dubol, “Kaisa san.” An niŋen o irupidai, “Mel ta Kaisa san tap, Kaisa apani wa, agod mel ta Anut san tap, Anut apani wa.”

2 Pita 2:10

Luluŋad lo tamol a ilo masa san kagin diri dupanig lo sed nun ipidinai dugo, gurman awad paen na dumado wo dumoi na ya, tamol naok ago yak Tubun en niŋedi wo tubun geig imoi a. Tamol naok ago yak silei tinadi agod kabuŋadi dababai a. Iŋ eŋel adi kumaen panu lo dumado dan dumisilanai o ta direr na da.

Efesus 5:21

Aŋ anen anen nug awan paen na amado wa. Aŋ kagin ago agane san fun man, Kristus yaŋan lak na mok asini wo ago ilom yen a.

1 Pita 2:17

Tamolpein fidian yaŋad asini wak, teim taom Kris adi niŋedi wo dam amat a. Anut niŋen o arer dop, Rom san kiŋ dam yaŋan abisa wa.