1 Pita 1:22 - Takia

²² Aŋ ru rumok ari apani na yan lo aŋ gamu ŋutumi adiraig gun dilasag, an lo aŋanem Kris teim taom niŋedi wo amat dan, an mi nuŋon a. Amaiak niŋen o aŋ ilom ŋutum rumok amam da nug niŋen o amat a.

1 Pita 1:22 Referans Kwoze

1 Timoti 1:5

Kubiaeŋ ru an san fun man aŋ ilom imasap ilo panek aŋ lo ilasap yen a. Ilo panek a bube ikok lo, ilo sou muruan an tia yan lo, agod ilo rumok nuŋon ak lo ilasa dan niŋen o ŋabol da.

Hibru 13:1

Aŋ kisaek kisaek pempem teim taom igo woŋ nug niŋen o amat a.

1 Jon 4:12

Tamol ta iŋ Anut ile man tia ya. Gug id nug niŋen o tamat tap, Anut id da tumado wa, an lo dop iŋsan ilo panek id lo yan italbusip nuŋon ifu wa.

1 Jon 4:7

O turag muroug, id nug niŋen o pempem tamat a, man dugo, Anut iŋsan bunun man ilo panek san fun mok a. Talpein a ilo panek aman da yan, iŋ Anut lo foun ilasa ya, agod iŋ Anut iloŋ da.

1 Pita 3:8

Ŋaineg ru kagin wadan igo ya. Aŋ fidian kankan kisaek, agod nug ilon imuŋani wa. Nug tein taon igo woŋ nug niŋen o amat a. Nug niŋen o bubem apasi wak, sem ibiaŋ adu dop aenta diriŋanaŋ ak ago ilom isou wa.

Jems 4:8

Anut siŋiren na au dop iŋ aŋ siŋirem na ipalu wa. Aŋ aupasek tinami, banim afulani. Aŋ bubem raru raru amami, bubem akubune pasik pe ikok yen a.

1 Jon 3:23

En man iŋsan ru kubiaeŋ, id iŋ Nanun Jesus Kristus iŋsan yaŋan lo ilod lo rumok a, agod nug niŋen o tamat a, nek ibol ru kubiaeŋ ipanad ago mi tigane wa.

2 Tesalonaika 1:3

Ŋai teig taog, maŋ pempem aŋ niŋemi wo Anut ilo uyan mupani da. Ago migane dan man uyan a, man dugo, aŋsam ilo rumok Anut lo man tubun mok ilasa da. Agog nug niŋen o amat dan dam tubun geig ilasa oŋ da.

1 Tesalonaika 3:12

Tubud en ilo muŋanek san kagin anua geig ak iganep, aŋsam na isuda wa. Ago dop aŋ ka nug niŋen o amat dop teim taomi ilom apidinai ak, tamol fidian dam mi, nek ibol maŋ iloma mupanaŋ dak ago mi a.

1 Jon 4:20

Talpein ta igo ibol, “Ŋai Anut niŋen o ŋamat da,” gug turan ta ile saian tap, iŋ sewak tamol. Man dugo, iŋ turan a ile yan niŋen o ta imat na tap, iŋ Anut a ta ile na dan niŋen o imat san tia geig a.

1 Pita 2:17

Tamolpein fidian yaŋad asini wak, teim taom Kris adi niŋedi wo dam amat a. Anut niŋen o arer dop, Rom san kiŋ dam yaŋan abisa wa.

Aposel 15:9

Id Juda, agod a Juda tia yan iŋ malan lo id sensen man tia ya. Iŋ o ilod rumok an lo bubed ifulanaig ikok dilasag nek id ago mi a.

1 Jon 3:11

Ru en gubak mi mok go ipalu yan aloŋ a, id nug niŋen o tamat a.

2 Pita 1:7

Agod tinin te Anut san kagin ari san an, turam muroum ilom apidinai san kagin da abate wa. Agod wadan man turam muroum ilom apidinai san kagin an, aenta niŋedi wo tubun mi amat dan san kagin da abate wa.

Filipai 1:9

Agod ŋai igo ŋugudani da, aŋ aŋsem nug ilon apanip an lo dop aŋanem ilo panek isudap tubun a. An lo dop aŋ aŋanem maŋau lo, agod aŋanem ilo tarpasek lo dam, amug alasap mel an uraru mi ilom lo awan isa wa.

Efesus 4:3

Aŋanem ilo kisaek Awan Urgun lo yan, maror nek a ituanaŋ iso yan lo mi maeg aganep kagin apani wa.

Galesia 5:5

Ak man id a Urgun lo tator dan, id itaot ad tilasa wo ilod yen da. Agod Kristus lo ilod rumok an lo, id itaot ad tilasa san an niŋen o mala nouk tumado dan, nuŋon tile wa.

Revelesen 2:4

Ak gug ŋai aŋ niŋemi wo ru igo yak amag da ya, saen aŋ imug ilom rumok an lo aŋ ŋai o tubun mi amat se ya, ak gug gamu saen en lo man ŋai o tubun mi ta amat na da.

1 Pita 4:17

Anut bitinaek igane san saen ipalu la ya. Agod fun iganeg, ilo rumok tamolpein adi malan malan ibitiniai da. Aria, id lo fun igane tap, tamolpein a Anut san bilaluŋ uyan ak ta diri na dan sad wadan an dugo woŋ ilasa wak i?

1 Pita 4:8

Mel malan te man ilom ŋutumi fidian nug niŋen o amat a. Man dugo, nug niŋen o amat dan san kagin aupasek wei mi imianai idu ya.

Hibru 11:8

Ilo rumok lo mi, Abraham Anut san wagiŋ iloŋ go iŋanen panu ibiseig tan foun an san muroun ilasap imado wan ate Anut ikubiai panig yau a. Iŋ gidad tan an ta iloŋ na yak gug Anut awan irig ate yau a.

Hibru 9:14

Kristus san dar sapta taida mip dabai ak i? Ur pempem san dabai lo, Kristus iŋsen iŋanen tinin a muruan aman tia yan dufuni imat pe mel mudan yai lo digane yak igo woŋ Anut ipani a. Kulob an lo iŋsen mi idsad ŋutud ibinawig ikok tilasa ya, an lo idsad ŋutud lo kagin a sad nuŋon a lo mateŋ tile dan ipasi yau a, an lo id Anut kumaen imado dak mi ubou an tile wa.

Hibru 6:10

Man dugo, Anut iŋ kagin itaot tia lo, aŋanem urat agod aŋanem ilo panek, saen iŋ yaŋan lo aŋ gun adi kagin apidinai se yan, aŋ akubiai apidinai dan ile pilti san tia wa. Kagin uyanan an aŋ gamu nek ago mi agane da.

2 Korint 6:6

kagin ikokan lo, maŋau lo, mos kagin lo, ilo muŋanek lo, Awan Urgun lo, ilo panek mok ak lo,

Jon 15:17

Ŋaisag kubiaeŋ ŋurupaiaŋ duman nek en, aŋ nug niŋen o amat mok a.

1 Pita 3:1

Nek imug bigabeg iŋaned gurman paed na dumado se ago mi, aŋ pein dam iwom paed na amado wa. Aria, dal an lo aenkadi Anut san ru ta duri na tap, iwodi sad kagin naok naok an dile dop ate ilod diŋane dop ilod dibileksa wa. An man ilo ŋanek san ru ta pein awad lo ta ilasa na ya.

Hibru 5:9

Agod saen iŋ awa yabek kagin a lo itaot mok ilasa yan, iŋ tamolpein ensauta awan kagin dupani dan niŋedi wo patun pasek pempem san fun mok ilasa ya.

2 Timoti 1:14

Awan Urgun id ilod lo imado dan san dabai lo, mel a oŋ ilo lo igane yan kagin pani uyanan a.

1 Timoti 5:2

Agod pein busumadi man oŋ tina igo woŋ a. Agod pein baras adi man kagin uyan ak fidian lo mi lu murou igo woŋ kaginad gane wa.

1 Timoti 4:12

Oŋ pinein damag ak niŋen o, oŋ talpein ta ule funi dop ta ibio udu na wa. Tia, ru lo, oŋsa tureŋ lo, ilo panek lo, ilo rumok lo, agod kagin ikok ak lo dam oŋ iŋaned tinanou igo woŋ mado wa.

1 Timoti 1:3

Saen ŋai Masedonia na ŋau o ilog yen an, ŋai oŋ ŋurupaiog Efesus na mado wo ilog yan a. Man dugo, tamolpein aenta piteŋanek sewak digane dan ru dabai nam padau dop dumoi a.

2 Tesalonaika 2:13

Teim taoma, maŋ nal fidian aŋ e Anut ilon ipanaŋ den niŋemi wo iŋ ilo uyan mupani man uyanan a. Man dugo, fun lo mok Anut ipilianaŋ a, ago tag Awan Urgun idiraŋ go gun alasa dan lo, agod ru rumok a ilom lo rumok dan lo dam, patu pasek ale wa.

Galesia 3:1

O Galesia, bururau ami enti ŋiŋeo ipanaŋ ak i? Maŋ Jesus Kristus nek mukubiai panaŋ la ya. Aŋsem malam mok lo aigim fo iyuk dugo ale yak igo woŋ a. Enti iganeg aŋ ilom ibilisa yak i?

Galesia 5:7

Teig taog, aŋ imug mi man amaspalu uyanan se ya. Enti naom ifutanig, an lo gamu aŋ fon ru rumok an ta ari na di?

Rom 8:13

Man dugo, oŋ bunu wagam ak san kagin lo mado tap man, oŋ umat a. Ak man Ur san dabai lo oŋ bunu wagam ak san kagin funi imat tap, oŋ kumaen mado wa.

Rom 2:8

Gug tamolpein aenta man, iŋsed titired dufuni dugo iŋsed uyan dumado wo digane da, ago dugo ru rumok an dumoi dugo kagin saiak saiak mi duri da. Anut tamolpein naok ago yan niŋedi wo tiŋaen saian geig dop, ibitiniaip iŋsan ilo mumarek tinid fo iwali idu wa.

Rom 1:5

Iŋ lo mi Anut maŋ ilon imuŋanama ya, agod maŋ yaŋak aposel an ipanama ya. Maŋ urat migane yan lo, tamolpein Juda tia yak fidian luluŋad lo tamolpein aenta migiaip, an lo Jesus niŋen o ilod rumok pe iŋanen awan paen na dumado wa. Maŋ ago migane wo ipilianama ya.

Jon 17:17

Oŋsa ru mi ru rumok. Oŋsa ru lo diraip gun dilasa.

Jon 15:3

Ago gug ru ŋai ŋurupaiaŋ la yan lo aŋ ipargalaŋ go aŋ ikok alasa ya.

Aposel 6:7

Agog Anut san ru ifurak go, tamolpein wei mi duloŋ a. Jerusalem na ilo rumok adi dilasag wei kasik a. Agog pris adi wei mi dam ilod lo rumok go, ilo rumok san dal duri dupani a.

Jon 17:19

Ŋai iŋ ŋibinawai o seg tinig ŋipiranig, an lo gun ŋumado dop oŋane ilobol mi ŋiri wa. Agop iŋ dam gun dilasap, sed tinid dipirani dop oŋane ilobol diri mok a.

Jems 1:21

Ago yak niŋen o aŋsam kagin saiak saiak fidian, aŋsam aupasek san naok naok fidian abiau dop sem ibiaŋ adup Anut san ru a bubem lo yen den ilom isoup ari wa, man dugo, ru an iŋ dabai anda, an lo murnap mateŋ san saen lo ŋutum ka ibinawi wa.

1 Pita 1:2

Bai Anut gubak mi aŋ gamugo alasa yan san saen lo iliaŋ iloŋ go ipilianaŋ an lo Awan Urgun iŋsan urat lo aŋ iŋanen tamolpein gun ak alasa ya. Agog aŋ iŋanen tamolpein awa bek san ago mi amado ator a, agod Jesus Kristus iŋanen dar ikulmaek an lo aŋsam aupasek isuas panaŋ a. Anut iŋsan ilo panek, agod iŋsan ilo maror ipanaŋ pe ilom lo italbusip tubun ilasa wan o ŋugudani da.

1 Pita 3:20

Tamolpein an wagam Anut awan diparsisali se ya. An Noa san saen lo Anut ka yil fu oŋ dugo yaug Noa wog tubun ak ifoug urat itout a. Nal an lo tamolpein wei tia, 8 mi, wog an ilon lo iŋal go, lom tubun ak san you lo patud ipasi a.