1 Korint 9:2 - Takia

² Aŋ aloŋ uyanan ak, mel an fidian rumok a. Gidad tamolpein sen ak sad ilo sou lo ŋai aposel tia ago dubol da, aŋ man ago abol san tia geig a. Man dugo, Tubun ak ipilianag go ŋai aposel ta ŋilasag ŋumado yan san kob man, nek aŋsem mi a.

1 Korint 9:2 Referans Kwoze

2 Korint 12:12

Ata mel ŋai aŋ luluŋam lo ŋumado dugo ŋigane na yan, iŋ itaot ŋai aposel rumok an ikubiai ale ya. Ŋai muruan fidian lo ŋatur sakar dugo ŋaisag urat an lo kulob girager funfun, urat dabai dabai ak aŋ luluŋam lo ŋigane ilasa na ya. An mi ŋai Anut san urat mok ŋigane dan ibol ilasa ya.

Jon 6:27

Aŋ anaŋ a saen katukan lo mi saian dan aŋane san urat an ta agane na wa. Tia. Aŋ anaŋ a kumaen ipanaŋ pe pempem yau san an mi aŋane wo urat wagai agane. Anaŋ an Tamol Nanun ipanaŋ a. Anut tamol emaiak ilon ipani dugo, kob igo tinin lo iganeg yen da.”

Jon 3:33

Gug talpein enti ru an iŋaneg yabi sakar dan, kulob an lo ikubiai tile yak iŋsan ilo rumok igo ya, “Anut san ru an ru rumok.”

1 Korint 9:3

Tamolpein a ŋai bitinaek lo diginiag o ilod ibol dan, gamu ru naon igo lo seg itargiranag san ŋurupidai da.