1 Korint 7:15 - Takia

¹⁵ Ak man oŋane iwo ilon lo rumok tia yan ibisawo tap, gidad ulefunip iŋ ka yau a. Saen kagin naok ago ilasa dan man, oŋ tamol oŋ pein ilo rumok a da yan ta isubano na da. Man dugo, Anut aŋ maror lo mi amado wo igiaŋ a.

1 Korint 7:15 Referans Kwoze

Rom 14:19

Amaiak niŋen o, id maror san kagin tigane ilasap, agod id nug dabai tupanip, kagin an mi turip tator a.

2 Korint 13:11

Teig taog, gamu ŋai ru wadan ŋufutani dugo ilo uyan ru ŋurupaiaŋ da. Aŋanem kagin naok naok akubune wa. Aŋ ŋaisag ru kagin aloŋ uyan a. Aŋ ilom atumanip bubem kisaek amado, maror lo amado wa. Ago dop Anut a iŋ ilo panek san, maror san dam, iŋ aŋ da amado wa.

1 Korint 14:33

Man dugo, Anut man iŋ suŋuŋek san Anut tia ya, tia, iŋ maror san mi a.

Rom 12:18

Dal yen tap, oŋ tamolpein fidian dadi ilo maror lo mi amado wa. Iŋ oŋ o ager dumado yau tap, gidad mel an iŋsad mi a.

Matyu 12:50

Man ata wo, tamolpein ensauta a iŋ ŋai Tamag kumaen panu lo yan ilon duri dupani dan, nek an mi ŋaisag teig, lug di tinag muroug a.”

Hibru 12:14

Aŋ tamolpein fidian dadi ilom kisaek san maror lo mi amado ator, an niŋen o dabai agane wa. Agod gun alasa wo an dam yaes ifunaŋ a. Talpein enti ago ta igane na tap, Tubun en ile san tia wa.

Galesia 5:22

Ak man Awan Urgun san nuŋon man, ilo panek, yousai, maror, mos ganek, ilo muŋanek, kagin uyanan ak gane dak, oŋane ru ganuri dak,

Jems 2:15

Isop tei murou boi, lu murou boi, iŋ tinid san biouŋ, tia, agod anaŋ diani san dam tia tap man,

Luk 9:39

Ur saian ta pempem yabi dop isasai da. Iganep bururau ifuni dop subulbal awan lo ilasa da. Nek ago mi pempem madai ipani dugo, daoŋ dam ipani da.