1 Korint 6:18 - Takia

¹⁸ Fun an niŋen o jeit kagin amoip asol au a. Ata wo? Aupasek naok aenta fidian a talpein igane dan man talpein an tinin patun fo dien da, an lo aupasek an iŋanen tinin ta isue na da. Ak man iŋ a jeit igane dan iŋanen tinin malan isue da.

1 Korint 6:18 Referans Kwoze

1 Pita 2:11

O turag muroug, aŋ man ibol tamolpein panu sen ak san apalug tan en lo tamol gol ak oŋ amado da. Amaiak niŋen o, ŋai ŋususuŋanaŋ pe tinim san ilo masa ari apani wo amoi a. Man dugo, kagin saiak an ŋutum san ager imado da.

1 Tesalonaika 4:3

Anut san ilon man igo ya, iŋ iginiaŋ pe gun amado wak, aŋ jeit kagin patum apani wak,

Kolosi 3:5

An niŋen o tan en san kulob saian saian agane dan asare. Aŋ jeit kagin ta agane na wak, ilo isou saian saian dam ta agane na wa. Aŋ pein niŋedi wo malam ta isi na wak, aŋ ilom tinim imasap ilo sou saian saian ta agane na wa. Agod ilo sek kagin ta gane na wa, man dugo, Anut malan lo kagin an man nek ibol aŋ tubud sewak adi ubou ad ale dak igo woŋ a.

2 Timoti 2:22

Amaiak niŋen o pinein damag ak sad ilo masa yan fidian patu pani wa. En man oŋane kob nao na yen da: kagin itaot, ilo rumok, ilo panek, agod maror mi uri wa. Oŋ Kris aenta a ilod ikok dop lo Anut dugudani dan, dida atumani dop, aŋ sisem kagin an mi ari wa.

Hibru 13:4

Nug iwon ŋanek luluŋam lo man gun ilasa wa, nug iwon ŋanek san badim an nun aman tia wa. Man dugo, Anut jeit adi iŋ talpein a nug iwon ŋanek malan dusue dam bitinaek lo idirai a.

Efesus 5:3

Aria, aŋ jeit kagin lo, kagin nun anda yak fidian an lo dam aladu amoi. Agod aenta sad melmel niŋedi wo malam isi amoi. Aupasek naok ago yak man Anut san tamolpein luluŋad lo yen san man aben tia ya.

1 Korint 6:9

Tamolpein kagin sisaiak digane dan Anut san kagin panek aben lo diladu san tia ya, an ta aloŋ na yak i? Mel en niŋen o aŋ sem ta irawaŋ na wa. Tamolpein naok igo man kumaen panu diŋane san tia ya: tamolpein jeit digane dan, tubud aenta ubou ad dile dan, a talpein sen ak iwon ida dien dan, tamol iŋ tamol mi nug iwon oŋ digane dan,

2 Korint 12:21

Saen ŋai aŋsam na ŋupalu dop Anut ŋai aŋ naom na miai ipanag an niŋen ilog irer da. Kabelan tamolpein a gubak mi au dupas gug ilod ta dibileksa na yan, kagin saiak saiak lo, jeit kagin lo, kagin nun aman da yak lo, ditor yau na yan niŋen patud ta dupani banau. Ŋai kagin naok ago yak ŋile tap man, ŋai miai ifunag dop tinaŋ ŋigane wa.

1 Tesalonaika 4:5

Aŋ nek ibol gob adi bubed gidigidad imasa dop jeit digane wo ilod irae dak ago ta agane na wa. Tamolpein an Anut ta duloŋ na ya.

Rom 1:24

Fun an niŋen o Anut yabianai a. Ago man tamolpein an nun kagin funfun a digane wo bubedi tubun mi imasa se yan, nek ago mi digane na ya. Iŋ ilod imasag jeit digane dugo nug tinin lo kagin miai ak digane se ya.

Galesia 5:19

Aria, kagin naok naok a tinik san ilobol lo dilasa yan kuai isi a. Jeit kagin, kagin ikokan tia yak, kagin funfun nun anda yak,