1 Korint 4:12 - Takia

¹² Maŋsema banima nam urat wagai migane da. Saen tamolpein dumisilanama dan, maŋ bar uyan ak mi mupidinai se ya. Saen muruan dupanama dan, muruan an misinip matur sakar se ya.

1 Korint 4:12 Referans Kwoze

1 Pita 3:9

Ta diginiaŋ saian tap, naon dam ta aginiai saian na wa. Ru saian nam dupaiaŋ tap, naon dam ta amisilanai na wa. Tia, an naon Anut bar uyan ak ipidinai o agudani wa. Man dugo, Anut ago wo aŋ igiaŋ a. Agop an lo, bar uyan ak ka ipanaŋ a.

Matyu 5:11

“Tamolpein aŋ naom dufute wak, muruan dupanaŋ ak, agod aŋ niŋemi wo ru saiak saiak lo sewak digane wa. Man dugo, aŋ ŋaisag tamolpein ago yan niŋen o ago digane tap man, aŋ bar aŋaneg amado da.

Rom 12:14

Saen tamolpein dufunop muruan dupano wo dukudo tap, oŋ Anut naon muruan ipidinai o ta sumiani na wa, tia, iŋ bar uyan ak ipidinai o mi sumiani wa.

Rom 12:20

Ak gug, “Oŋsa ager an imatigen tap, anaŋ panip yani wa. Iŋ you o imat tap, you panip iluk a. Kagin amaiak lo man nek ibol oŋ yai midiger gumuran fo kulmaek igo woŋ gane da.”

Aposel 18:3

Pol man ab sel ak san niganag tamol. Akwila iwon Prisila dam iŋ da urat kisaek a. Fun an lo Pol iŋ dida dumado dugo sisem ab sel diweig didaeŋ lo didiri dugo moni diŋane se ya.

Luk 6:28

Ta imisilanaŋ tap, bar uyan ak mi apani wa. Ta naom ifute tap, iŋ niŋen o Anut agudani wa.

1 Pita 3:14

Gug kagin itaot ak agane san o madai asini dan an rumok tap, gidad, aŋ man bar ŋanek tamolpein mok a. A muruan dupanaŋ dan niŋedi wo ta arer dop ilom ta muruan na wa.

1 Pita 2:23

Saen tamolpein iŋ dimisilani se man iŋ ru naon ta ipidai na ya. Saen iŋ madai dupani an iŋ naon igane wo ta ibol na ya. Tia, iŋsen Tamol a san bitinaek itaot mok an banin lo igane ya.

Luk 23:34

Agog Jesus ibol, “Bai, iŋsad aupasek en pare idu, man dugo, mel e digane den diŋaoŋ ak lo digane da.” Agog iŋsan kulos duburoug, sed nug lo duwaeg lo satu dukok a.

Matyu 5:44

Ak man ŋai igo ŋurupaiaŋ da, aŋanem ager adi dam bubem apidinai a. Agod ensauta a muruan dupanaŋ dan niŋedi wo Anut san na agudani wa.

Aposel 7:60

Agog yau idug fon igudanig igo iwagiŋ, “Tubun en, iŋaned aupasek en san pani naon aŋ lo fuli san man umoi.” Ago ibol go imat a.

Jon 15:20

Aŋ gidad ŋaisag ru imug ŋurupaiaŋ en ilom isou, urat pinein ta iŋanen tamol tubun ak ta iriŋani na wa. Iŋ ŋai diginiag saian tap, nek ago mi aŋ lo dam ago digane wa. Ak dugo, iŋ ŋaisag piteŋanek diri ak i? Tia geig a. Nek ago mi, piteŋanek a aŋ apidinai an dam ta diri na wa.

Jud 1:9

Ak gug saen eŋel gurman Maikel iŋ Satan da nug dupei, enti Moses san sisanun iŋane wa, iŋ se pitianoi kagin lo sen yabisa o irer an lo iŋsen ilon nam misilanek ru lo ta yabi idu na ya, tia, iŋ igo ibol, “Tubun en iŋsen imisilano wa, ŋai man tia ya.”

1 Timoti 4:10

Id Anut tinid tigane pani dan lo tau tisasau a. Iŋ man tamolpein fidian sad patun pasek a. Agod ensauta a ilod lo rumok nek an mi a. Kagin nek an niŋen o urat wagai mok tigane dan man fun nek a.

2 Tesalonaika 3:8

Maŋ aenta sad anaŋ mani se yan, pempem madad na ya. Rumok geig, maŋ nal fidian tidom ad urat migane da. Fun dugo, maŋ tamolpein aenta aŋ luluŋam lo dumado dan maŋ kagin dupanama se yan lo muruan mupidinai man mamoi a.

1 Tesalonaika 2:9

Teig muroug, saen maŋ Anut san bilaluŋ uyan ak aŋ luluŋam lo mufulale se man, maŋ urat dabai mok migane yan aŋ ilom isou. Tidom ad urat migane se yan lo maŋ muruan ta kisaek mupanaŋ man tia ya. Man dugo, tamol ta maŋ kagin ipanama san urat mupani san niŋen o iloma ta ibol na ya.

1 Korint 9:6

Tia dugo, ŋai Banabas da, nek ibol aposel aenta igo woŋ tia ya, maŋsema mi banima nam urat migane wak ago abol di?

Aposel 20:34

Aŋ fidian aloŋ ak, ŋaiseg banig en nam urat ŋigane dugo, mel lo ŋai turag dida katuk amama yak sema ibunawama se ya.

1 Pita 4:19

Amaiak niŋen o, ensauta iŋ Anut san ilo ibol lo madai dile dan, sed idiraip Anut banin lo diau dop urat uyan ak mi digane yau a.

Rom 8:35

Enti Kristus iŋanen ilo panek lo ibiatad ak i? Ata mel Kristus san ilo panek an lo ka ipasad ak i? Muruan boi, tia, ilo madai lo boi, kudi dak lo boi, kadag lo boi, nuŋon kawan imado dak lo boi, saian sumeik ipani dan lo agod sabiri lo boi i? Tia ya.

2 Korint 11:8

Ŋai dam midaeŋ aenta sad moni ŋagam a. Dal dugo ŋagam ak i? Saeŋ ŋai aŋ luluŋam lo ŋumado man, midaeŋ aenta sad silali naon ŋiŋane se ya. Ŋai kagin an lo gumagam urat ŋigane se ya. An igo ya, ŋai midaeŋ aenta iŋsad moni digane ipalug ŋiŋane yan lo ŋai aŋ ŋibinawaŋ a.

Efesus 4:28

Ta iŋ gumagam tamol man fon ta igam na wa, tia, iŋ urat igane wa. Iŋ urat uyan ak mi banin lo igane dop, an lo tamolpein a melmel lo katuk ad go dumado dan binawek ka ipidinai a.