1 Korint 3:23 - Takia

²³ An lo aŋsem man Kristus san, agod Kristus dam Anut san.

1 Korint 3:23 Referans Kwoze

Galesia 3:29

Amaiak niŋen o aŋ Kristus san tap, aŋ dam Abraham san malan kubulan mok a. An niŋen o aŋ Abraham san malan kubulan tap, Anut san promis ru a Abraham ipani an dam aŋsam mi a, ago dop iŋanen bar aŋ dam aŋane mok a.

1 Korint 15:23

Ak man id anen anen atem idsad saen lo mi a. Kristus sen malmalan imasa la ya, agog iŋ patun fo, saen afon tan en lo imul ipalu dan, tamolpein a iŋsan an fidian fon kumaed dumasa da wa.

1 Korint 11:3

Ŋai ilog ibol dak mel en aloŋ uyanan a. Tamol fidian sad gurman man Kristus, pein san gurman man iŋanen tamol, agod Kristus san gurman man Anut.

Jon 17:18

Nek ibol oŋ ŋai dinag go tan en lo ŋilasa yan ago mi, ŋai dam iŋ ŋidiraig tan en san tamolpein luluŋad lo diau a.

2 Korint 10:7

Aŋ mel nek a kuai te yan mi ale da. Tamol ta aŋ luluŋam lo iŋ Kristus san tamol mok ibol tap, mel en niŋen fon ilon isou uyan a. Iŋ Kristus san ibol tap man, maŋ dam nek iŋ ibol ago mi a.

Rom 14:8

Tia, id kumaen tumado tap, Anut o kumaen tumado wa. Agod id tamat tap, Anut o dam tamat a. Amaiak niŋen o, id kumaen tumado boi, tia tamat boi, id Anut san mi a.

Jon 17:21

Ŋai ilog man, iŋ fidian ilod kisaek mi dumado wa. Oŋ ŋai lo mado dak, agod ŋai dam oŋ lo ŋumado da, nek ago mi iŋ dam id da sisem tumado wo ŋugudano da. Ago tap, tamolpein tan en san oŋ ŋai dinag go ŋupalu yan ilod lo rumok a.

Galesia 5:24

Agod tamolpein a Jesus Kristus san amaiak iŋsad kagin wagam ak fidian aigim fufo dubalig, an lo tinik san ilobol agod tinik san ilo masa an da sisem dumat a.

1 Korint 8:6

Ak man gidad, id Kris adi taloŋ man, Anut mok imado dan iŋ kisaek o lian a. Iŋ mi id Tamad, iŋ mi mel fidian idiri a, agod id ilo uyan tupani wo kumaed dumado da. Taida mi, idsad Tubun ak kisaek mi a, an man Jesus Kristus. Iŋanen tuon lo mel fidian dilasag dumado da, iŋanen dabai lo dam id tumado yau da.

1 Korint 7:22

Man dugo, tamol a bigabeg urat iganeg imado dugo Tubun ak iwagi an man, iŋ Tubun en san tamol kawan igo imado itor da. Nek ago mi, tamol a kawan imado itor dugo Kristus iwagi an man, iŋ Kristus san tamol bigabeg urat igane san a.

Efesus 1:10

Iŋsan ilo sou igo ya, iŋ mel fidian un ad yabip yau gup, nal a kob ipani antep, mel an fidian Kristus lo mi itumani wa. Melmel lak na, agod tan na dam, Kristus paen na mi dien a, agod iŋ mel an fidian sad tamad imado wa.

Matyu 17:5

Saen iŋiŋeŋ se man timtaen ta ided dak ipalug, ibuluwai dugo, ŋiŋeŋ ta timtaen an ilon lo yak ibol, “En man ŋaineg Nanug mok, ŋaineg bubeg mok, iŋ niŋen o ŋai ilog tubun mi uyanan da. Awan aloŋ!”

1 Korint 15:28

Tia, saen Anut mel fidian Kristus paen na idiri itout gup man Kristus sen Taman Anut paen na imado wa. Saen an lo Anut iŋsen mi malan te geig a, iŋ mi mel fidian sad tamad imado wa.