1 Jon 5:6 - Takia

⁶ Tamol e niŋen o tiŋiŋeŋ den, Jesus Kristus, you san dal, agod dar san dal dam lo ipalu ya. Fulanek lo mi ta ipalu na ya, tia, iŋsan mateŋ san dar lo dam ipalu ya. Agod Urgun sen ru an kuai tem igane ya. Man dugo, mel e uraru en, Urgun iŋ ru rumok ak da, man sisem naod kisaek a.

1 Jon 5:6 Referans Kwoze

Hibru 9:14

Kristus san dar sapta taida mip dabai ak i? Ur pempem san dabai lo, Kristus iŋsen iŋanen tinin a muruan aman tia yan dufuni imat pe mel mudan yai lo digane yak igo woŋ Anut ipani a. Kulob an lo iŋsen mi idsad ŋutud ibinawig ikok tilasa ya, an lo idsad ŋutud lo kagin a sad nuŋon a lo mateŋ tile dan ipasi yau a, an lo id Anut kumaen imado dak mi ubou an tile wa.

Jon 15:26

“Gug ŋai Binawek Tamol ŋiganep idu wa. Iŋ Awan Urgun, ago dugo iŋ dam ru rumok ak san fun. Iŋ Bai san na ilasap, aŋsam na ipalu wa. Agop iŋ ŋai fug kuai te ibol dop aloŋ a.

Jon 16:13

Gug murnap Urgun ru rumok ak san ipalu dop man, kagin rumok ak mi fidian ikubiai panaŋ a. Iŋ sen ilon nam ru ta ibol na wa. Tia, Anut ibol go iloŋ an mi irupaiaŋ pe aloŋ a. Mel murnap ilasa san dam ibol ilasa dop aloŋ a.

Hibru 12:24

Aŋ dam Jesus san na apalu ya. Iŋsen amaiak kontrak foun ak san titiŋae tamol igo ya. Abel san dar iŋ naon panek o Anut iwagiŋ a, ak man Jesus san dar a dufurfi an lo Anut san ilo panek o iwagiŋ da, nek dar amaiak lo iŋsan na apalu ya.

Mak 14:24

Agog iŋ irupidaig ibol, “En man kontrak san dar, tamolpein wei mi sad aupasek isuas o ŋuwali idu wa.

Jon 14:17

Iŋ Awan Urgun, iŋ ru rumok ak san mi a. Tan en san tamolpein iŋ diŋane san tia ya. Man ata wo? Iŋ dile san tia ya, ago dugo iŋ niŋen o diŋaoŋ. Ak man, aŋ iŋ aloŋ la ya, man dugo, iŋ gamu aŋ da amado dak, murnap aŋ bubem ilon lo ilasap ante pempem imado wa.

Revelesen 7:14

Ago man ŋai ru naon ŋurupeig ŋabol, “Tamol tubu, oŋ mi uloŋ a.” Agog iŋ igo irupaiag a, “Tamolpein en man muruan tubun ak madai da lo, Anut irapasaig kuai te dilasa ya. Iŋ gubak mi Sipsip Nanun san dar lo iŋaned kulos dufulanig, kulos an milkouk geig ilasa ya.

Revelesen 5:9

Iŋ bar foun ak ta igo diabi da, “Oŋ buk ŋanep kendel san gureŋ ate buk dufutanig dufou yan fidian oŋ pasi san uloŋ a. Oŋ ago gane san man idaisuda geig a. Ata wo, iŋ oŋ dufuno umat dugo, oŋane dar lo tamolpein Anut tuon lo dirai san udad a. Tamolpein aenta man, warou fidian lo yak, muroun ru fidian lo yak, tinik naon sensen lo yak, agod tan titin fidian lo yan oŋ udad uŋal a.

1 Pita 1:2

Bai Anut gubak mi aŋ gamugo alasa yan san saen lo iliaŋ iloŋ go ipilianaŋ an lo Awan Urgun iŋsan urat lo aŋ iŋanen tamolpein gun ak alasa ya. Agog aŋ iŋanen tamolpein awa bek san ago mi amado ator a, agod Jesus Kristus iŋanen dar ikulmaek an lo aŋsam aupasek isuas panaŋ a. Anut iŋsan ilo panek, agod iŋsan ilo maror ipanaŋ pe ilom lo italbusip tubun ilasa wan o ŋugudani da.

Hibru 13:20

Aria, maror san Anut amaiak, kontrak pempem san an san dar lo, bilelek sad titianek malan te yan, Jesus idsad Tubun en, mateŋ lo ifufunig yabisa da yan,

Jon 4:14

Gug ta iŋ you a ŋai ŋupani wan iluk tap, iŋ afon you o ta imat na wa. Rumok, you a ŋai ŋupani wan, iŋ ilon lo pempem ibanai ilasa dop, kumaen pempem yen san ipani wa.”

Luk 22:20

Nek ago mi anaŋ diani itout go, gab iŋane yabig igo ibol, “Gab en man kontrak foun ŋaisag dar lo ya. Dar en aŋ niŋemi wo ŋaineg tinig lo yak ilasa wa.

Matyu 26:28

En man ŋaisag dar kontrak san, tamolpein wei mi iŋaned aupasek isasi san tinig lo yak ilasa wa.

1 Jon 1:7

Gug iŋ ilalaŋ lo itor dak ago mi id dam tator tap, id anek anek sisem ilod kisaek mi tumado wa. Agod iŋanen Nanun Jesus san dar an mi lo idsad aupasek fidian isasi panad go ikok tilasa ya.

Taitus 3:5

id patud ipasi a. Idsad kagin itaot ak ta tiganep lo na iŋ ago igane man tia ya. Tia, iŋsiganen ilo muŋanek lo na id iŋiliad a. Iŋsan Awan Urgun iganeg id foud tilasa woŋ an man ibol ifulanad go ikok tilasa yak oŋ a, dal amaiak lo patud ipasi a.

Efesus 1:7

Kristus id da tutumani kisaek an niŋen o, iŋanen dar lo iŋ idad iŋiliad dugo idaned aupasek fidian ipare idu ya. An iŋsan ilo panek tubun geig ak iri pani a.

Jon 6:55

Man dugo, ŋaisag tinig man anaŋ mok, agod ŋaisag dar man you mok a.

Jon 4:10

Jesus pein an ru naon irupeig ibol, “Oŋ talpein e, ‘you panag ŋaluk’ ago ibol an, agod Anut san lou panek an dam uloŋ uyan ak man, oŋ iŋ sumiani dop, you kumaen san an ipanop uluk a.”

Jon 3:5

Jesus ru naon irupeig ibol, “Ŋai rumok ŋurupaio da. Isop tamol ta you iŋ Urgun da lo kumaen foun ak ta iŋane na tap, Anut san kumaen panu ilon lo ta iladu na wa.

Revelesen 1:5

Nek ago mi, Jesus Kristus dam, ilon ipanaŋ dop ilo maror amado san ka ipanaŋ a. Iŋ Anut san ru itaot geig ibol ilasa da. Iŋ mi tamol malan te geig mutou lo imasa ya. Agod iŋ dam kiŋ adi e tan na dumado den sad Tubun a. Iŋ id niŋed o tubun mi imat da, agod iŋanen dar lo idsad aupasek fidian mi isasi panad an lo, muruan tiag kawan tumado da.

1 Pita 3:21

You an man Kris fulanek san mitilaen igo woŋ a. Man dugo, gamu fulanek san you an id patud ipasig tumado da. Fulanek an tinid sad nun ta ifulani yau na da. Tia, fulanek tile dan lo Anut tusumiani dak id ilod ikubunep kankan uyan ak ipanad a. Fulanek an nek Jesus Kristus mateŋ lo kumaen imasa yan lo mi dabai iŋaneg an lo id patud ipasi da.

Hibru 10:29

Amaiak niŋen o dugo, talpein Anut Nanun yaŋan ipare idu dop, kontrak san dar a iganeg gun ilasa yan mel kawan ago ile dop, ilo panek san Ur an awan nam saian ipani a, ago tap, muruan tubun geig ak sapta taida Anut ipani wak i?

Hibru 9:7

Ak man pris gurman mi iŋ galuŋ tinin te an ilon lo iladu wa. Iŋ anaŋar kisaek ilon lo nal kisaek atem galuŋ an ilon lo iladu da. Iŋ pempem dar iŋane iladup iŋsinan aupasek agod tamolpein ŋiŋeo lo kagin sisaiak digane na yan, dam fidian ipasi yau wo Anut ipani da.

Kolosi 1:4

Man dugo, maŋ gubak mi ru en maloŋ a, aŋ Jesus Kristus o ilom rumok da, agod iŋanen tamolpein fidian ilom apidinai da.

Rom 3:25

Anut, Jesus Kristus nek ibol mel ta iŋsan tiŋae saiak igane itout san igo woŋ, id naod na ikubiaig tile ya. Id iŋ niŋen o ilod rumok dan lo, Anut san tiŋae saiak Kristus san dar lo ikubune itout an, san nuŋon id tiŋane wa. Iŋ ago igane yak lo kagin itaot an ikubiaig id fidian tile ya. Man dugo, Anut sen itaot ago mi ipiranig tamolpein gubak mi dumado dan sad aupasek ile bo man naon ta ipidinai se na ya.

Aposel 8:36

Ru ifulale dugo dupalug you ta fun na dilasag, tamol gurman Filip irupei, “You ebe ya. Dugo, mel ta isubanag pe suguek ŋiŋane wan tia i?”

Jon 14:6

Jesus awan yabig ibol, “Ŋai mi dal, ŋai mi ru rumok san fun, agod ŋai mi kumaen san fun. Dal sen ta lo Bai san na au san tia ya. Nek ŋai lo mi a.

1 Jon 4:10

Ilo panek e ŋai niŋen o ŋabol den igo ya. Id malan malan Anut niŋen o ta tamat na ya, tia, iŋ imug id niŋed o imat a. Agod Taman san ilo wananan a idsad aupasek igane ilasa dan, Nanun iŋsen yabiani wo iganeg ipalu ya.

1 Timoti 3:16

Id mel en niŋen o ilod kisaek ak, idsad ilo rumok ilon lo mel tubun ak pasauman taloŋ san tia yak yen da: Iŋ tamol mok igo ilasag, Urgun iŋsen mi walal te tamol itaot ak ibol ilasag, eŋel adi dile duloŋ go, tan titin fidian lo dubol go yau, tan tilianek lo iŋ o ilod lo rumok go, Anut iŋaneg iŋ girager anda isida yau a.

Matyu 3:16

Agog Jon Jesus isugui a. Nek saen a Jesus you ibiseig tan fo isuda man, kumaen panu san dalawan awan pasek go yen dugo, Anut san Ur muluk oŋ idug, iŋ kabuŋan fufo imasi dugo ile ya.