1 Jon 5:4 - Takia

⁴ Man dugo, tamolpein a Anut lo dilasa yan fidian iŋ tan en san kagin saian ak diabi idu da. Agod ata mel ta dabai aman da yak lo id tan en san dabai ka tabi idu wak i? Mel an man idsad ilo rumok mi a.

1 Jon 5:4 Referans Kwoze

1 Korint 15:57

Ak man id Anut ilo uyan ru tupani wa! Man dugo, iŋ idsad Tubun ak Jesus Kristus lo idirad go yu tigane itout a, an lo man mel an fidian sad dabai tibiai dudu ya.

1 Jon 4:4

O nanug muroug, aŋ Anut san muroun a, agod aŋ profet sewak adi ariŋanai a. Man dugo, Ur aŋ lo yen dan iŋsan dabai man, ur a profet sewak adi lo yen dan san dabai iriŋani a.

Jon 16:33

Aŋ ŋai lo amado dop, ŋaisag ilo maror aŋ da amado san niŋen o ru an ŋurupaiaŋ a. Tan en san tamolpein aŋ muruan dupanaŋ ak gug, aŋ ta arut arer na wa. Tia, aŋ ilom abisa, man dugo, ŋai yu ŋigane itout go, an lo tan en san tamolpein fidian sad dabai ŋabi idu la ya.”

1 Jon 3:9

Tamol dugon Anut lo foun ilasa yan iŋ au ta ipas na da, man dugo, Anut san bunun iŋ ilon lo yen da. Rumok, iŋ aupasek ta igane yau oŋ na wa, man dugo, Anut lo foun ilasa ya.

1 Jon 5:5

Enti tan en san dabai yabi idu san iloŋ i? Tamol a Jesus iŋ Anut Nanun mok ak ilod lo rumok dan, nek ama ya.

Revelesen 3:21

Talpein enti yu igane itout dop, ŋai iŋ dabai ŋupanip an lo iŋ ŋai da ŋaisag kalik fo mumasip mumado wa; nek ibol gubak mi ŋai dam yu ŋigane itout go, Bai san kalik fo ŋumasig iŋ da mumado yak ago mi a.

Revelesen 12:11

Maŋ teim taom man, Sipsip Nanun san dar nam, agod Anut san ru dufulale na yan lo dam, iŋ mot en lo yu diganeg itout a. Iŋsiganed madok niŋen o tubun mi ta dumat na ya, tia geig a. Amaiak niŋen o saen mateŋ sumeik ipidinai bo man, iŋ ta dusuk dumul na ya.

Revelesen 3:5

Talpein enti yu igane itout dop, iŋ dam ago mi kulos milkouk ak igane wa, agod ŋai kumaen san buk lo yaŋan ta ŋusuas na wa. Tia, ŋaisag Bai naon na talpein an yaŋan ŋabol ilasa wa, agod iŋsan eŋel adi naod na dam yaŋan ŋupate wa.

Revelesen 2:11

Aria, talpein enti kududon da dop man, iŋ gidad Awan Ur ru e Kris midaeŋ irupidai den iloŋ uyanan a. Talpein enti yu igane itout pe, iŋ mateŋ murnai an iriŋani dop madai an ta ile na wa.

Revelesen 3:12

Talpein enti yu igane itout dop, ŋaisag Anut san ubou ab lo iŋ bag tamol igo woŋ ŋuguni wa. Ago dop iŋ Anut san ubou ab ibiseip kuai te ta ilasa na wa. Tia geig a. Agod ŋai ŋaisag Anut san yaŋak iŋ tinin fo ŋigire wa. Agod ŋaisag Anut san taun tubun ak man, Jerusalem foun a, amaiak san yaŋan dam, agod ŋaisag yaŋag foun ak dam, iŋ tinin fo ŋigire wa.

Revelesen 2:26

Talpein enti yu igane itout dop ŋaisag ilobol mi iri ipani dop yaup saen wadan idu wan, ŋai igo ŋurupei da. Bai wagen lo dabai ŋiŋaneg, an lo tamolpein ŋitirnai ak ago mi, talpein an ŋai dabai ŋupanip an lo iŋ dam tan en san tamolpein itirnai a. Anut san ru ago ibol, ‘Iŋ itirnai dabai dop kiŋ san makud ain nam ifu irubai a, nek ibol tamol bod igufutep kilaken kitiktik ilasa dak igo woŋ ago igane wa.’

1 Jon 5:1

Tamolpein ensauta a Jesus iŋ mi Kristus an ilod lo rumok tap, iŋ Anut nanun muroun. Agod tamolpein ensauta a taman niŋen o dumat dan, iŋanen nanun dam niŋen o dumat da.

Revelesen 15:2

Ŋai mel ta nek ibol beig tubun ak galas oŋ, yai lo dukubuli ak ŋile woŋ da. Tamolpein a yu digane itout an, gubak mi mel kasik ak, iŋanen mitilaen agod yaŋan san sutek dam dibiai dudu yan dam ŋeil a. Tamolpein amaiak iŋ beig galas oŋ an giraŋen na dutur dugo, iŋ melmel gita igo woŋ Anut ipidinai an duburou se ya.

Revelesen 2:7

Aria, talpein enti kududon da dop man, iŋ gidad Awan Ur ru e Kris midaeŋ irupidai den iloŋ uyanan a. Talpein enti yu igane itout dop, ŋai dabai ŋupanip an lo, kumaen san ai ate anaŋ iŋanep yani wa. Ai an Anut san abi yaŋan Paradais dubol dan, ante isa da.

Revelesen 2:17

Aria, talpein enti kududon da dop man, iŋ gidad Awan Ur ru e Kris midaeŋ irupidai den iloŋ uyanan a. Talpein enti yu igane itout dop, ŋai mana a mianuk lo yen dan kitek iŋ ŋupanip yani wa. Mana an Isrel adi tan kawan ak lo diani se ya, ak gug gamu mianuk lo yen da. Agod ŋai pat milkouk ak ta dam ŋupani wa. Ŋai pat ante yaŋak foun ak ta ŋigire wa, ak man yaŋak an tamol sen ak ta fun iloŋ san tia ya. Tia, talpein a pat iŋane dan mi yaŋak an fun ka iloŋ a.

Jon 1:13

Iŋ tinad tamad sad dar lo, tia, tan san kagin lo, tia, tinid san kagin lo, Anut nanun muroun dilasa man tia ya. Tia, Anut sen iginiaig, iŋanen nanun muroun dilasa ya.

Jon 3:3

Jesus awan yabig igo ibol, “Ŋai rumok nuŋon mi ŋurupaio da. Isop tamol ta foun ta ilasa na tap, Anut san kagin panek aben ile san tia geig a.”

1 Jon 2:29

Iŋ itaot geig ak an aloŋ tap, mel en dam aloŋ a, tamol a kagin uyan ak mi igane dan iŋ Anut lo foun ilasa ya.

1 Jon 5:18

Id taloŋ ak enti a Anut lo ilasa yan au ta ipas na da. Man dugo, Anut Nanun iparfutani da, an lo dop Satan yabi ile san tia ya.