1 Jon 4:6 - Takia

⁶ Gug id man Anut san muroun a. Ago yak niŋen o talpein a Anut iloŋ an, id awad iloŋ da, ak man a iŋ Anut san muroun tia yan, id awad ta iloŋ na da. Dal an lo dop ur dugon rumok san, agod ur dugon sewak san dam ka kuai tem tile taloŋ a.

1 Jon 4:6 Referans Kwoze

Jon 14:17

Iŋ Awan Urgun, iŋ ru rumok ak san mi a. Tan en san tamolpein iŋ diŋane san tia ya. Man ata wo? Iŋ dile san tia ya, ago dugo iŋ niŋen o diŋaoŋ. Ak man, aŋ iŋ aloŋ la ya, man dugo, iŋ gamu aŋ da amado dak, murnap aŋ bubem ilon lo ilasap ante pempem imado wa.

Jon 10:27

Ŋaisag sipsip ŋai awag duloŋ dak, ŋai iŋ ŋaloŋ a, agod iŋ ŋai ŋieg aban diri da.

Jon 15:26

“Gug ŋai Binawek Tamol ŋiganep idu wa. Iŋ Awan Urgun, ago dugo iŋ dam ru rumok ak san fun. Iŋ Bai san na ilasap, aŋsam na ipalu wa. Agop iŋ ŋai fug kuai te ibol dop aloŋ a.

1 Jon 4:1

Turag muroug, aŋ ur fidian sad ru ilom lo ta rumok na wa. Tia, ur an sad ru abitinae ale gup a, kabelan ur an Anut san boi, tia, Satan san boi, aŋ an ale aloŋ uyan a. Man dugo, profet sewak wei mi aben fidian lo dufufurak go diau a.

1 Jon 4:4

O nanug muroug, aŋ Anut san muroun a, agod aŋ profet sewak adi ariŋanai a. Man dugo, Ur aŋ lo yen dan iŋsan dabai man, ur a profet sewak adi lo yen dan san dabai iriŋani a.

Jon 18:37

Ago tag Pailat irupei, “Dugo, oŋse oŋ kiŋ ta ago ubol di?” Jesus ru naon irupei, “Oŋse nek a ubol da. Ŋai kiŋ ta, ŋai tan en lo ru rumok ak ŋabol ilasa wo ŋupalu ya. An lo ta iŋ ru rumok san man, iŋ ŋaisag ru iloŋ dop ru an iganuri wa.”

1 Korint 14:37

Talpein ta iŋ ilon lo iŋsen profet ak ibol, tia, iŋ ilon lo Awan Urgun lo bar dabai ak iŋane ibol tap, iŋ gidad mel en ile iloŋ pe ilon kisaek a, ru e ŋai ŋigireg aŋsam na ŋiganep ipalu wo den man Tubun ak awan ŋigire da.

2 Tesalonaika 1:8

Saen an lo, iŋ iŋanen pani naon iŋsen lo inawai geig ak da imul a. Ago dop tamolpein ensauta a Anut ta duloŋ na, agod tamolpein ensauta a bilaluŋ Tubun ak Jesus niŋen o ilo rumok adi dufulaleg duloŋ gug ta duri na yan dam, naon saian geig ak ifuli ipidinai a.

Jon 16:13

Gug murnap Urgun ru rumok ak san ipalu dop man, kagin rumok ak mi fidian ikubiai panaŋ a. Iŋ sen ilon nam ru ta ibol na wa. Tia, Anut ibol go iloŋ an mi irupaiaŋ pe aloŋ a. Mel murnap ilasa san dam ibol ilasa dop aloŋ a.

1 Jon 4:8

Gug talpein a ilo panek an tia yan, iŋ Anut iloŋ man tia ya. Man dugo, Anut man iŋsen ilo panek mok a.

1 Timoti 4:1

Urgun iŋ kuai tem ibol dak man mitep tamolpein aenta iŋsad ilo rumok dibisei wa. Agop ru sewak ak sad ur an awad mi kagin dupani dop, ur saiak saiak sad piteŋanek an niŋen o mi kududod dugure wa.

Jon 13:20

Ŋai ru rumok ŋurupaiaŋ da, ŋai urat tamol adi ŋidiraig diau a. Talpein enti a ŋaisag urat tamol iŋane dan, ŋai iŋiliag da. Ago dugo talpein enti ŋai iŋiliag dan, iŋ Bai enti a ŋai idinag go ŋupalu yan dam iŋane da.”

Jon 8:19

Ago tag iŋ dusumiani, “Oŋane tama dugon te imado di?” Agog Jesus awad yabig ibol, “Aŋ ŋai ta aloŋ na ya, ŋaineg Tamag dam ta aloŋ na ya. Aŋ ŋai aloŋ ak man, ŋaineg Tamag dam aloŋ a.”

Luk 10:22

“Ŋai Tamag iginiag go mel fidian sad tamad ŋilasag ŋumado da. Tamol ta iŋ Anut Nanun ta iloŋ na ya, nek Taman iŋsen mi a. Agod tamol ta iŋ ŋai Tamag ta iloŋ na ya, nek ŋaiseg mi, agod tamol nek amaiak Nanun iŋsinan ilobol lo mi Taman ikubiai pani wa.”

Jud 1:17

Ak gug ŋai turag muroug, ru imug Jesus Kristus iŋanen aposel adi dubol ilasa yan ilom isou wa.

2 Pita 3:2

Kankan en igo ya. Ru a profet gun adi wagam mi dubol na yan, agod ru kubiaeŋ a aŋsam aposel adi awad lo aŋsam bunawek Tubun en ibol panaŋ an dam ilom isou wa.

2 Korint 10:7

Aŋ mel nek a kuai te yan mi ale da. Tamol ta aŋ luluŋam lo iŋ Kristus san tamol mok ibol tap, mel en niŋen fon ilon isou uyan a. Iŋ Kristus san ibol tap man, maŋ dam nek iŋ ibol ago mi a.

Rom 11:8

Nek ago mi ru girek lo ibol, “Anut iŋ diŋaoŋ san ur ipidinai a. Iŋ malad ipidinai bo man mel ta dile san tia ya. Iŋ kududod ipidinai bo man duloŋ san an dam tia ya. Iŋ ago digane ipalug gamu dam nek ago mi digane da.”

Rom 1:1

Ŋai Pol, Jesus Kristus san urat tamol, aŋsam na girek en ŋiganeg ipalu ya. Anut sen ŋai ipilianag a, an lo iŋsan aposel ŋilasa ya. Ago dop an lo ŋai Anut san bilaluŋ uyanan an ŋabol ilasa wa.

Jon 20:21

Jesus fon irupudai, “Aŋ maror am da amado! Bai ŋai idinag go tan na ŋupalu ya, nek ago mi ŋai aŋ ŋidiraŋ pe, urat lo au a.”

Jon 10:16

Ŋai sipsip malan taida mi sad tamad, iŋ ar en san tia ya. Sipsip an dam ŋaŋal ŋupalup ar en lo diladu wa. Iŋ dam ŋai awag duloŋ a, ago dop man sipsip malan kisaek ak, agod iŋaned titianek tamol dam kisaek a.

Jon 8:23

Gug Jesus ru awan ibateg igo irupudai, “Aŋ man aben a paen na amaiak san apalu ya, gug ŋai man lak na amaiak san ŋupalu ya. Aŋ tan en san, gug ŋai tan en san tia ya.

Jon 10:3

Dalawan san titianek tamol iŋ tamol en dalawan ipasi pani da. Ago dugo sipsip dam iŋaned tamad awan duloŋ da. Agop saen iŋ yaŋad atem ipatep, igiai tap, iŋ awan duloŋ pe, ŋien aban fo kuai te dilasa wa.

1 Jon 5:19

Id mel en dam taloŋ ak id Anut san muroun a, ak gug tamolpein a tan en san muroun mi dumado dan fidian, iŋ man Satan tuon lo dumado da.