1 Jon 3:22 - Takia

²² Agod mel dugon niŋen o tugudani dan, an mi ipanad a. Man dugo, iŋsan ru kubiaeŋ kagin tupani dugo ilon ibol ak ago mi, id iri panim tigane da.

1 Jon 3:22 Referans Kwoze

Jon 15:7

Gug aŋ ŋai lo amado dop, ŋaisag ru aŋ lo yen dop man, aŋanem ilom ibol ak ago mi mel niŋen o asumianag dop, ŋai ŋupanaŋ a.

Jon 9:31

Id taloŋ ak, Anut tamol aupasek amad da yak awad ta iloŋ na da. Iŋ talpein a iŋ awan iri dugo, ubou an ile dan mi awan iloŋ da.

Matyu 21:22

Agod aŋ ilom rumok aman da yak lo gudanek agane tap, mel fidian a niŋedi wo gudanek agane dan ka aŋane wa.”

1 Jon 5:14

Id taloŋ ak, saen id iŋ o tini ganei tiganeg tumosiai dan, mel a niŋen o iŋ tusumiani dan iŋsan ilobol an iri pani tap, id awad iloŋ mok a.

Mak 11:24

Amaiak niŋen o ŋai ŋurupaiaŋ da, oŋ gudanek lo mel ta wo Anut sumiani dop, iŋ mel an ipano la yak igo woŋ ago ilo lo rumok a. Ago gane tap, mel an oŋ da wa.

Jon 14:13

Aŋ mel ta niŋen o ŋai yaŋag lo agudani tap, ŋai mel an ŋigane panaŋ a. An niŋen o Nanun urat dugo dugo igane dan lo, tamolpein Bai yaŋan tubun mi diabisa wa.

Jems 1:5

Aŋ luluŋam lo ta iŋ maŋau uyan ak lo katukan tap, Anut isumiani dop iŋ an ipani wa. Man dugo, Anut tamolpein fidian iŋ dugudani den lo melmel uyanan ak ipidinai da. Iŋ dam tamolpein dusumiani dan ta ipidai na da.

Jon 8:29

Enti a ŋai idinag go ŋupalu yan iŋsen mi ŋai ida mumado da, agod iŋ ŋai ibisawag go seg ta ŋumado na da. Man dugo, iŋ ilon yen dan ago mi ŋuri ŋupani da.”

Kolosi 1:10

Iŋ aŋ ibinawaŋ pe, kagin uyan ak lo ator amado wa, an lo dop tamolpein aŋanem kagin dile dop igo dubol, “tamolpein an iŋaned Tubun ak san tamolpein dilasa san idaisuda mok a.” Taida mi, dal fidian lo, Anut san ilo uyan aŋ o tubun mi yen o, urat wagai agane wa. Urat uyan ak fidian lo nuŋon agane wa, agod nal fidian aŋanem maŋau Anut niŋen o yan isap tubun a.

Jems 5:16

Ago yak niŋen o nug naon na siŋanem aupasek afulale dop nug niŋen o agudani wa, ago dop an lo Anut ikubuniaŋ a. Tamol itaot aman ak san gudanek dabai tinan, agog dam ka urat dabai ak igane ilasa wa.

Hibru 13:21

yu san biouŋ uyan uyan ak urat lo dabai ipanaŋ san an fidian ipanaŋ a, an lo na iŋanen ilobol agane itaot a. Ago dop mel dugon iŋsan malan lo ilo uyan ipani dan aŋ ilom lo igane ilasa wa. An man Jesus Kristus san dabai lo igane ilasa wa, iŋanen yaŋan dam id pempem tabisa wa.

Jon 6:29

Ago tag Jesus awad yabig ibol, “Anut san ilo sou lo urat agane man igo ya, tamol emaiak iŋ iganeg ipalu yan mi aŋ iŋ o ilom lo rumok a.”

Filipai 4:18

Mel an agane ipalug Epafrodaitas iŋaneg ŋai ipanag a, an lo gamu ŋai mel ta lo katuk amag san tia ya. Aŋ lou kawan ak da aganeg ipalu yan lo ŋai idaisudag ŋumado da. Lou an Anut malan lo man uyanan a. An nek ibol yai mumalun uyanan ak, Anut ilo uyan ipani igo woŋ da.

Aposel 17:30

Id fidian tiŋaoŋ dugo kagin ago tigane na yan san saen lo Anut iliad funad se ya. Gug gamu man Anut ru dabai nam tamolpein fidian irupidai dop, ilod ibileksap iŋaned kagin saiak an patud dupani wa.

Jon 15:10

Ŋai Bai san ru kagin ŋuri ŋupani ak niŋen o, iŋsan ilo panek lo ŋumado da. Nek ago mi aŋ ŋaisag ru kagin an ari apani dop man, aŋ ŋaisag ilo panek lo mi amado wa.

Matyu 17:5

Saen iŋiŋeŋ se man timtaen ta ided dak ipalug, ibuluwai dugo, ŋiŋeŋ ta timtaen an ilon lo yak ibol, “En man ŋaineg Nanug mok, ŋaineg bubeg mok, iŋ niŋen o ŋai ilog tubun mi uyanan da. Awan aloŋ!”

Aposel 20:21

Juda igom Juda tia yan ru dabai anda ŋurupidai se ya. Ilod dibilisap, naod Anut dupanip, idsad Tubun en Jesus niŋen o ilod rumok o ŋabol dugo duloŋ a.

Jems 4:3

Agog saen aŋ asumiani dubo man ta ipanaŋ na wa, fun dugo aŋ asumiani saian da. Melmel aŋsiganem bubem lo aganep siganem tinim mi lo urat apani wo da.

1 Jon 2:3

Id iŋsan ru kubiaeŋ ibol taloŋ an mi turi tupani tap, dal an lo na id ka taloŋ ak id rumok mi Anut taloŋ a.