1 Jon 3:21 - Takia

²¹ Turag muroug, idsiganed ilod ta ibiad tadu na tap, id Anut naon na tugudani wo sumeik ka tupani dop, an lo id ta tarer na wa.

1 Jon 3:21 Referans Kwoze

1 Jon 2:28

O nanug muroug, aŋ iŋ da amado wa. Ago tap, saen iŋ kuai te ilasa dop id iŋ da tiŋiŋeŋ o ta tarer na wak, agod miai ifunad dop tasuk tamul san dam tia ya.

Hibru 4:16

An niŋen o id pempem Anut san kalik giraŋen na tau a, ante man Anut ilo panek iwae san aben mi a. Aben an lo saen muruan sumeik ipanad dan, ilo muŋanek ka tiŋane wa, agod iŋsan ilo panek id ibinawad san tile wa.

2 Korint 1:12

Maŋ malak malak ru en ka murupaiaŋ a. Maŋ tan en lo, agod aŋ malam lo dam kagin uyan ak mi migane na ya. Maŋsama ru man rumok ago mi maŋsama kagin naok naok dam gun a, man dugo, Anut kagin mi muri mupani se ya. Maŋ tan en san maŋau uyan uyan ak lo urat ta migane na ya, tia, maŋ nek Anut sinan maŋau a ipanama yan lo mi urat migane se ya.

1 Jon 5:14

Id taloŋ ak, saen id iŋ o tini ganei tiganeg tumosiai dan, mel a niŋen o iŋ tusumiani dan iŋsan ilobol an iri pani tap, id awad iloŋ mok a.

1 Jon 4:17

Dal an lo ilo panek id lo yen dan italbusip itaot geig a. An lo dop bitinaek san nal lo id Anut naon na tatur san niŋen o ta tarer na wa. Man dugo, tan en lo id man, nek iŋ igo mi id dam ago mi a.

Hibru 10:22

Fun uraru an niŋen o id Anut siŋiren na ilod siŋaokan mi tau a. Agod idsad ilo rumok idaisuda amaiak niŋen o iŋiliad san o tinid tigane wa. Idsad ilo sou saian saian an tiŋanep iŋsan na tau, ago gup Kristus san dar ifurfip idsad ilo sou saian saian an isuas yau pasik a. Agod idsad tinid an you uyan ak lo ifulanip ikok ilasa wa.

1 Korint 4:4

Ŋaisag urat walal te ya, agod urat ŋigane yan niŋen o ŋaineg kankan muruan ta ipanag na da. Ago bo man ŋai muruan amag tia yak ago ka ŋabol san tia ya. Tia, Tubun en mi ŋaineg urat ibitinaep ile wa.

1 Timoti 2:8

Amaiak niŋen o ubou leil san saen lo tamol a aben fidian lo dumado dan dumosiai o ilog ibol da. Iŋ nug lo tiŋae saiak tia wak, agod nug paek dam ta digane na wa. Kagin naok an digane itout gup, iŋ Anut naon na banid gun ak diabisap dumosiai o ago digane wa.

Rom 14:22

Oŋ melmel dugon ilo lo rumok an mi oŋ Anut da luluŋam lo yen da. Talpein ta san ilo rumok an man oŋsa mel tia ya. Saen talpein iŋanen kagin naok uyanan a ilo lo rumok an bitinaek lo igane dop, mel ta saian ak ta ile na tap, iŋ ilon uyanan mok a.

Efesus 3:12

Id Kristus o ilod rumok dop, id tarer san tia ya. Id an lo taloŋ uyanan ak Kristus iŋ mi idsad dal. Iŋ lo gup id Bai siriŋen na tilasa wa.

1 Jon 2:7

O turag muroug, gamu ru kubiaeŋ e ŋigire den man foun tia ya. Tia, ru kubiaeŋ en wagam a, nek a fun lo mok aloŋ ama ya. Ru an man fun aŋ aloŋ la ya.

1 Jon 3:2

O turag muroug! Id gamu Anut nanun muroun tumado da. Gug id mitep dugo tilasa wan ta taloŋ uyan na da. Gug id mel en taloŋ ak, saen Kristus kuai isi dan, id tilasap iŋ ago mi wa. Man dugo, iŋ naon tinin tile ago mi tile wa.