1 Jon 3:15 - Takia

¹⁵ Talpein iŋ turan ile saian tap, tamol an iŋ tamol ifuni imat ak igo woŋ a. Agod aŋ aloŋ ak, talpein a tamol ifuni imat an kumaen pempem san an ilon lo yen man tia ya.

1 Jon 3:15 Referans Kwoze

Revelesen 21:8

Ak man, talpein a direr dugo dusuk dumul dan, talpein a iŋaned ilo rumok patud dupani dan, a kagin saian geig nun anda yak digane dan, talpein a dufu dumat dan, a jeit kagin digane dan, a nawir digane dan, a tubud sewak adi lo dugudani dugo sad ubou leil digane dan, agod tamolpein fidian ru sewak dubol dan, iŋaned aben man, yai saltek pat salfa lo ided dan ate dumado wa. En man mateŋ murnai a.”

Jon 8:44

Aŋanem tamam Satan, aŋ iŋanen nanun muroun mok a. An lo aŋ ilom man, iŋanen ilobol mi aganuri wa. Fun mok lo ipalug gamu en, iŋanen kulob mok man, iŋ tamol ifu dumat na ya. Iŋ tinin lo ru rumok ta yen na ya, ago tag ru rumok ak ta yabig iri na da. Saen iŋ ru sewak ibol dan, iŋanen muroun ru ibol da. Man dugo, iŋ sewak tinan, agod iŋ sewak fidian an sad tamad mok imado da.

Aposel 23:14

Agog pris gurman adi iŋ matu dida sad na diaug durupidai, “Maŋsema anaŋ you da lo geg ipanama dugo Anut yaŋan mupateg lo maŋanema ru dabai mupani a. Maŋ Pol mufuni imat mok gup anaŋ mani dop you maluk a.

Jems 1:15

Agop iŋsan buben imasa yan yaup nuŋon aupasek ilasa da, aupasek an yaup tubun mi ilasa dop mateŋ ile wa.

Aposel 23:12

Salso idug Juda aenta dutumanig Pol dufuni imat o awad dutumani a. Agog Anut malan lo ru lak na geig ak lo sed isubanai a. Iŋ anaŋ you da lo sed geg ipidinai dumado dop, saen Pol dufuni imat mok gup, anaŋ diani wa. An lo subanek ru an paen na sed idirai a.

Jon 4:14

Gug ta iŋ you a ŋai ŋupani wan iluk tap, iŋ afon you o ta imat na wa. Rumok, you a ŋai ŋupani wan, iŋ ilon lo pempem ibanai ilasa dop, kumaen pempem yen san ipani wa.”

Mak 6:19

Amaiak niŋen o Herodias tiŋaen saian go Jon lo siai iganeg imado na ya. Iŋ Jon ifuni imat o ilon tubun mi yen a, ak gug iŋsen mi ago igane san ida ta isuda na ya.

Matyu 5:28

Ak man ŋai igo ŋurupaiaŋ da, tamol ta pein ta ilep niŋen o ilo masa lo malan isi tap, iŋ ilo sou lo da jeit kagin digane la ya.

1 Pita 1:23

Man dugo, ai patun kitekan yen pe itout yau san an lo aŋ foun ak igo woŋ ta alasa na ya. Tia, ai patun a itout yau san tia yan lo tamolpein foun ak alasa ya. Ai patun an man Anut san ru kumaen ak, agod pempem yen yau san an mi a.

1 Jon 2:9

Ago yak niŋen o talpein ta iŋ ilalaŋ lo itor dak ibol gug turan ta ile saian tap, iŋ tidom tubun lo mi imado da.

1 Jon 2:11

Gug tamol ta turan ile saian dan iŋ tudom tubun lo imado itor da. Ago yan lo malan tidom tubun dop dal iŋaoŋ a.