1 Jon 2:18 - Takia

¹⁸ Nanug muroug, saen wadan ipalug sumeik da. Nek ibol aŋ ru en dubol dugo aloŋ na yak ago, Kristus san ager ipalu wo da, gamu en Kristus san ager wei kasik dilasa yan lo tile taloŋ a. Amaiak niŋen o id taloŋ uyan ak saen wadan sumeik ipanad da.

1 Jon 2:18 Referans Kwoze

1 Jon 4:3

Ak man ur a Jesus Kristus iŋ tamol mok oŋ ta ilasa na yak ago dubol dan, iŋ Anut san tia ya. Iŋ man tamol a iŋsan yaŋak “Kristus san ager” dubol dan san ur mi a. Ur an ipalu wo ru an aloŋ se yan, gamu tan en lo imado la ya.

2 Jon 1:7

Man dugo, sewak tamol wei mi dilasag panu panu lo dutor da. Iŋ Jesus Kristus tinin tamol mok igo woŋ ilasa yan uyan ta dupani na da. Tamol naok ago man iŋ sewak tamol, agod Kristus san ager tamol ta igo ya.

1 Jon 2:22

Ru sewak an enti awan lo ilasa dak i? Tamol a Jesus iŋ Anut san pilianek tamol yaŋak “Kristus” dubol dan niŋen o “tia yak” ago ibol dan, tamol an Kristus san ager. Tamol naok ago yak iŋ Bai Nanun da niŋedi wo dam imoi a.

Matyu 24:24

Man dugo, kristus sewak, iŋ profet sewak adi dida dilasa wa, ago dop iŋ kulob girager tubun ak, agod mel naon senamo geig ak tamolpein malad lo dukubiaip dile wa. An lo dop iŋ tamolpein a Anut ipilianai la yan dam dirawaip lo diau dudu wo ago maeg digane wa. Ago bo man dirawai san ta idaisuda na wa.

Matyu 24:5

Tamol wei mi dupalup ŋai yaŋag dupatep dubol a, ‘Ŋaiseg Kristus.’ Ago dop tamolpein wei kasik dirawai a.

1 Jon 4:1

Turag muroug, aŋ ur fidian sad ru ilom lo ta rumok na wa. Tia, ur an sad ru abitinae ale gup a, kabelan ur an Anut san boi, tia, Satan san boi, aŋ an ale aloŋ uyan a. Man dugo, profet sewak wei mi aben fidian lo dufufurak go diau a.

Mak 13:6

Tamol wei mi dupalup ŋai yaŋag dupatep dubol a, ‘Ŋai nek emaiak Kristus.’ Ago dop tamolpein wei kasik dirawai a.

2 Pita 2:1

Wagam na profet sewak wei mi Isrel tamolpein luluŋad lo dilasa ya. Nek ago mi girek maŋau sewak ak wei mi aŋ luluŋam lo dilasa wa. Iŋ piteŋanek sewak a imianuk an mi diŋanep midaeŋ luluŋam lo diladup dupanaŋ a, an lo aŋsam ilo rumok an dukubuli wa. Agod Tubun en iŋsen girek maŋau sewak adi an idad iŋiliai a, ago bo man iŋ patud dupani wa. Kagin an lo iŋ milaen tiap daoŋ diŋane dop diau dudu wa.

Matyu 24:11

Ago dop profet sewak adi dumasap tamolpein wei mi dirawai a.

Jud 1:18

Iŋ ago dubol dugo aloŋ a, “Saen wadan lo dop, tamol dilasap kukok amam digane wa. Tamol naok an iŋsad ilo masai Anut san kagin ta iri pani na da. Iŋsinaned ilo masai an mi duri da.”

2 Pita 3:3

Mel en inug aloŋ o ŋamat da. Nal wadan dilasa dan san saen lo dop tamolpein aŋsam ilo rumok en kukok an digane san dilasa wa. Iŋ Tubun en san ru niŋen o disel a, agod ilod imasap mel dugo digane wo ilod ibol an mi duri da.

Hibru 1:2

Gug gamu nal wadan en lo man iŋsinan Nanun awan lo irupaiad a. Iŋsen lo mok Anut mel fidian igane ya, agod Anut sen iŋ murnap mel an fidian taman imado wo ipiliani a.

1 Pita 1:20

Tan en gamugo ilasa dugo Anut Iŋ ipiliani a, gug gamu saen en san wadan lo aŋ niŋemi wo Anut igane walal te ilasag ale ya.

1 Pita 1:5

Aŋ ilom rumok ak lo, Anut san dabai an dumui oŋ ibargiranaŋ da, an lo patu pasek a saen wadan lo Anut iganep ilasa wan ale wa. Patu pasek an Anut ikubune lag yen da, ago yaup saen wadan a Anut ipate yan lo kuai isi wa.

Jon 21:5

Agog Jesus igiai, “O turag muroug, aŋ iy amam da i?” Iŋ awan diabig dubol, “Maŋ iy tia ya.”

Rom 13:11

Agod taida mi aŋ en aloŋ ak, saen iparsikawad ak niŋen o ŋioŋ abiseip amasa wa. Man dugo, gamu en patud ipasi san id sumeik ipanad la ya.

Rom 13:12

Tidom tubun ibisawad dugo ilalaŋ sumeik ipanad a. Id tidom san kagin ta tigane na wa. An niŋen o lilaman san yu mi tuburoup tawaŋ tigane wa.

1 Pita 4:7

Mel fidian itout yau san saen sumeik ipanad da. Ago yak niŋen aŋ kabuŋam ipasti dop sem ulum am abi o uyanan a. Ago dop man ka agudani uyan a.