Zekhariah 9:8 - Tedim Bible

⁸ Tua ciangin ka gamsung ka hu ding a, galte ka nawksak kei ding hi. Ka mihingte’ thuakna mu khin ka hih manin, mi gilote ka bawlsiasak nawn kei ding hi.

Tedim Bible Revision 2017

⁸ Tua ciangin ka gam sung ka hu dinga, galte ka nawksak nawn kei ding hi. Ka mihingteʼ thuakna mu khin ka hih manin migilote, ka bawlsiasak nawn kei ding hi.

Zekhariah 9:8 Referans Kwoze

Isaiah 54:14

Thumanna tawh nang hong kikipsak ding hi; nenniamna tawh na kigamla ding a, nang na lau kei ding hi; kihtakna tawh na kigamla ding a, nang nai-ah hong pai lo ding hi.

Isaiah 60:18

Na gam sungah ngongtatna kiza nawn lo ding a, na gam sungah siatmai-na leh suksiatna om nawn lo ding hi; nangmah in na kulhte pen Hotkhiatna, na kulh kongpite pen Phatna, na ci ding hi.

Isaiah 52:1

Zion aw, khanglo in, khanglo in la, na tha khauhsak in; khuapi siangtho Jerusalem aw, na puan hoihte silh in; bang hang hiam cih leh vun ki-at lo mite leh a nin mite nang sungah hong pai nawn lo ding hi.

Jeremiah 31:12

Amaute hong pai-in Zion mual tungah ngaihtakin la a sa ding uh a, Topa’ hehpihna ahi, buh, leenggah tui, sathau leh tuuno, bawngnote’ hangin amaute a lungdam mahmah ding uh hi. A nuntakna uh, tui kibuak huan bang ahi ding a, a lungkham ngei nawn kei ding uh hi.

Amos 9:15

Amau adingin ka piak gam sungah amaute ka koih kik ding a, tua ka piaksa gam panin kuamah in amaute lakhia kik nawn lo ding hi, Topa, note’ Pasian in ci hi, a ci hi.

Ezekiel 39:29

Israel mite tungah ka kha ka pia ding a, amaute ka nungngat nawn kei ding hi. Topa Pasian in hih thu ka gen khin hi,” hong ci hi.

Isaiah 52:12

Note’ mai-ah Topa pai ding a, Israel Pasian pen note’ nungah hong cingpa hi ding ahih manin, note pen galtai-in paikhia loin, kinawhsa-in na paikhia kei ding uh hi.

Isaiah 31:5

A kot lamlam vasate bangin Vanglianpen Topa in Jerusalem dal ding hi; amah in dalin khahkhia ding a, amah in khengsuakin, suakta sak ding hi.

Late 72:4

Amah in mizawngte’ ading thu khen hen la, mi cimawhte suahtakna pia-in, mi nengniamte sucip ta hen!

Late 34:7

Amah a zahtakte’ kim-ah Topa’ vantungmi in giahphual sat a, amaute honkhia hi.

2 SAMUEL NIHNA 16:12

Topa in ka thuakna hong en-in, tu ni-a kei hong samsiatna hangin Topa in a hoih tawh kei hong thuk kha ding hi,” a ci hi.

Paikhiatna 3:9

Tu-in, en in, Israel mite’ kikona kei' kiang hong tung khin a, Izipt mite in amaute a netniamna ka mu khin hi.

Mangmuhna 20:9

Amaute zanglei tungah a kahtoh khit uh ciangin siangtho giahna phual leh a ithuai khuapi a uum uh ciangin, vantung panin mei kia-in tua mite a valh hi.

Sawltak 7:34

Izipt gamah a om ka mite thuak bawlsiatna ka mu zo a, amau tauna’ aw uh ka za zo hi. Amaute gumkhia dingin kong kumsuk zo hi. Tu-in pai in la, Izipt gamah kong paisak ding hi,” ci-in a gen hi.

Zekhariah 14:11

Tua khuapi sungah lungmuang takin mi teeng ding uh a, lauhuaina tuak kha nawn lo ding uh hi.

Zekhariah 12:8

Tua ni ciangin Jerusalem-a teeng mite, Topa in hu ding a, a gina lo pente nangawn, David zahin thahat ding hi. David’ suan-le-khakte in Topa’ vantungmi bangin ahi zongin Pasian mahmah bangin ahi zongin amaute makaih ding uh hi.

Jeremiah 46:13

Izipt gam sim dingin Babilon kumpipa Nebukhadnezzar’ hong paina tawh kisai-in Topa in kamsangpa Jeremiah hih bangin a hopih hi:

Jeremiah 46:2

Josiah’ tapa Jehoiakim, Judah gamah kumpi a suah zawh kum li a phak hunin Babilon kumpipa Nebukhadnezzar in Eufrates gun gei Karkhemish khua-ah Izipt kumpipa Faro Neko simin a zo hi. Izipt kumpipa’ galkapte tawh kisai-in hih bangin a hopih hi:

Isaiah 26:1

Tua ni ciangin Judah gam sungah hih la kisa ding hi: “Khuapi muanhuai khat i nei hi; Topa mahmah in i kulhte leh i panmun kipte hong hut sak hi.

Isaiah 4:5

Tua ciangin Zion Mual tung khempeuh leh ama kikhopnate tungah, sun-in meii sungah, zan-in meikuang khu tawh Topa in hong bawl ding a, Topa’ minthan’na tung khempeuh ah a kizal khat om ding hi.

2 KUMPI NIHNATE 24:1

Ama hun sungin Babilon kumpipa Nebukhadnezzar hong kuanto a, Jehoiakim kum thum sung ama nasem suak hi; tua ciangin Jehoiakim in amah lehdo hi.

2 KUMPI NIHNATE 23:29

Ama hun sungin Assiria kumpipa a huh dingin Eufrates gunah Izipt kumpipa Faro Neko kuanto hi. Amah khaktan dingin Kumpi Josiah kuan hi; tua ciangin Faro Neko in Josiah a muh ciangin Megiddo ah that hi.

Paikhiatna 3:7

Tua ciangin Topa in, “Izipt-ah a om ka mihingte’ gimna mu khinin a uk nasem ukte hangin amau’ kikona ka za khin hi; amau’ thuaknate ka lunghimawh a,

Zekhariah 9:7

Amaute in sa, a sisan tawh ne nawn lo ding uh a, a kikham ante zong tang ding uh hi. A suakta sun teng, keima mite suak ding uh a, Judah minam lakah beh khat bang ding uh hi. Jebus mite mah bangin Ekron khuamite zong, keima mi suak ding uh hi.

2 KUMPI NIHNATE 19:34

Bang hang hiam cih leh keima min ka khualna leh ka nasempa David tungah ka ciamsa thu hangin hih khuapi ka hu ding hi, ci hi,” a ci hi.

Paunak 3:25

Migilote tungah huihpi bangin siatna a tun’ ciangin, nang na lunghihmawh nading om lo ding hi.

Zekhariah 12:4

Tua ni ciangin a sakolte uh ka lausak ding a, a sakol tung tuangte uh ka haisak ding hi. Ahi zongin Judah mite ka kem ding a, a galte uh’ sakolte, a mit ka tawsak ding hi.