Zekhariah 9:4 - Tedim Bible

⁴ Ahi zongin, Topa in a neih khempeuh laksakin, tuipi sungah paihsak ding a, a khuapi haltum ding hi.

Tedim Bible Revision 2017

⁴ Ahi zongin Topa in a neih khempeuh laksakin tuipi sungah paihsak dinga, a khuapi a hal tum sak ding hi.

Zekhariah 9:4 Referans Kwoze

Ezekiel 28:18

A man loin sum na bawl luatna hang, tua bang na mawhna hangin, na biakna munte na siasak hi. Tua ahih manin khuapi sung ka hal a, a vekpi-in kangtum mang hi. Nang hong ente khempeuh’ muhna-ah, vut leh vai kong suah hi.

Ezekiel 26:17

Tua ciangin nang tawh kisai-in hih bangin dah la hong phuah ding uh hi: A minthang khuapi kisusia ta a, a teembawte tuipi pan maimang ta hi. Hih khuapi mite in tuipi uk ngei a, tuipi gei-a teeng mi khempeuh’ kihtak hi ngei hi.

Amos 1:10

Tua ahih ciangin Tai-ar khuapi kulh ka kangsak ding a, a mun muanhuai teng kangtum ding hi.

Joel 3:8

Na tanute uh leh na tapate uh, Judah mite tungah ka kizuaksak ding a, a gamlapi-a om Seba minamte tungah kizuak ding uh hi. Bang hang hiam cih leh Topa in gen khin zo hi,” a ci hi.

Ezekiel 28:16

Na sumbawl luatna hangin ngongtatin mawhna sung na tung kha hi. Tua ahih manin ka mual siangtho panin nang ka hong hawl khia a, a tee zaizai suangmanphate lak panin nang hong cing kherubte in hong hawlkhia uh hi.

Ezekiel 28:8

Amaute in nang hong that ding uh a, na hankhuk ding tuipi sungah hong khia ding uh hi.

Ezekiel 28:2

“Ezekiel aw, Tai-ar khuapi a ukpa kiangah Topa Pasian keimah in ka gen nop thu, ama tungah hih bangin gen in: Kisak theihna lungsim lianpi nei-in tuipite’ laizang ah pasian’ tokhom tungah tu-in, kei in pasian khat ka hi hi, na ci hi. Nang in pasian bangin pil na kisak hangin, mihing khat na hi lel bek hi.

Paunak 11:4

Hauhna in na sih nading panin hong hu thei lo a, thumanna in na sih ding hong hu thei hi.

Paunak 10:2

Thuman lo-a ngahna-ah phattuamna om lo a, thumaanna in sih nading pan hong hon hi.

Isaiah 23:11

Topa in tuipi tungah a khut zan a, kumpi gamte kiliingsak gawp hi; Sum bawlna phualpite a kisuksiat nading Topa in thupia zo hi.

Zekhariah 9:5

Ashkelon khuapi in hih thu mu-in lau ding a, Gaza khuapi in zong gimlawh ding hi. A lametna teng bei ding ahih manin, Ekron khuapi in zong gimlawh ding hi. Gaza khuapi in a kumpipa taan ding a, Ashkelon khuapi kinusiacip ding hi.