Zekhariah 9:16 - Tedim Bible

¹⁶ Tuucingpa in a tuuhonte, lauhuaina pan a hot bangin, tua ni ciangin Topa, amau’ Pasian in a mite honkhia ding hi. Kumpi lukhu tunga suangmanphate bangin, ama gam sungah a mite taang ding uh hi.

Tedim Bible Revision 2017

¹⁶ Tuucingpa in a tuuhonte lauhuaina panin a hotkhiat bangin, tua ni ciangin Topa, amauʼ Pasian in a mite a hon khia ding hi. Kumpi lukhu tungah a om suang manphate bangin ama gam sungah a mite taang ding uh hi.

Zekhariah 9:16 Referans Kwoze

Isaiah 62:3

Nang pen, Topa khut sunga hoihna lukhu, na Pasian khut sunga kumpi lukhu tawh na kibang ding hi.

Luka 12:32

“Tuu honno aw, na lau kei un. Bang hang hiam na cih uh leh, na Pa un note kiangah Gam a hong pia nuam hi.

Haggai 2:23

Ka nasem Zerubbabel aw, tua ni ciangin nang hong la-in ka min gelhna zungbuhin kong bawl ding hi. Bang hang hiam cih leh nang in ka hong teelpa na hi hi, Vanglianpen Topa in ci hi, ci-in gen in,” a ci hi.

Johan 10:27

Ka tuute in keima aw a ngai uh a, ka tuute ka thei a, keima nung hong zui uh hi.

Ezekiel 34:31

No ka tuute aw, an ka hong vak, tuuhon ahi keima mite na hi uh a, keimah in note’ Pasian ka hi hi. Topa Pasian ahi keimah in hih thu kong gen khin hi,” hong ci hi.

Jeremiah 31:11

Bang hang hiam cih leh Topa in Jakob ka tankhia khin zo a, a zawhzawh loh khutte sung pan ka lakhia khin zo hi.

Isaiah 60:14

Nangmah hong nengniamte’ tate nangma mai-ah kunsa-in hong pai ding uh a, nangmah hong simmawh mi khempeuh na khe mai-ah hong bok ding uh hi; amaute in nang pen Topa’ Khuapi, Israelte’ Siangtho Pa’ Zion, hong ci ding uh hi.

Isaiah 60:3

Nangma khuavak sungah minam dangte hong pai ding uh a, nangma taan’khiatna sungah kumpite hong pai ding uh hi.

Late 100:3

Topa pen Pasian a hihna thei un! Eite hong bawlpa in amah hi a, eite in ama aa i hi hi; eite in ama mi i hi a, ama gan khahna sunga a tuute i hi hi.

Zekhariah 8:23

Tua hun ciangin minam tuamtuamte sung panin mi sawm, Judah mi khat kiangah hong pai-in, ‘Pasian in note hong ompihna thu za ka hih manun na nung hong zuisak in,’ ci-in thuum ding uh hi,” a ci hi.

Isaiah 40:10

En un, Topa Pasian hong pai a, vangliatna tawh hong pai a, a banin ama adingin uk ding hi. En un, ama sep thamante hong pua a, a gualzawhna thamante hong masuan hi.

Zefaniah 3:20

Tua hun ciangin, a kithehthang na mite uh kong kaikhawm ding a, leitung mi khempeuh in note hong pahtawi-in hong phat ding uh hi. A tawpna-ah note na cithei kik ding uh hi,” Topa in ci hi, a ci hi.

Micah 7:14

Topa aw, nangma tuu ahi na mite na ciangkhut tawh hong cing in. Gamnuam lei hoihna sungah amau guakin om uh hi. Taanglai huna mah bangin, Bashan leh Gileah gam nuamah tasak in.

Jeremiah 23:3

Ka mite a om lai sun teng, ka hawl khiatna gamte panin ka kaikhawm kik ding a, a gam uhah ka ciahkik sak ding hi. Amaute pung-in a khang ding uh hi.

Micah 5:4

Amah in Topa’ thahatna tawh a tuute uk ding a, Topa ama Pasian’ min vangliatna tawh uk ding hi. Leitung mi khempeuh in ama liatna phawk ding uh ahih manin, ama mite lungmuang takin om thei ding uh hi.

Jeremiah 31:10

“Aw, gamdangte aw, Topa’ kammal ngai un la, gamla pi, tuipi gei-a omte kiangah va gen sawn un. ‘Israel mite a kithehthangsak pa in a kaikhawm kik ding a, tuucingpa in a tuute a cin’ bangin a cing ding hi,’ va ci un.

Zekhariah 10:6

Judah mite, ka thahatsak ding a, Josef’ innkuan ka honkhia ding hi. Amaute ka khasiat ding a, innah ka ciahpih kik ding hi. Amaute cik mah-a ka nial ngei loh bang keekin, nuam takin om ding uh hi. Keimah in Topa, amau’ Pasian ka hi a, amau’ thungetnate ka pia ding hi.

Paikhiatna 28:9

Nangmah in onik suang nih la-in tuate' tungah Israel tapate’ min na gelh ding a,

Paikhiatna 28:21

Israel tapate’ min tawh kituakin amaute’ min a omna suang sawm-le-nih om ding hi; tuate in minam sawm-le-nihte’ adingin amau’ min ciat kigelhin, min gelhna tawh kibang ding hi.

Isaiah 54:12

Na khum dawnte suangmanpha tawh, na kulh kongpite suangsan tawh, na kulh khempeuh a manpha suang tawh ka bawl ding hi.

Ezekiel 34:11

“Topa Pasian keimah in note kiangah kong genin ah: Keimahmah in ka tuute ka zong ding a, ka kem ding hi.

Ezekiel 34:12

Tuucingte in a kithehthang tuute kaikhawmin a kep bangin keimah in donin ka kem ding hi. Tua bang a lauhuai siat nading hun lai takin a kithehthangna uh mun khempeuh panin ka kaikhawm ding hi.