Zekhariah 9:1 - Tedim Bible

¹ Topa’ thugenna: Hadrak gamte’ daantuah nading Topa in thukhen zo a, Damaskas khuapi in zong tuak ding hi. Israel minam khempeuh, Topa’ aa ahih mah bangin, leitung minam khempeuh zong Topa’ aa ahi hi.

Tedim Bible Revision 2017

¹ Topaʼ thugenna: Hadrak gam miteʼ gimtuahna ding Topa in thu khen zo a, Damaskas khuapi in zong tuak ding hi. Israel minam khempeuh, Topa-aʼ ahih mah bangin leitung minam khempeuh zong Topa-aʼ mah ahi hi.

Zekhariah 9:1 Referans Kwoze

Malakhi 1:1

Topa in Malakhi tung tawnin Israelte tungah thu gen hi.

Zekhariah 5:4

Vanglianpen Topa in hih samsiatna a khahkhiatna ding thu gen a, guta mite khempeuh leh a man loin ka min tawh thuciam mite khempeuh’ inn sungah lut ding hi. Tua bang mite’ inn sungah a tawntungin hamsiatna omin, amaute-a kipan a sing a suang, a vekpi-in kisumai ding hi,” hong ci hi.

Amos 3:12

Topa in hih bangin ci hi: Tuucingpa in humpinelkai’ nek baang tuu khebom nih ahi a, a bil them khat beek ahi zongin a ngah teei mah bangin, tutphah nip kiu khat leh lupna them khat tawh a kibang, Samaria sunga om Israel mi tawmno khat suakta tei ding hi.

Jeremiah 16:19

Aw Topa, ka hatna leh ka kulhpi, lungkham hun cianga ka bukna aw, leitung mong panin gamdang mite nang’ kiangah hong pai ding uh a, “Ka pu ka pate un zuauthu leh bangmah a, kimang lo milimte longal bangmah a luah kei uh hi.

Isaiah 52:10

Topa in minam khempeuh mai-ah ama khut siangtho lakkhia khin a, ama mite honkhia hi. Lei mong khempeuh in i Pasian’ hotkhiatna mu ding uh hi.

Isaiah 13:1

Amoz’ tapa Isaiah in Babilon siatna ding tawh kisai a muhnate a genna:

Late 145:15

Nuntakna a nei khempeuhte’ mit in nang hong en uh a, nangmah in a hun a tun’ ciangin amaute an na vaak hi.

Late 25:15

Ka mitte in Topa’ lamen tawntung hi, bang hang hiam cih leh amah in ngenthang panin ka khete sutkhia ding hi.

2 KHANG TANGTHU NIHNATE 20:12

Kote’ Pasian aw, amaute’ tungah thu khen lo ding na hi hiam? Bang hang hiam cih leh kote do dingin a hong pai hih mihon tampite a do dingin thahatna ka nei kei uh hi. Ka cih nading uh ka thei kei uh a, nangmah bek kong mitsuan uh hi,” a ci hi.

Piancilna 14:15

Amah in amaute do dingin zan hunin ama' pawlte, amah leh a nasemte khenin amaute zo a, Damaskas leilu lam Hobah ciang dong delh uh hi.

Amos 1:9

Topa in hih bangin ci hi: Tai-ar khuamite a khialh kikkik nilohna hangun pel loin amaute daan ka tat ding hi. Bang hang hiam cih leh amaute in, minam bup khat Edom mite tungah ap uh a, lawmta dinga a thuciamna uh zui lo uh hi.

Nahum 1:1

Hih in Nineveh khua tawh kisai thugenna hi a, Elkosh khuami Nahum’ mangmuhna a kiciamtehna lai ahi hi.

Jeremiah 32:19

na ngimnate lian mahmah a, na sepnate thupi mahmah hi. Mite’ nuntakzia khempeuh na mu a, amau’ nuntakdan leh a nasepna gahte tung tawnin mi khempeuh’ tungah thaman na pia kim hi.

Zekhariah 4:10

A ma uh a telh loh manin ka mite lungkia uh a, ahi zongin Zerubbabel in biakinn lam nasep a makaihna a muh uh ciangin a lung uh damkik ding hi,” hong ci hi. Vantungmi in, “Meivak sagihte in, leitung khempeuh a etna Topa’ mittang sagih ahi hi,” hong ci hi.