Zekhariah 8:9 - Tedim Bible

⁹ “Thakhauhin lungsim hang un. Ka biakinn a kilamkik nading a bul a kiphuh lai takin kamsangte in a gen thute mah a za na hi uh hi.

Tedim Bible Revision 2017

⁹ “Thakhauhin lungsim hang un. Ka biakinn a kilamkikna ding a bul a kiphuh laitakin kamsangte in a gen thute mah a za na hi uh hi.

Zekhariah 8:9 Referans Kwoze

Isaiah 35:4

Lungsim lauthawng mite kiangah, “Thakhauh un, lau kei un! En un, na galte uh tungah phu hong laksak dingin Pasian hong pai ding a, amah in note hong honkhia ding hi,” ci un.

Haggai 2:21

“Vanpi leh leipi a lokgawp ding ka hihna thu, Judah gam ukpa Zerubbabel kiangah gen in.

1 KHANG TANGTHU MASATE 22:13

Tua ciangin Israelte’ adingin Topa in Moses a piak thukhamte leh biakna ngeina kipte zuih ding na kidop nak leh na maa vang ding hi. Thakhauh in la, hang in. Lau kei in; lungkia kei in.

2 TIMOTI NIHNA 2:1

Tua ahih ciangin ka ta aw, nangmah in, Khazih Zeisu sungah a om hehpihna thupha tawh thahatin om in.

Efesa 6:10

A khak belin, Topa-ah ahi zongin, ma vangliatna’ hatna-ah ahi zongin, thahatin om un.

Zekhariah 8:18

Vanglianpen Topa in kei tungah thu hong gen a,

Zekhariah 8:13

A beisa hun-ah, Judah gam mite leh Israel gam mite pen, minam dangte in hamsiatna kamin zang uh a, ‘Judah leh Israelte thuak bangin thuak un,’ kici uh hi. Ahi zongin note kong honkhia ding a, tu-in midangte in, ‘Judah leh Israel bangin thupha ngah un,’ ci-in thupha piakna-in kinei ding uh hi. Tua ahih manin na lungsim uh hangsak un la lau kei un.

Haggai 1:12

Tua ciangin Shealtiel’ tapa Zerubbabel, Jehozadak’ tapa Joshua ahi siampi lianpa, leh salsuahna panin hong ciahkik mi khempeuh in Topa ahi amau’ Pasian’ thu mang uh a, Topa Pasian’ kamtai ahi kamsang Haggai’ gen bangin gamta-in, Topa zahtakin lau uh hi.

Haggai 1:1

Persia gam uk kumpi Darias in a uk a kum nihna kum, a kha gukna a ni masa ni-in, kamsang Haggai tungah Topa in thu gen hi. Tua a thu gen pen, Shealtiel’ tapa Zerubbabel, Judah gam ukpa, leh Jehozadak’ tapa Joshua, siampi lianpa tungah gen ding ahi hi.

1 KHANG TANGTHU MASATE 28:20

Tua ciangin David in a tapa Solomon kiangah, “Thakhauhin hang in la, sem in. Lau kei in, lungkia kei in; bang hang hiam cih leh Topa Pasian, kei’ Pasian nangawn nang tawh om hi. Topa’ inn sung nasepna khempeuh a nasepna khempeuh a kizawh matengin amah in nang hong tamasak lo, hong nusia lo ding hi.

Joshua 1:8

Hih thukham laibu na mangngilh ngei kei ding hi. A sunga a kigelh thute khempeuh tawh kizui-in na gamtat theihna dingin sun leh zanin na lungngaingai ding hi; tua hi leh na lampi mavang ding a, na nasep tangtung ding hi.

Joshua 1:6

Thahat in la hang in; bang hang hiam cih leh amaute piak dingin a pate uh tungah ka ciam leitang hih mite na luahsak ding hi.

Ezra 6:14

Tua hi a, kamsang Haggai leh Iddo’ suan Zekhariah’ thugenkholhna hangin Judah upate in a inn lam uh zom suakin mavang uh hi. Israel Pasian’ sawlna leh Persia kumpi Sairas leh Darias leh Artakzaksis-te’ thupiakna tawh amaute in a inn lam uh a zo uh hi;

Haggai 2:18

Tu-in, kha kuana a ni sawmnih leh nili ni, biakinn bulpi a kiphuh khit, tu ni-a kipanin lim takin ngaihsun un.

2 KHANG TANGTHU NIHNATE 15:7

Ahih hangin nang, hang in! Na sepna thaman hong kipia ding ahih manin na khut zawsak kei in,” a ci hi.

Isaiah 35:3

A zaw khutte khauhsak un la, a no khukte kipsak un.