Zekhariah 8:16 - Tedim Bible

¹⁶ Note, hih bangin gamta un: Note khat leh khat tungah thuman thutak kam kipau un. Thukhenna zumah, kilemna a piangsak ding thutang zang un.

Tedim Bible Revision 2017

¹⁶ Hih bangin note gamta un: Note khatlekhat tungah thuman thutak kam kipau un. Thukhenna zumah, kilemna a piangsak ding thutang zang un.

Zekhariah 8:16 Referans Kwoze

Efesa 4:25

Tua ahih ciangin zuau thu paaikhia un la, thuman thutak tawh khat leh khat na kigen un. Bang hang hiam na cih uh leh, eite in pumpi khat’ nate ciat i hi hi.

Zekhariah 7:9

“Note in thu a tangin khenin, khat leh khat tungah itna leh hehpihna kilakin,

Late 15:2

Paubang loin gamta-in, a manin na sem a, lungsim tak a gen mi,

Zekhariah 8:19

amah in, “Kha lina, kha ngana, kha sagihna, leh kha sawmna sunga antan’nate pen, Judah gam mite’ adingin lungdamin kipakin pawi bawlna hun suak ta ding hi. Tua ahih manin thuman leh kilemna deih pha un,” hong ci hi.

Isaiah 9:7

Tua huna kipanin a tawntungin David kumpi tokhom tungah maangin ama gam sungah thutan’na leh thumanna phutin a kipsak nadingin, alian semsem ama ukna leh nopsakna in mong nei lo ding hi. Vanglianpen Topa’ deih luatna in hih thu hong tungsak ding hi.

Paunak 12:19

Thuman genna kip tawntung a, thuzuau genna tomno sung bek kimang hi.

Paunak 12:17

Thuman mite in thu taktak mah gen uh a, zuau tecite in khemna thu bek gen uh hi.

Mangmuhna 21:8

Lau-in a um lo mi, a kihhuai mi, mi that thei mi, nu leh pa mawhna a bawl mi, mi bum thei mi, milim bia mi, zuauthu gen mi khempeuh ahih uh leh, nihna sihna ahi kat leh mei lipi sungah a kituakin a thuak ding uh hi,” ci-in keima kiangah hong gen hi.

1 THESALONIKA MASA 4:6

hih thu-ah kuamah in a u, a nau tungah kheemna tawh a khialh loh nading ahi zongin a hong deih hi. Kote in hilhin, thuciam ka hong piaksa uh bangin Topa in tua banga khialhna khempeuh a thuk mi ahi hi.

Efesa 4:17

Tua ahih ciangin Gentailte in a lungsim kiphatsakna uh tawh a gamtat bangun note in na gamtat nawn loh nadingun Topa’ deihna bangin thuumin kong hanthawn hi.

Mattiu 5:9

“Mi kitawng kilemsak kik theite in thupha a ngah ding uh hi. Bang hang hiam na cih uh leh, Pasian’ tate cihna a ngah ding uh hi.”

Micah 6:12

Na mi haute uh mi zawngte tungah tatsia mahmah in, na khua sung mi khempeuh uh zuau gen vive hi uh a, a kam un khemna thu bekbek gen hi.

Micah 6:8

Mun khempeuh-a om no mihingte aw, Topa in a hoih nate hong gen khin zo hi. Topa in note tung panin hong kalh nate in: thuman thute sem ding a, itna kip nei tawntungin, kiniamkhiatna tawh Pasian’ thu man’ ding ahi hi.

Amos 5:24

Thutang, tui bangin luang khiasak un la, thuman, a kang ngei lo lui tui bangin luangsak un.

Amos 5:15

Thusia mudahin thupha deih un la, thukhen zumah a manin thu khen un. Tua hi leh, Josef minam a suakta sunte tungah, Topa, mihonpite’ Pasian hong thunuam kha thei ding hi.

Siampi Laibu 19:11

“Note na guta kei ding uh hi; khat leh khat na kikhem kei ding uh a, khat leh khat tungah thuzuau na kigen kei ding uh hi.

Jeremiah 22:3

Topa in a cih-inah, thumanin diktat un la, bawlsiatna a thuakte a bawlsiate’ khut sung panin honkhia un. Minam dangte, pa neilote leh meigongte simmawh bawl kha loin amau tungah ngongtat kha kei un la, hih munah zong mawhna nei lo mite that kei un.

Ezekiel 18:8

A meet bekbek lunggulhna-in sum leitawi pia lo hi. Gamtat siat ding ut lo a, mite’ thu a manin khensak hi.

Ezekiel 45:9

“Topa Pasian in hih bangin ci hi: No Israel a uk uliante aw, na mawh gamtatna uh sau vei lua zo ta hi. Na ngongtatnate uh leh mi na nenniamnate uh khawl un la, thuman thutangin na sem un. Amau leitang panun ka mite notkhia nawn kei un. Topa Pasian keimah in hih thu kong gen hi.

Zefaniah 3:13

Israel mi a om lai sunte, midang tungah gilo nawn lo ding a, zuauthu gen nawn loin, mi kheem ding zong ngaihsun nawn lo ding uh hi. Amaute cithei-in lungmuangin om ding uh a, kuamah kihta nawn lo ding uh hi,” ci hi.

Zekhariah 8:3

Ka khuapi Zion ah ciahkikin Jerusalem ah ka teeng ding hi. Tua ciangin Jerusalem pen a citak khuapi ci-in minthang ding a, Vanglianpen Topa’ mual in mual siangtho kici ding hi.

Late 34:15

Topa' mit in thumante’ lam en a, a bil in amau kikona lam nga hi.