Biblia Todo Logo
Bib sou entènèt

- Piblisite -




Zekhariah 8:12 - Tedim Bible

12 Lungnuam takin lo kho sing pua-in nuamsa ding uh hi. Leengguite gah pha-in, lo-ah an tampi piang-in, guah tampi zu ding a, a suakta lai ka minamte tungah hih bang thupha khempeuh ka tungsak ding hi.

Gade chapit la Kopi

Tedim Bible Revision 2017

12 Lungnuam takin lokho singpua-in nuam a sa ding uh hi. Leengguite gah pha dinga, guah tampi zu-in lo ah an tampi piang dinga, a suakta lai ka minamte tungah hih bang thupha khempeuh ka tungsak ding hi.

Gade chapit la Kopi




Zekhariah 8:12
39 Referans Kwoze  

Josef thu genin, “Topa in ama leitang tunga om vantung letsong hoih pente, leh nuai-a om a thuknate tawh,


Pasian in na tungah vantung daitui hong pia hen la, na lote hoihsak ta hen. An leh leenggahzu tampi hong pia ta hen.


Pasian’ Gam leh ama dikna zong masa un. Na zon’ uh leh, tua na khempeuh a hong pia thuah ding hi.


Tu-in a om lai note adingin hih thu a hi thei lo ding tawh a kibat hangin kei adingin ahi mawh ding thu hi lo hi.


Na ansal uh ah na upmawh zah sangun an na tawm zaw lai ding ahi hiam? Leenggui leh theikung, mangkawlsing leh oliv kungte, gah nai lo lai ding ahi hiam? Tua bang hi nawn lo ding a, tu ni-a kipanin note thupha kong pia ding hi, ci hi,” a ci hi.


Tua thu hangin guah zu lo a, leitang panin bangmah khangkhia zo lo hi.


Ganhingte aw, lau nawn kei un; gamsung tengah lo no ta a, singkungte gah ta-in, theigah leh leenggah tampi om hi.


Kilemna a piangsak thei mite ading dikna thu khaici kilemna tawh kivawhin a om hi.


Tua ahih ciangin kuamah in mite hangin kisathei kei hen. Bang hang hiam na cih uh leh, na khempeuh note ading ahi uh hi.


Gam keuna mun-a guahzu bangin Israel mite tungah nuntakna guah ka hi ding hi. Unok Paak bangin amaute palh ding a, Lebanon gama singkungte bangin zung thuk kha-in kip ding uh hi.


Na singgah kungte uh leh na lo lai ante uh tampi tak ka pha sak ding a, gil kial-a mindaina, minam dangte lakah na thuak kha nawn kei ding uh hi.


Note’ maizumna tangin nopna a zah nih na ngah ding uh a, note’ mindaina tangin nomau’ ngahna sungah na lungdam ding uh hi; tua ahih ciangin na gam sung uhah a zah nih na luah ding uh hi; note’ aa pen tawntung lungdamna hi ding hi,


Amah in, khaici na tuh nadingun guah hong zusak ding a, lei pan-a piang an hoih tampi tak hong pia ding hi. Tua ni ciangin gankhahna mun zaina-ah na ganhingte un lopa ne ding uh hi;


Isaak in tua leitangah khai tuh a, tua kum mahin a zah zakhat la hi. Topa in amah thupha pia a,


No ka mi Israelte, na leitang uhah kong gamtangsak kik ding hi. Note’ leitang suak ding a, tua leitang in na tate uh gilkial-in puksi sak nawn lo ding hi.


Kumpipa’ hehna in humpinelkai hawk bangin lauhuai a, ama pahtakna in lopa tunga daitui taak bangin deihhuai hi.


Mualliante leh mualneute in thumanna tawh na mite’ adingin nopna puak ta hen!


Tua ahih ciangin lungmuanna sungah Israel bek teeng hi, Jakob’ suante bek, an leh leenggahzu gamah om hi; hi taktak hi, a vantungte in daitui hong khiatsuk hi.


Ka thuhilhna in guahmal bangin zu-in, ka thugenna daitui bangin kia hen la, longeek tunga guah phin leh ankung tunga guahzu bang ta hen.


Tu-in Gileah gamsung Tishbe khua panin Tishbe mi Elijah in Ahab kiangah, “A mai-ah ka din’na Israel Pasian, Topa in a nungta ahih mah bangin keima thu tawh loin daitui ahi a, guah ahi zongin hong tung ding kumte sungah om lo ding hi,” a ci hi.


“Note in ka thukham zui-in ka thupiaknate mangin tuate na sep uh leh,


Hi hi, Topa in a hoih nate hong pia ding a, i leitang in hauhna piangsak ding hi.


Tua ahih ciangin amaute pen zingsanga kai meiilum, a maimang pak daitui, ancilna panin huih in a let khiat ansi, meikhu suahna-a a pai meikhu bangin maimang ding uh hi.


Tu-in, kha kuana a ni sawmnih leh nili ni, biakinn bulpi a kiphuh khit, tu ni-a kipanin lim takin ngaihsun un.


Amaute hong pai-in Zion mual tungah ngaihtakin la a sa ding uh a, Topa’ hehpihna ahi, buh, leenggah tui, sathau leh tuuno, bawngnote’ hangin amaute a lungdam mahmah ding uh hi. A nuntakna uh, tui kibuak huan bang ahi ding a, a lungkham ngei nawn kei ding uh hi.


Gamdang mite in hih gawpgawp nawn lo ding uh a, gamsate in thatin ne nawn lo ding uh hi. Amaute lungmuang takin om ding uh a, kuamah in lausak nawn lo ding uh hi.


Keimah in note’ lamah kong pang a, pel loin na gam uh lo-in kikho kikin khaici kituh kik ding hi.


Topa in ama mite’ thungetna dawng a, “Tu-in note tungah an, leenggahzu leh sathau, ka hong pia a, na kham takun na ne ding uh hi. Minam dangte’ simmawhin na om nawn kei ding uh hi.


Israel mi a om lai sunte, midang tungah gilo nawn lo ding a, zuauthu gen nawn loin, mi kheem ding zong ngaihsun nawn lo ding uh hi. Amaute cithei-in lungmuangin om ding uh a, kuamah kihta nawn lo ding uh hi,” ci hi.


Lo panin a piang na ante uh, kauphe ka nesak nawn kei ding a, na leenggui uh gah pha mahmah ding hi.


Swiv nou:

Piblisite


Piblisite