Zekhariah 7:7 - Tedim Bible

⁷ Jerusalem cithei-in a khua sungah mi tampi omin, leitaw lam gam, nitumna lam gam, a kim a pam khuapite-ah mi tampi teengin a om hun lai takin, tu-a mah bangin Topa in a kamsang masate’ tung tawnin a gensa thu ahi hi.

Tedim Bible Revision 2017

⁷ Jerusalem cithei-in a khua sungah mi tampi om a, leitaw lam gam, nitumna lam gam, a kiim a pam khuapite ah mi tampi teengin a om hun laitakin, tu-a bangmahin Topa in a kamsang masateʼ tungtawnin a gen sa thu ahi hi.

Zekhariah 7:7 Referans Kwoze

Jeremiah 17:26

Mite in Judah gam khuapite leh Jerusalem khua kim panin ahi zongin, Benjamin gam, Shefelah zanglei gam, mualtung gam leh leitaw lam Negeb gamte panin ahi zongin meihal biakna leh kithoihnate, an tawh biakna, paknamtui leh lungdam biak piaknate Topa’ biakinn-ah hong keng uh hi.

Jeremiah 32:44

Benjamin gam, Jerusalem khua kimkot leh, Judah gam khuapite-a kipan mual tunga khuapite, Shefelah zanglei-a khuapite leh leitaw lam Negeb gama khuapite-ah sum tawh lo kilei ding a, a theihpih mite tawh thukimna min gelhin gip tawh a kikhen ding hi; bang hang hiam cih leh keimah in amaute a gam mah uhah ka om sak kik ding hi, Topa in kong ci hi,” a ci hi.

Jeremiah 7:23

Ahih hangin, ‘Ka thu hong mang un; tua hi leh note’ Pasian ka hi ding-a, note in ka hoih zawk nadingin na khempeuh-ah kong thupiak bang na zui un,’ ci-in thu ka piazaw hi.

Jeremiah 7:5

“Bang hang hiam na cih uh leh na nuntakzia uh leh na gamtatnate uh na kikhel uh a, khat leh khat kikal-ah thuman thutak-a na vaihawm uh leh,

Jeremiah 33:13

Mual tunga khuapite, Shefelah zanglei-a khuapite leh leitaw lam Negeb gama khuapite, Benjamin gam, Jerusalem khua kimkot leh Judah gam khuapite ah, Topa in kong cih-inah tuucingte in a tuute uh a sim ding uh hi.

Jeremiah 22:21

Na daupai laitak-un kong hopih hangin na hong ngai nuam kei uh hi. Na neu tung-ua kipan nong tua cih ngitnget uh a, ka thu nong mang ngei kei uh hi.

Isaiah 55:3

Ka mite aw, ka thu ngai un la, kei kiangah hong pai un; nuntakna na ngah theih nadingun hong za un; David tungah ka kamciam mah bangin, keima itna kip ahi tawntung thuciamna note tawh ka bawl ding hi.

Thu-hilhkikna 34:3

Negeb gam, leh Zanglei zong, tua pen nisuh kung khuapi Jerikho kuam ahi, Zoar ciang dong, amah lak hi.

Jeremiah 13:19

Negeb gam khua kongpite lah kikhak a, kuamah lut thei nawn lo hi; Judah mite zong salin kikai a, a vekpi-un salin kikai khin uh hi.

Jeremiah 44:4

Ahih hangin note kiangah ka nasem kamsangte khempeuh kong sawl a, ‘Ka muhdah hih a kihhuai na na hih nawn kei un,’ ci-in kong gensak tawntung hi.

Zekhariah 7:6

A an nek a tui dawnte uh zong amau’ duh man bek hi,” hong ci hi.

Zekhariah 7:8

Topa in Zekhariah tungah thu gen a,

Zekhariah 7:12

Amaute in a lungsim uh suangtum bangin saksak uh a, Vanglianpen Topa in taanglai kamsangte tung tawnin a Kha Siangtho tawh a gen thuhilhnate ngai nuam lo uh hi. Tua ahih manin Topa heh mahmah hi.